Aliança
A aliança é o modo como Deus se relaciona com seu povo. Da aliança com Noé à Nova Aliança em Cristo, Deus se compromete com amor e fidelidade irrevogáveis.
Alianças com Israel
Deus firmou aliança com Abraão, Moisés e Davi. No arco-íris, na lei, nas promessas — Ele é o Deus da aliança.
ሄዋፐ ጉየ፥ ጾሳይ ኖሀነ አናና ደእያ አ አቱማ ናና፥ "ስም ሀእ፥ ታን ታ ጫቁዋ ህንተናና፥ ህንተፐ ጉየ ህንተንቱ ዘረናነ ፓጻ ኔናና ደእያ መታ ኡባና ጫቀታይ፤ ኤ፥ ታን ታ ጫቁዋ ካፉዋና፥ መህያና፥ ሳኣ ዶኣ ኡባናነ፥ ማርካብያፐ ህንተናና ከሴዳ፥ ሸምፑዋና ደእያ መታ ኡባና ጫቃይ። ታን ህንተናና ታ ጫቁዋ ጫቀታይ፤ ሀዋፐ ስንን ሸምፑ ደእያባይ ኡባይ ባሻ ሃን ኡባካ ባየና፤ ሀ ሳኣ ባይዝያ ሃይ ሀዋፐ ስንን ኡባካ ደኤና" ያጌዳ።
ቃይካ ጾሳይ፥ "ታን ታፐነ ህንተፐ፥ ህንተናና ደእያ ፓጻ መታቱዋ ኡባፐ ግዱዋን ያና የለታ ኡባና ጫቀትያ ጫቁዋ ማላታይ ሀዋ፤ ታን ታ ዙሉዋ ሻርያን ኤሳድ፤ እ ታፐነ ሀ ሳኣፐ ግዱዋን ደእያ ጫቆ ማላ ግዳና።
ታን ህንተናና ታ ጫቁዋ ጫቀታይ፤ ሀዋፐ ስንን ሸምፑ ደእያባይ ኡባይ ባሻ ሃን ኡባካ ባየና፤ ሀ ሳኣ ባይዝያ ሃይ ሀዋፐ ስንን ኡባካ ደኤና" ያጌዳ።
ታን ታ ዙሉዋ ሻርያን ኤሳድ፤ እ ታፐነ ሀ ሳኣፐ ግዱዋን ደእያ ጫቆ ማላ ግዳና።
ሄ ጋላስ መና ጎዳይ አብራመና ሀዋዳን ያጊደ ጫቁዋ ጫቀቴዳ፤ "ግብጼ ሻፋፐ ዶሚደ ኤፍራጺሳ ግያ ዎልቃማ ሻፋ ጋካናዉ፥ ሀ ቢታ ታን ነ ዘረዉ እማድ፤ ሀ ቢታይ ቄናቱዋ፥ ቀኒዘቱዋ፥ ቃድሞነቱዋ፥ ሂተቱዋ፥ ፓርዘቱዋ፥ ራፋየቱዋ፥ አሞረቱዋ፥ ካናነቱዋ፥ ገርጌሰቱዋነ ያቡሳቱዋ ቢታ" ያጌዳ።
አብራመ ባረ ዴሙዋን ዱገ ጉፋኔዳ፤ ጾሳይ አዉ ሀዋዳን ያጌዳ፤ "ስም፥ ታን ኔናና ጫቀትያ ጫቁ ሀዋ፤ ኔን ዳሮ ካዉተ አዉዋ ግዳና። ሀዋፐ ዶሚደ ነ ሱንይ አብራማ ጌተተና፤ ሽን ነ ሱንይ አብራሃማ ግዳና። አያዉ ጎፐ፥ ታን ኔና ዳሮ ካዉተ አዉዋ ኦድ። ታን ኔና ሎይ ጮርሳና፤ ታን ኔፐ ካዉተቱዋ መና፤ ካተቱካ ኔፐ ከሳና። ታን ታፐነ ኔፐ፥ ኔፐ ጉየ ነ ዘረፐነ ግዱዋን፥ የለታፐ የለታ ጋካናዉ ታ ጫቁዋ ጫቀታይ፤ ሀ ጫቁ ታን ነዉነ ኔፐ ጉየ ነ ዘረዉ ጾሳ ግዳና ማላ መና ጫቁዋ። ሀእ ኔን በተ ግዳደ ደእያ ካናነ ቢታይ ኡባይ ነዉነ ኔፐ ጉየ ነ ዘረዉ መናዉ ላታ ግዳና ማላ ታን እማና፤ ቃይ ታን ኡንቱንቱ ጾሳ ግዳና" ያጌዳ።
