1 ኦዱዋ 7

ይሳኮራ የለታ

1 ይሳኮራዉ ኦይዱ ናናይ ደኢኖ፤ ኡንቱንቱካ ቶላአ፥ ፑዋ፥ ያሹባነ ሽምሮና።

2 ቶላአ ናናይ ኡዛ፥ ራፋያ፥ ይሪኤላ፥ ያህማያ፥ ይብሳማነ ሳሜላ፤ ኡንቱንቱ ቶላአ ያራቱ ካፓቱዋ። ኡንቱንቱ ዎልቃማነ ጻላ አሳቱዋ። ዳዊታ ዎደ ኡንቱንታ ፓይዱ ላታማነ ላኡ ሻአነ ኡሱፑን ጼታ።

3 ኡዛ ናአይ ይዝራህያ። ይዝራህያ ናናይ ምካኤላ፥ ኦባድያ፥ ዩኤላነ ይሽያ፤ ሀ እቼሻቱካ ሶይ አሳ ካፓቱዋ። 4 ባረንቱ አዎቱዋ ሶይ አሳ የለታዳን ኦላዉ ጊጌዳ ኦላንቻቱ ሀታማነ ኡሱፑን ሻአ፤ አያዉ ጎፐ፥ ኡንቱንቶ ጮራ ማቼቱነ ጮራ ናናይ ደኢኖ።

5 ይሳኮራ ዛራቱዋፐ ኦላንቻቱ ባረንቱ የለታ ማዝጎብያን ፓይደቲደ፥ ኡባና ሆስፑን ታማነ ላፑን ሻአ ግዴድኖ።

ቢንያማነ ዳና የለታ

6 ቢንያማዉ ሄዙ ናናይ ደኢኖ፤ ኡንቱንቱካ በላአ፥ በኬራነ ይድኤላ።

7 በላአ ናናይ ኤጽቦና፥ ኡዛ፥ ኡዝኤላ፥ ያርሞታነ እራ፤ ሀ እቼሻቱካ ሶይ አሳ ካፓቱዋ። ኡንቱንቱ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ላታማነ ላኡ ሻአነ ሀታማነ ኦይዳ ግዴድኖ።

8 በኬራ ናናይ ዛሚራ፥ ዮኣሻ፥ ኤልኤዛራ፥ ኤልዮኤናያ፥ ኦምራ፥ ያርሞታ፥ አቢያ፥ አናቶታነ አለሜታ፤ ሀዋንቱ ኡባቱ በኬራ ናና። 9 ባረንቱ የለታ ማዝጎብያዳን ፓይደቴዳ ዎልቃማነ ጻላ አሳቱ ላታሙ ሻአነ ላኡ ጼታ ግዴድኖ።

10 ይድኤላ ናአይ ብልሃና። ብልሃና ናናይ ይኡሻ፥ ቢንያማ፥ ኤሁዳ፥ ካናእና፥ ዘታና፥ ታርሴሳነ አህሻሃራ፤ 11 ሀዋንቱ ኡባቱ ይድኤላ ናና። ኡንቱንቱ ሶይ አሳ ካፓቱዋነ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ታማነ ላፑን ሻአነ ላኡ ጼታ።

12 ቃይ ሹፊምነ ሁፊም እራ ናና። ሁሺም ዳና ናኣ።

ንፍታሌማ የለታ

13 ንፍታሌማ ናናይ ያህጽኤላ፥ ጉና፥ የጼራነ ሻሉማ፤ ሀዋንቱ ባል ናና ናና።

ምናሰ የለታ

14 ምናሰ ዛራቱ ሀዋፐ ካሊደ ጻፈቴዳዋንታ። ምናሰ ሶርያ ጋድያፐ አኬዳ ቁባታታ የሌዳ አቱማ ናናይ አስርኤላነ ጋላኣደ አዉዋ ማኪና። 15 ማኪር ሁፊማስነ ሹፊማስ እት እት ማችያ ኦቺደ እሜዳ። ማኪና ምቻት ሱንይ ማእኮ። ማኪና ናአይ ቴፋይ ጻሎፍሃዳ። ጻሎፍሃድ ማጫ ናናቱዋ ጻላላ የሌዳ።

16 ማኪና ማቻታ ማእካ አዉ ናና የላዱ። ባይራ ናኣ ፐረሻ ሱንዱ፤ ፐረሻ እሻ ሱንይ ሸሬሻ። ፐረሻ ናናይ ኡላማነ ራቄማ። 17 ኡላማ ናአይ ባዳና። ሀዋንቱ ምናሰ ናኣ ናኣ፥ ማኪና ናኣ ጋላኣደ ዘረ።

