Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Adinyaaña mmi ato Abọọñ,
Andinam anyọñ ye isọn.
Abasi ado itie udịbe ñnyịn ye adudu ñnyịn,
unwam ñnyịn ke ini akeedodo inieghe mfịna.
Ke akpanikọ Abasi ado unwam mmi;
Abọọñ ado andiñkama miin.
Adinyaaña mme ndinen awo ato Abọọñ;
anye ado akpọsọñ itie udịbe ammọ ke ini nnananyen.
Abọọñ anwam ammọ anyʌñ afak ammọ;
anye afak ammọ asio ke ubọk mbon ibak anyʌñ anyaaña ammọ,
sia ammọ edịbeke ke anye.
Sọp di, di ñnyaaña miin,
Abọọñ mmi ye Andinyaaña mmi.
Inwam ñnyịn, Abasi Andinyaaña ñnyịn,
ke ntak ubọọñ anyịñ mfo;
fak ñnyịn sio nyʌñ feen mme idiọọkñkpọ ñnyịn
ke ntak anyịñ mfo.
Itooro anie Abọọñ,
sia anye a-akop ayịd ake ami ntuaha ñyem mbọm.
Abọọñ ado adudu mmi ye atuekọñ mmi;
esịd mmi abuọt idem ke anye, anye anyʌñ añnyaaña miin.
Esịd mmi ayọhọ ye idaara,
ndin ami ndat ikwọ mmi ntooro anye.
Imiikpidooho Abọọñ akenọọhọ unwam,
ñkpaakesọp ñkeba ke ndobo udi.
Sia ami ndo Abọọñ Abasi ndufo
a-amʌmmọ ubọk nnasia ndufo,
anyʌñ ibo ndufo, ikiinyeñ idem;
ami ñyainwam ndufo.
Afo anam adinyaaña unwam mfo ado atuekọñ mmi;
unwam mfo anam ami ñkpon.
"Idi imbịne miin, afịd ndufo e-ekpaaha mba enyʌñ ebiom ndoppo mbiomo, ndin ami ñyainọ ndufo nduọkadudu.
Ndin ami ñyaabeeñe Ete, ndin anye ayainọ ndufo idọñesịd mfen adiiba ye ndufo ke nsi-nsi,
Ke ukem usʌñ ado, Sịbidịd inyaaña ñnyịn ke ini mmemidem. Ñnyịn idiọọñọke se ñnyịn ikpibeeñe ke akam, ado Sịbidịd ke idem amọ akama ñkuun atie ubiọñ anam ñkpeubọk inọ ñnyịn. Ndin anye a-aduuñọke esịd ñnyịn a-adiọọñọ akikere Sịbidịd, sia Sịbidịd atie ubiọñ anọ nditọ Abasi naña asaña ke uduak Abasi.
Buọt idem ke Abọọñ ye afịd esịd mfo
kuunyʌñ udot anyen ke ndiọọñọidem mfo;
ke afịd usʌñ mfo suuk iwuod nọ anye,
ndin anye ayaanam mme usʌñ mfo enen.
Itop afịd mfịna i-itịmekede ndufo esịd idot ke anye, sia anye a-akere ibaña ndufo.