ቃይካ ጾሳይ አብራሃማ፥ "ኔና ግዶፐ፥ ኔን ታ ጫቁዋ ናጋ፤ ኔንካ ኔፐ ጉየ ነ ዘረይካ፥ የለታፐ የለታ ጋካናዉ ናግተ። ታፐነ ኔፐነ፥ ኔፐ ጉየ ነ ዘረፐ ግዱዋን ህንተንቱ ናጋና ታ ጫቁ ሀዋ፤ ህንተንቱ ግዱዋን ደእያ አቱማዌ ኡባይ ቃጻረቶ። ህንተንቱ አቱማተ ሾኩዋ ቃጻረቲታ፤ ሄዌ ታፐነ ህንተፐ ግዱዋን ደእያ ጫቆ ማላ ግዳናዋ።
ታማነ ኦይደን ላይን ካዶርላኦመርነ አናና ዙፐቴዳ ካተቱ ባረንቱ ኦላንቻቱዋ አክ ቢደ፥ አስታሮት ጻርናይማን ደእያ ራፋየታ፥ ሃማን ደእያ ዙዘታነ ሻዌ-ቅርያታይማን ደእያ ኤመታ ኦሊደ ጾኔድኖ።
ስም ሀእ ህንተንቱ ታዉ ሎይ አዛዘቶፐነ ታ ቃላ ጫቁዋ ናጎፐ፥ አሳ ኡባ ግዶን ህንተንቱ ታዉ ቡዞ ግዳና። ኩመን ሳአይ ታዋ ግዶፐነ
ታን ህንተንቱ ዛዋ ዞኦ አባፐ ፕልስጼማ አባ፥ መላ ቢታፐ ኤፍራጺሳ ሻፋ ጋና። ሄ ጋድያን ደእያ ኡባ ታን ህንተንቱ ኩሽያን አደ እማና፤ ህንተንቱካ ኡንቱንታ ህንተንቱ ስንፐ ላጊደ ከሳና። ኡንቱንቱና ዎይ ኡንቱንቱ ጾሳቱዋና ጫቁዋ ዎፕተ።
ያትና መና ጎዳይ ሀዋዳን ያጌዳ፤ "ታን ህንተናና ቃላ ጫቁዋ ገላድ፤ ሀዋፐ ካሰ ሳኣ ኡባን ደእያ ካዉተ ኡባን ሀን ኤረና ማላልስያባ ነ አሳ ኡባ ስንን ኦና፤ ታን መና ጎዳይ፥ ህንተንቶ ኦያ ኪታይ አይ ኬሻ ማላልስያበንቶ ኔን ኡንቱንቱ ግዶን ደእያ አሳይ ኡባይ በአና።
ሙሴ ቁማ ሜናንነ ሃ ኡሸናን፥ ኦይታሙ ጋላሳነ ኦይታሙ ቃማ መና ጎዳና ያን ጋምኤዳ፤ ቃላ ጫቁዋ ቃላቱዋ፥ ታሙ አዛዙዋ ማሰቴዳ ሹቻን ጻፌዳ።
ሙሴ ቁማ ሜናንነ ሃ ኡሸናን፥ ኦይታሙ ጋላሳነ ኦይታሙ ቃማ መና ጎዳና ያን ጋምኤዳ፤ ቃላ ጫቁዋ ቃላቱዋ፥ ታሙ አዛዙዋ ማሰቴዳ ሹቻን ጻፌዳ።
ህንተ ኦናዳን እ ህንተና አዛዜዳ ባረ ጫቁዋ ህንተንቶ ኦዴዳ፤ ሄዋንቱካ ታሙ አዛዞቱዋ። እ ኡንቱንቱ ላኡ ማሰቴዳ ሹቻቱ ቦላ ጻፌዳ።
ሄዋ ድራዉ፥ መና ጎዳይ ህንተ ጾሳይ ጾሳ ግድያዋ ኤርተ። እ ባረና ሲቅያዋንቶነ ባረ አዛዙዋ ናግያዋንቶ ሻአ የለታ ጋካናዉ፥ ባረ አገና ሲቁዋ ጫቁዋ ናግያ፥ አማነትያ ጾሳ።
Alianças renovadas
O povo renovava a aliança diante do Senhor. A fidelidade de Deus permanece mesmo quando o povo falha.