18 ጋላኣደ ምቻታ ሀሞለኬታ እሾዳ፥ አብኤዘራነ ማህላ የላዱ።

19 ሻምዳአ ናናይ አህያና፥ ሸኬማ፥ ሊቅሀነ አንኣማ።

ኤፍሬማ የለታ

20 ኤፍሬማ ናአይ ሹተላሀ፤ ሹተላሀ ናአይ በሬዳ፤ በሬዳ ናአይ ታሃታ፤ ታሃታ ናአይ ኤልኣዳ፤ ኤልኣዳ ናአይ ታሃታ፤ 21 ታሃታ ናአይ ዛባዳ፤ ዛባዳ ናአይ ሹተላሀ።

ኤፍሬማዉ ኤዴራነ ኤልኣዳ ጌተትያ ሀራ ላኡ ናናይ ደኢኖ። ኡንቱንቱ ጋተ ካታማ አሳቱዋ መህያ ዉእሽን፥ አሳይ ኡንቱንታ ኦይቂደ ዎዳ። 22 ሄዋ ድራዉ፥ ኡንቱንቱ አዉ ኤፍሬመ ዳሮ ዎድያ ካዮቴዳ፤ ካዮትና አ እሻቱ አ ምንናዉ ዬድኖ።

23 ሄዋፐ ጉይያን፥ እ ባረ ማቻትና ጋከቴዳ፤ እዛ ሻሃራደ አቱማ ናኣ የላዱ። ኤፍሬማ ሶ ጋኬዳ ኢታ መቱዋ ድራዉ፥ እ ባረ ናኣ ባሪአ ሱንዳ።

24 ኤፍሬማዉ ሸኢሮ ግያ ናታ ደአዉ፤ ህርክ ቤት-ሆሮና፥ ቆሙዋ ቤት-ሆሮናነ ኡዘንሸኢራ ጌተትያ ካታማቱዋ ሄ ናታ ኬጻዱ።

25 ኤፍሬማ አቱማ ናአይ ረፋሀ፤ ረፋሀ ናአይ ረሼፋ፤ ረሼፋ ናአይ ተላሀ፤ ተላሀ ናአይ ታሃና፤ 26 ታሃና ናአይ ላእዳና፤ ላእዳና ናአይ አምሁዳ፤ አምሁዳ ናአይ ኤልሻማአ፤ 27 ኤልሻማአ ናአይ ናዋ፤ ነዌ ናአይ ኢያሳ።

28 ኤፍሬማ ዛራቱዋ ቢታይ ኡንቱንቱ ደኢያሳይ ቤቴለነ ቤቴለ ሞቱዋ፥ አዋይ ዶልያ ባጋና ደእያ ናእራና፥ አዋይ ዶልያ ባጋና ደእያ ገዜራነ ገዜራ ሞቱዋ፥ ሸኬማነ ሸኬማ ሞቱዋነ አያነ አያ ሞቱዋ። 29 ቃይ ምናሰ ዛራቱዋ ቢታ ዛዋን ደእያ ቤትሻናነ ቤትሻና ሞቱዋ፥ ታእናካነ ታእናካ ሞቱዋ፥ ማግዶነ ማግዶ ሞቱዋነ ዶራነ ዶራ ሞቱዋ። እስራኤልያ ናኣ ዮሴፎ ዛራቱ ሀ ካታማቱዋን ደኤድኖ።

አሴራ የለታ

30 አሴራ አቱማ ናናይ ይምና፥ ይሽዋሀ፥ ይሽዋነ ባሪአ፤ ኡንቱንቱ ምቻታ ሰራሆ።

31 ባሪአ አቱማ ናናይ ሄቤራነ ብርዛውታ አዉዋ ማልክኤላ።

32 ሄቤር ያፍሌጻ፥ ሾሜራነ ሆታማ የሌዳ፤ ኡንቱንቱ ምቻት ሱንይ ሹኦ።

33 ያፍሌጻ አቱማ ናናይ ፓሳካ፥ ብምሃላነ አሽዋታ፤ ሀዋንቱ ያፍሌጻ ናና።

34 ያፍሌጻ እሻ ሾሜራ አቱማ ናናይ አሀ፥ ሮህጋ፥ ያሁባነ አራማ።

35 አ እሻ ሆታማ አቱማ ናናይ ጾፋሀ፥ ይምናአ፥ ሸሌሻነ አማላ።

36 ጾፋሀ አቱማ ናናይ ሱሀ፥ ሀርኔፈራ፥ ሹኣላ፥ ቤራ፥ ይምራ፥ 37 ቤጸራ፥ ሆዳ፥ ሻማ፥ ሽልሻ፥ ይትራናነ ባኤራ።

38 የተራ አቱማ ናናይ ይፉና፥ ፕስፓነ አራ። 39 ኡላ አቱማ ናናይ አራሀ፥ ሀንኤላነ ሪጽያ።

40 ሀዋንቱ ኡባቱ አሴራ ዘረ። ኡንቱንቱ ባረንቱ አዎቱዋ ሶይ አሳ ካፓቱዋነ ዶረቴዳ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ላታማነ ኡሱፑን ሻኣ ግዴድኖ።