Ajuda

2 मेरी मज़त करा सह बिधाता आप्पै

ज़ुंणी सारअ भ्रमंड आसा बणाअं द।

म्हारी शरण लणें ज़ैगा आसा परमेशर

1 म्हारअ बल अर शरण लणें ज़ैगा आसा परमेशर,

खरीए पलका करा सह ई म्हारी मज़त सदा।

4 भाल़, मेरी मज़त करनै आल़अ आसा तूह मेरअ परमेशर,

तूह मेरअ मालक डाहा मुंह ज़िऊंदै!

39 धर्मीं मणछा बच़ाऊआ बिधाता आप्पै,

खरीए पलका हआ सह तिन्‍नां लै पाक्‍कै गहल़ा ज़िहअ।

40 बिधाता करा तिन्‍नें मज़त,

सह हेरा तिन्‍नां कदुष्टा का बच़ाऊई,

किल्हैकि तिन्‍नैं हआ तेऊ सेटा शरण लई दी।

22 हे मालक, सह आसा तूह ई ज़ुंण मुंह बच़ाऊआ।

ज़ीबाण, तूह कर मेरी छ़ेक्‍कै मज़त।

9 हे परमेशर, म्हारी मज़त कर अर हाम्हां बच़ाऊ,

म्हारै पाप माफ करी दै हाम्हां लै छ़ुटकारअ,

ताकि तेरै नाओं अदर होए।

6 हे बिधाता, मुंह करनअ तेरअ शूकर

किल्हैकि तंऐं हेरी मेरी लेर-पकार शूणीं।

7 तूह बिधाता मुंह बच़ाऊंणै आल़अ अर

मुंह करनअ ताह ई प्रैंदै भरोस्सअ।

तंऐं किई मेरी मज़त, मुंह मनाऊंणी खुशी अर

गिहा बोली करनअ मुंह तेरअ शूकर।

17 ज़ै तंऐं मेरी मज़त नांईं किई हंदी,

तै गई ती आझ़ा लै कधू मेरी ज़िन्दगी खतम हई!

13 हुंह आसा थारअ परमेशर बिधाता,

मंऐं किऐ तम्हैं दैहणै हाथै ढाकी खल़ै,

तम्हैं निं डरी आथी, थारी मज़त करनी मुंह आप्पै।"

36 हे बिधाता, तूह ई आसा एक्‍कै मेरी बच़ाऊंणै आल़ी ढाल़,

तूह एछा मेरी मज़त करदअ, तंऐं किअ हुंह मशूर।

28 "तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्‍नां सोभी गल्‍ला का बशैघ।

16 मुंह करनी आपणैं बाब परमेशरा का अरज़ कि तम्हां लै छ़ाड एक होर मज़त करनै आल़अ, ज़ुंण सदा तम्हां संघै रहे।

26 ठीक इहअ ई करा पबित्र आत्मां म्हारी मज़त ज़ेभै म्हारअ परमेशरा दी विश्वास कमज़ोर हआ। हाम्हां का निं थोघै कि प्राथणां केऊ साबै करनी। पर पबित्र आत्मां का आसा थोघ अर सह करा आप्पै हाम्हां एही हिक्‍की-सल़िक्‍की प्राथणां कि तिंयां गल्‍ला खोज़णीं आसा मेरै बशा का बागै। 27 परमेशर ज़हा का सोभिए दिलो थोघ आसा तेऊ का हआ इहअ बी थोघ कि पबित्र आत्मां किज़ै बोला? किल्हैकि सह करा पबित्र मणछा लै परमेशरे मरज़ी दी हाम्हां लै अरज़।

5 तम्हैं डाहै दिला का बिधाता दी भरोस्सअ,

आपणीं समझ़े भरोस्सै निं रही।

6 हर गल्‍ला लै लणअ बिधाता पुछ़ी,

तै हेरनी तेऊ तम्हां का आज़री बात खोज़ी।

7 अर आपणीं सारी फिकर छ़ाडा तेऊ दी, किल्हैकि तेऊ आसा थारअ धैन-खैल।