አሳይ ዮርዳኖሳ ሻፋ ፕናናዉ ባረንቱ ዱንካንያፐ ከሴዳ ዎደ፥ ቃላ ጫቁዋ ታቦታ ቶኬዳ ቄሳቱ አሳፐ ስንን ሀመቴድኖ። ካ ጫክያ ዎድያን ኡባን ዮርዳኖሳ ሻፋይ ኩንዳ። ግዶፐነ፥ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ጋክና፥ ኡንቱንቱ ገዲ ሃ ጋጻ የዳ ዎደ፥ ቆሞፐ ዱገ ጎግያ ሃይ ኤቂ አጌዳ፤ ህን ዳርስ ሃኮ ሳን፥ ጻርታና ግያ ሳን ደእያ አዳማ ጌተትያ ካታማን እት ሳኣ ሺቂደ ዶረቴዳ። ዱገ አራባ ጋን ደእያ ማጽነ አባዉ ጎግያ ሃይ ቃይ ኡባይ ዱጺደ አት ባሼዳ። ያትና፥ አሳይ ያርኮ ካታማ ሄፍን ፕኔዳ። እስራኤልያ አሳይ መላ ጋድያ የደ ፕንያ ዎደ፥ አሳይ ኡባይ ፕኒደ ዉራና ጋካናዉ ጾሳ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ግዶን መላ ቢታን ኤቄድኖ።
ሄዋፐ ጉይያን፥ አሳይ መና ጎዳ አሳ ግዳና ማላ፥ ዮዳሄ ካቲነ አሳይ መና ጎዳና ቃላ ጫቁዋ ገላና ማላ ኦዳ። ቃይ ካትያፐነ አሳፐነ ግዱዋንካ ቃላ ጫቁዋ ገልሴዳ።
ሄዋፐ ጉይያን፥ ካቲ ቱሳ ማታን ኤቂደ፥ ኡንቱንቱ መና ጎዳ ኦግያን ሀመታናዉነ፥ አ ህግያ፥ አ ዎጋነ አ አዛዙዋ ባረ ኩመን ዎዛናንነ ባረ ኩመን ሸምፑዋን ናጋናዉ፥ ቃይ ሀ ማጻፋን ጻፈቴዳ ጫቁዋዳን ኦናዉ መና ጎዳ ስንን ገፔዳ። ያትና አሳይ ኡባይካ ጫቁዋ ናጋናዉ ገፔዳ።
ሄ ዎደ ካቲ ዮራመ ሳማርያፐ ከሲደ፥ እስራኤልያ ኡባ ሺሼዳ። ቃይ ይሁዳ ካትያ ዮሳፌጻኮ ኪታ የዲደ፥ "ሞኣበ ካቲ ታ ቦላ ማካሌዳ፤ ሞኣበና ኦለታናዉ ኔን ታናና ባኒ?" ያጌዳ።
ዮሳፌጸ፥ "ኤ ታን ባና። ታን ነ ማላ፤ ታ አሳይካ ነ አሳ ማላ፤ ቃይ ታ ፓራቱካ ነ ፓራቱዋ ማላ" ያጊደ ዛሬዳ።
ሄዋ ድራዉ፥ ዮናታን፥ "መና ጎዳይ ዳዊታ ሞርከቱዋ ኦቾ" ያጊደ ዳዊታ ጎልያ አሳና ቃላ ጫቁዋ ጫቀቴዳ። ዮናታን ዳዊታ ባረ ሁጲያዳን ሲቄዳ ድራዉ፥ "ኔን ታና ቱሙ ሲቅያዋ ቆንጭሳናዉ አነ ታዉ ላኤንዋ ጫቃ" ያጊደ ጫቂሴዳ።
