Ajuda
Deus é nosso auxílio e socorro em todo tempo. Ele não dorme nem cochila. O Senhor é nosso ajudador — não precisamos temer o que o homem possa nos fazer.
N ma dɛmɛri fatanma Alatala nan na,
naxan koore nun bɔxi daaxi.
Won mu gaaxuma
Ala matɔxɔɛ
Kora xa die xa bɛɛti bɛɛtibae xa mangɛ bɛ ginɛdimɛdi xui daaxi
Ala, n ma dubɛ suxu, i tuli mati n ma wɔyɛnyi ra.
Alatala tinxintɔɛe rakisima nɛ,
a findi e xa makantama ra e xa tɔɔrɛ kui.
A e malima nɛ, a e ratanga.
A e ratanga mixi ɲaaxie ma, a e rakisi,
barima e yigiyaxi a tan nan ma.
Alatala, i naxa n nabɛɲin.
N Marigi Ala, i naxa i makuya n na.
Kafu muxu ma, muxu rakisima Ala,
i xili xa nɔrɛ xa fe ra.
I xa muxu rakisi,
i xa muxu xa yunubie xafari i xili xa fe ra.
Alatala tantu,
a bara n ma dubɛ suxu.
Alatala nan na n sɛnbɛ nun n kantama ra.
N xaxili tixi a tan nan na naxan n malima.
N bɔɲɛ sɛɛwama nɛ, n fa bɛɛti ba a bɛ.
Xa n Marigi mu findi n malima ra nu,
n ma fe danma nɛ gaburi kui nu.
Na rabama nɛ barima n tan nan na wo Marigi Alatala ra,
naxan wo bɛlɛxɛ rasuxu,
a a fala, ‹Wo naxa gaaxu, n fafe wo malide.›
I findixi n ma kantama nan na,
i n xun nakelima.
Wo fa n ma, wo tan naxee taganxi, kote binye naxee xun, n xa malabui fi wo ma.
N tan fan, n Baba Ala maxandima nɛ a xa Saabui Fanyi gbɛtɛ xɛɛ wo ma, naxan luma wo fɛ ma abadan.
Ala Xaxili Sɛniyɛnxi fan fama nɛ won malide won ma sɛnbɛtareya kui. Won mu a kolon a lan won xa maxandi naxan naba, kɔnɔ Ala Xaxili Sɛniyɛnxi nan Ala maxandima won bɛ mayandi xui ra naxan mu nɔma masarade wɔyɛnyi ra. Anun, Ala, naxan won bɔɲɛ ma fe kolon, a a Xaxili Sɛniyɛnxi xa maxandie kolon, barima Xaxili Sɛniyɛnxi maxandi tima sɛniyɛntɔɛe bɛ Ala sagoe nan ma.
I yɛtɛ taxu Alatala ra i bɔɲɛ birin na, i naxa la i yɛtɛ ra.
I xa Ala kolon i xa kira birin xɔn,
a tan nan fama ɲɛrɛ ki fanyi masende i bɛ.
Wo xa wo xa kɔntɔfili birin so a yi ra, barima a ɲɛngi sama wo xɔn ma.