Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
Utanga wangu hawulawi kwa Mtuwa Mlungu,
yakawumbiti mpindi na pasipanu.
Mlungu ka uwega wetu
Mlungu ndo tugira yetu na likakala lyetu,
yomberi ndo mtanga gwetu gwa pakwegera mashaka goseri ga kutabika.
Kumbiti nivimana Mlungu ndo mtanga gwangu,
Mtuwa Mlungu ndo yakagalolera makaliru gangu.
Mtuwa Mlungu kawalopola wantu waheri,
na kuwalolera shaka sha ntabiku.
Mtuwa Mlungu kawatanga na kuwalopola,
kawalaviya mumawoku mwa wakontola na kuwalopola,
mana watugira uponera kwakuyi.
Gwee Mtuwa Mlungu, gwizi kalongola guntangi,
gwenga yaguwera ulopola wangu.
Gwee Mlungu, mlopola gwetu,
toziya ya uweru wa litawu lyaku gutulopoli na kutulekiziya vidoda vyetu,
toziya ya ligoya lya litawu lyaku.
Kakwiswi Mtuwa Mlungu,
toziya kapikinira luwa yangu ya utanga.
Mtuwa Mlungu kampanan makakala na kandolera,
hanimtumbiru kwa moyu gwangu goseri.
Kandopola na moyu gwangu gumema nemeru,
na hanimwimbili nyimbu za mayagashii.
Mtuwa Mlungu mekatangindiri,
meng’endi kala muisi yawahowiti.
Gundolera na gundopola,
utanga waku untenda weri mkulu.
"Mwizi kwaneni woseri mwenga yamtokiti kupapa visanka vizotopa na neni hanuwatendi moyeri.
Naneni hanumluwi Tati nayomberi hakawapanani mtanga yumonga, hakalikali namwenga kwa mashaka goseri.
Ntambu iraa ayi Rohu kiza kututanga uzotopa yatuwera nawu. Twenga tuvimana ndiri vyavifiruwa kumluwa Mlungu, kumbiti Rohu mweni kankutuluwira kwa Mlungu kwa visoweru hapeni guvitakuli. Na Mlungu yakawona mpaka mngati mwa mumyoyu ya twenga, kavimana maholu ga Rohu ayu, toziya Rohu ayu kankuwaluwira wantu wa Mlungu kugenderana na mafiliru ga Mlungu.
Gumtumbiri Mtuwa Mlungu kwa moyu gwaku goseri, pota nagulitumbira mahala gaku gamweni. Gumholi Mtuwa Mlungu mukila lyagutenda, nayomberi hakakulonguziyi njira zaku.
Mumtulili magaziwu genu goseri, toziya yomberi kankuwalolera weri.