ሄዋፐ ጉይያን፥ መና ጎዳይ ሙሳ ሀዋዳን ያጌዳ፤ "ቄስያ አሮና ናኣ ኤልኣዛራ ናአይ ፒንሃስ እስራኤልያ አሳ ግዶን ታን ታ ቦንቾ ምሸትያዋዳን ምሸቴዳ ድራዉ፥ ኡንቱንቱ ቦላ ታን ሀንቀቴዳ ሀንቁ ዶቼዳ፤ ታንካ ኡንቱንታ ታ ሀንቁዋን ይሳበይከ። ሄዋ ድራዉ፥ ታን ታ ሳሮተ ጫቁዋ አናና ጫቀትያዋ ፒንሃሳዉ ኔን ኦዳ። እ ባረ ጾሳ ቦንቾ ምሸቴዳ ግሻዉነ እስራኤልያ አሳዉ አቶ ጊሴዳ ድራዉ፥ እነ አ ዘረቱ መናዉ ቄሰ ግዳናዋ" ያጌዳ።
ሙሴ መና ጎዳና ሃሳያናዉ ጾሳ ዱንካንያ ገልያ ዎደ፥ ማርካተ ታቦታ ቦላን ደእያ አቶ ግያ ሳኣ ቁምኡዋ ቦላን፥ ላኡ ክሩበቱዋፐ ግዱዋና መና ጎዳይ ሃሳይያ ኮሻ ስሴዳ፤ እካ አናና ሃሳዬዳ።
መና ጎዳይ ሙሳ ሀዋዳን ያጌዳ፤ "ኔን፥ ‘ህንተ ዛርያን ዛርያን ህንተ ካፓቱዋፐ ሁጲያን ሁጲያን እት እት ጻምኣ ኡባና ታማነ ላኡ ጻምኣ ታዉ እምተ’ ያጋደ እስራኤላቱዋፐ አካ። እት እት አሳ ሱን ጻምኣ ቦላን ጻፋ። እት እት ዛርያ ካፖ እት ጻምኣ ግድያ ድራዉ፥ ሌዊያ ጻምአን አሮና ሱን ጻፋ። ጋከትያ ዱንካንያ ግዶን ታን ኔናና ጋከትያ ማርካተ ታቦታ ስንን ዎ። ታን ዶርያ አሳ ጻምአይ አጫና፤ ሀዋዳን ኦደ ህንተ ቦላን እስራኤላቱ ዙዙምያ ዙዙን ታን ሙለ ይሳና" ያጌዳ።
ሙሴ እስራኤልያ አሳዉ ኦድና፥ ኡንቱንቱ ካፓቱ ታማነ ላኡ ጻምአቱዋ፥ እት እት ዛርያ ካፓቱ እት እት ጻምኣ አዉ እሜድኖ። ሄ ጻምአቱዋ ግዱዋን አሮና ጻምአይካ ደኤ። ሙሴ ሄ ጻምኣ ኡባ ማርካተ ዱንካንያ ግዶን መና ጎዳ ስንን ዎዳ።
ዎንተ ጋላስ ማርካተ ዱንካንያ ግዶ ሙሴ ገሌዳ ዎደ፥ ሌዊያ ዛረ ግድያ አሮና ጻምአይ አጬዳዋ፥ ጉምቤዳዋ፥ ጪሼዳዋነ ጪሺደ ላዉዝያ ግያ ም አይፍያ አይፌዳዋ በኤዳ። ሄዋፐ ጉይያን፥ ሙሴ ጻምኣ ኡባ መና ጎዳ ስንፐ እስራኤልያ አሳ ኡባኮ አሄዳ። አሳይ ኡንቱንታ በኤዳዋፐ ጉይያን፥ ካፓቱ ባረንቱ ጻምኣ ጻምኣ አኬድኖ። መና ጎዳይ ሙሳ፥ "አሮና ጻምኣ ታቦታ ስንን ዛራ ዎ። ሄዋ ማካሌዳዋንቱ ታ ቦላ ላኤን ዙዙሚደ ሀይቀናዳን፥ ኡንቱንቶ ማላታ ኦደ ናጋ" ያጌዳ። መና ጎዳይ አዛዜዳዋዳን ሙሴ ኦዳ።
እስራኤልያ አሳይ ዛረደካ መና ጎዳ ስንን ኢታባ ኦዳ። መና ጎዳ ስንን ኡንቱንቱ ኢታባ ኦዳ ድራዉ፥ መና ጎዳይ ሞኣበ ካትያ ኤግሎን እስራኤልያ ቦላን ዎልቃማናዳን ኦዳ። ኤግሎን አሞናቱዋነ አማሌቃቱዋ ባረኮ ሺሽ ቢደ፥ እስራኤልያ አሳ ኦለቲደ ጾኔዳ፤ ዛምባ ካታማ ጌተትያ እያርኮ ካታማ ኦይቄዳ።
Nova Aliança
Eis que dias vêm em que farei nova aliança. Jesus é mediador de uma aliança superior, fundamentada em melhores promessas.
መና ጎዳይ ሀዋዳን ያጌ፤ "ታን እስራኤልያ አሳናነ ይሁዳ አሳና ኦራ ጫቁዋ ጫቀትያ ጋላሳቱ ያና። ሄ ጫቁ ታን ኡንቱንታ ግብጼፐ ከሳናዉ ኡንቱንቱ ኩሽያ ኦይቄዳ ዎደ፥ ኡንቱንቱ ማይዛ አዎቱዋና ጫቀቴዳ ጫቁዋ ማላ ግደና፤ ታን ኡንቱንቶ አስና ማላ ግዳ ኡትናካ ኡንቱንቱ ታ ጫቁዋ መንድኖ። ታን መና ጎዳይ ሀዋ ኦዳይ። ሽን ታን መና ጎዳይ ሄ ጋላሳቱዋፐ ጉይያን እስራኤልያ አሳና ጫቀታና ጫቁ ሀዋ: ታን ታ ህግያ ኡንቱንቱ ግዶን ዎና፤ ቃይ ኡንቱንቱ ዎዛናንካ ጻፋና። ታን ኡንቱንቱ ጾሳ ግዳና፤ ቃይ ኡንቱንቱካ ታ አሳ ግዳና። አሳይ ባረ ሾሩዋ ዎይ ባረ እሻ፥ ‘መና ጎዳ ኤራ’ ያጊደ ታማርስያዋ አጋና፤ አያዉ ጎፐ፥ ጉፐ ዶሚደ፥ ዎጋ ጋካናዉ፥ ኡንቱንቱ ኡባይ ታና ኤራና። ታን ኡንቱንቱ ናቁዋ አቶ ጋና፤ ኡንቱንቱ ናጋራካ ላኤን ሀሳይከ። ታን መና ጎዳይ ሀዋ ኦዳይ" ያጌ።
መና ጎዳይ ሀዋዳን ያጌ፤ "ታን ጋላሳናነ ቃማና ቃላ ጫቁዋ ጫቀታድ፤ ሄ ጫቁዋን ኡንቱንቱ ባረንቶ ኬረቴዳ ዎድያን ስመረቴድኖ። ሄ ጋላሳነ ቃማ ጫቁዋ ህንተ ላማናዉ ዳንዳዮፐ፥ ታን አ ዛርያፐ ካዉተ አራታን ኡታና አሳይ ኡባካ የናዳን፥ ታ ቆማ ዳዊተና ጫቀቴዳ ጫቁዋ ላማና፤ ቃይ ኡባቶ ታዉ ኦያ፥ ሌዊያ ዛረ ግድያ ቄሳቱ ዋና ጫቀቴዳ ጫቁዋካ ላማና።
ሄዋ ድራዉ፥ ጾሳይ ጼሴዳዋንቱ እ እማና ጌዳ መና አንጁዋ ላታና ማላ፥ ክርስቶስ ኦራ ጫቆ ጋናቴዳ፤ ሄዌ ሀናና ዳንዳይያዌ፥ አሳይ ኮይሮ ጫቁዋፐ ጋርሳን ደኢደ ኦዳ ባላ አይለተፐ ከስያ ሀይቁ ደእያ ድራሳ።
ሄዋ ድራዉ፥ ጾሳይ ጼሴዳዋንቱ እ እማና ጌዳ መና አንጁዋ ላታና ማላ፥ ክርስቶስ ኦራ ጫቆ ጋናቴዳ፤ ሄዌ ሀናና ዳንዳይያዌ፥ አሳይ ኮይሮ ጫቁዋፐ ጋርሳን ደኢደ ኦዳ ባላ አይለተፐ ከስያ ሀይቁ ደእያ ድራሳ።
ሽን የሱስ ጋናትያ ጫቁ ካሰዋፐ አያዋዳንካ፥ አዉ እመቴዳ ኦሱካ ኡንቱንቱዋፐ አ፤ አያዉ ጎፐ፥ ሄ ጫቁ ጾሳይ እማና ጌዳ ኡባፐ አያ ኪታን ኦሰቴዳ።
ሳሮተ ጾሳይ፥ ኑ ጎዳ የሱሳ፥ ዶርሳቱዋ ሄንንቻ ዎልቃማ፥ መና ጫቁዋ ሱን ሀይቁዋፐ ደንዳ። ጾሳይ የሱስ ክርስቶሳ ባጋና ባረ ስንን ባረና ናሸችያዋ ህንተንታ ኦስሲደ፥ ህንተንቱካ እ ኮዬዳዋ ኦና ማላ፥ ሎኦ ኦሱዋ ኡባን ህንተንታ እ ጊግሶ፤ ጾሳይ መ መናዉ ቦንቼቶ። አመንእ።
ኑን ኦራ ጫቆ ኦና ማላ፥ ጾሳይ ኑና ዳንዳይሴዳ፤ ሄ ኦራ ጫቁ ጌሻ አያናዋፐ አትን፥ ጻፈቴዳ ህግያዋ ግደና። ጻፈቴዳ ህጊ ሀይቁዋ አሄ፤ ሽን ጌሻ አያናይ ደኡዋ አሄ።
ሀ ላኡ ማጫዋንቱ ላኡ ጫቆ ግድያ ሌምሶ። ኡንቱንቱፐ እትና፥ ሙሴዉ ህጊ እመቴዳ ሲና ደርያፐ ጫቁ ዬዳዉና፥ ባረ ናና አይለተዉ የላዱ፤ እዛካ አጋሮ። ሀ አጋራ አራብያ ጌተትያ ጋድያን ደእያ ሲና ደርያን ሌምሰታዉ፤ ቃይካ ሀእ ደእያ የሩሳላመን ሌምሰታዉ፤ አያዉ ጎፐ፥ የሩሳላመ ካታማይ ባረ ግዶን ደእያ አሳ ኡባና ሙሴ ህግያ አይለተን ደኤ። ሽን ሳሉዋን ደእያ የሩሳላመ አይለተን ደኡኩ፤ እዛ ኑዉ አቶ ግዴዳ ሳሮ።
Fidelidade da aliança
A aliança de Deus é eterna. Ele não quebra seu pacto nem altera o que saiu dos seus lábios.
ሽን መና ጎዳዉ ያይያዋንቶ፥
አገና አ ሲቁ መናፐ መና ጋካናሳ።
አ ጽሎተይካ ናኣ ናአዉ ጋካናሳ።
አ ጫቁዋ ናግያዋንቱሳነ
አ አዛዙዋ ፖላናዉ ሀሳይያዋንቱሳ።
ቃይካ መና ጎዳይ ሀዋዳን ያጌ፤ "ታና ግዶፐ፥ ታን ኡንቱንቱና ጫቀትያ ጫቁ ሀዋ: ህንተ ቦላን ደእያ ታ አያናይነ ታን ህንተ ዶናን ዎዳ ታ ቃላይ ሀችፐ ዶሚደ፥ መና ጋካናዉ፥ ህንተ ዶናፐ፥ ህንተ ናናቱ ዶናፐነ ህንተ ናናቱ ናናቱ ዶናፐ ሻከተና። ታን መና ጎዳይ ሀዋ ኦዳይ" ያጌ።
" ‘ "ታን ኡንቱንቱና ሳሮተ ጫቁዋ ጫቀታና፤ ኢታ ዶአቱዋካ ታን ቢታፐ ድጋና፤ ያቶፐ ታ ዉዲ ባዙዋን ሳሮ ደአና፤ ዎራ ጋርሳንካ ህርግ ባይናን አላጻና።
እ መና ጎዳይ ባረ ሁጲያዉ ኔናና ግዲደ ኔና ካለና። እ ኔና ኦለና፤ አይነካ ኔና አገና። ሄዋ ድራዉ፥ ያዮፓ፤ ነ ዎዛናን ዳጋሞፓ" ያጌዳ።
ሄ ካፑ ላፑን ላይይ ግዶን አሳና ምኖ ጫቁዋ ጫቀታናዋ። ሄ ላፑን ላይቱዋ ግዶ ግሸቻን እ ያርሹዋ ያርሽያዋነ እሞታ እምያዋ ድጋና። ጌሻ ጎልያዉ ግዶ ግሸቻን ባየ ቱናተ እ ኤሳና። ዉርሰን አዋየቴዳ ቦሻይ አ ቦላ ትገታናዋ" ያጌዳ።
"ገድሳ ቢታ ካቲ ምኖ ግዳናዋ፤ ሽን አ ካፓቱዋፐ እቱ አፐ አ ምኒደ፥ ሄ ዎልቃማ ካዉተ ሞዳና።
"ጉ ላይፐ ጉይያን፥ ገድሳ ቢታ ካቲነ ሁጲሳ ቢታ ካቲ ባረንቱ ግዶን ዳቦተ ጫቁዋ ጫቀታናዋንታ። ገድሳ ቢታ ካትያ ናታ ሁጲሳ ቢታ ካትያ ገላናኑ፤ ሽን እዝ ዎልቃይካ ምነና፤ ቃይ እካ አ ዎልቃይካ ዳሮ ዎድያ ጋምኤና። ሄ ዎደ እዞ፥ እዞ አጃብያዋንቱ፥ እዝ ናአይነ እዝ አስናይ ኡባይ አደ እመታና።
አናና ኤቀትያዌ ሙለካ ባይና ድራዉ፥ ሁጲሳ ቢታ ካቲ ባረ ኮይያዋ ኡባ ኦና። እ እስራኤልያ ግያ ሎኦ ቢታን ባረዉ ምን ኤቂደ፥ አ ይስያ ዎልቃ ደማና። እ ባረ ካዉተዉ ደእያ ዎልቃ ኡባ አኪደ ያናዉ ቆፋ ቃቻና፤ ዪደ፥ ገድሳ ቢታ ካትያና ዳቦተ ጫቁዋ ጫቀታናዋ። ሄ ካዉተ ኡንጋናዉ ሀልቺደ፥ ባረ ናቶ አዉ እማና፤ ሽን አ ሀልቹ ፖለተና።
"ማላንቻ ማጫውኖ ጼላደ አሞተናዳን፥ ታን ታ ዎዛና አይፍያና ጫቁዋ ጫቀታድ።
አዳ ኤራተይ ዎሹምያ ምሽራትፐነ ሸሌሽያ ቃላን ሃሳይያ ላገትፐ ኔና አሻና። እዛ ባረ ናአተ አስና አጋዉ፤ ባረ ጾሳ ስንን ጫቀቴዳ ጫቁዋካ ዶጋዉ።