ቄሳቱ ዋ ኦሱዋ
1 አሮና ዛራቱዋ ኦሱ ሀዋፐ ካሊደ ጻፈቴዳዋንታ። አሮና ናናይ ናዳባ፥ አቢሀ፥ ኤልኣዛራነ እታማራ። 2 ሽን ናዳብነ አቢሁ ናኣ የለናን ባረንቱ አዉዋፐ ካሰ ሀይቄድኖ። ሄዋ ድራዉ፥ ኤልኣዛርነ እታማር ቄሳቱዋ ግዴድኖ።24:2 ዎጋ 10:1-2 3 ዳዊተ አሮና ዘረ ኡንቱንቱ ኦሱዋዳን ኦሱዋዳን ጭታን ሻኬዳ። ኤልኣዛራ ያራፐ ጻዶቅነ እታማራ ያራፐ አብመሌክ ዳዊታ ማዴድኖ። 4 ኤልኣዛራ ያራቱ 16 ጩጉዋን ሻከትና፥ እታማራ ያራቱ ቃይ ሆስፑን ጩጉዋን ሻከቴድኖ። ኤልኣዛራ ያራቱ ካፓቱ እታማራ ያራቱ ካፓቱዋፐካ ዳር ቤቴዳ ድራዉ፥ ሄዋዳን ሀኔዳ። 5 ኤልኣዛራ ያራቱ ግዶንነ እታማራ ያራቱ ግዶን ጌሻ ጎልያዉ ካፓቱነ ጾሳ ኦሶ ካፓቱ ደእያ ድራዉ፥ ሀዋንቱነ ህንኮቱነ ኪታ ሳማን ሻኬድኖ። 6 ኤልኣዛራ ያራቱነ እታማራ ያራቱ ባረንቱ ካላ ሳማ ከሴድኖ። ሌዊያ ዛርያ ግዴዳ ናታንኤላ ናአይ ጻፊ ሻማኤ ኡንቱንታ ማዝጋቤዳ። ካቲነ አ ካፓቱ፥ ቄስያ ጻዶቅነ አብያታራ ናአይ አብመሌክ፥ ቄሳቱዋ ያራቱ ካፓቱነ ሌዋቱ ያራቱ ካፓቱ ኡባቱ ሀ የዎ ማርካ።
7 ሀ አሳቱ ሳማ ከስና፥ ኮይሮ ሳማይ ይሆያርባ ጋኬዳ። ላኤን ያዳያ ጋኬዳ። 8 ሄዘን ሀሪማ ጋኬዳ። ኦይደን ሳኦርማ ጋኬዳ። 9 እቼሸን ማልክያ ጋኬዳ። ኡሱፑን ምያሚና ጋኬዳ። 10 ላፑን ሀቆጻ ጋኬዳ። ሆስፑን አቢያ ጋኬዳ። 11 ኡዱፑን ኢያሳ ጋኬዳ። ታማን ሻካንያ ጋኬዳ። 12 ታማነ እተን ኤልያሽባ ጋኬዳ። ታማነ ላኤን ያቂማ ጋኬዳ። 13 ታማነ ሄዘን ሁፓ ጋኬዳ። ታማነ ኦይደን የሸካኣባ ጋኬዳ። 14 ታማነ እቼሸን ብልጋ ጋኬዳ። ታማነ ኡሱፑን እሜራ ጋኬዳ። 15 ታማነ ላፑን ሄዚራ ጋኬዳ። ታማነ ሆስፑን ሀፕጼጻ ጋኬዳ። 16 ታማነ ኡዱፑን ፓታህያ ጋኬዳ። ላታማን ይሄዝቄላ ጋኬዳ። 17 ላታማነ እተን ያኪና ጋኬዳ። ላታማነ ላኤን ጋሙላ ጋኬዳ። 18 ላታማነ ሄዘን ዳላያ ጋኬዳ። ላታማነ ኦይደን ማኣዝያ ጋኬዳ።
19 መና ጎዳይ እስራኤልያ ጾሳይ ኡንቱንቱ ማይዛ አዉዋ አሮና ባጋና አዛዜዳዋዳን፥ ኡንቱንቱ መና ጎዳ ጌሻ ጎልያ ገሊደ፥ ካላን ካላን ኦናዉ ጻፈቴድኖ።
ሀራ ሌዋቱ ሱን
20 ሌዊያ ዛራቱዋ ካፓቱ ሀራቱ ሀዋፐ ካሊደ ጻፈቴዳዋንታ።
የህዳይ ሻቡኤላ ባጋና አምራማ ዛርያ።
21 ይሸ ራሃብያ ዛሪ ካፑዋ።
22 ያሃት ሻሎሚታ ባጋና ይጽሃራ ዛርያ።
23 ይሪይ፥ አማር፥ ያሃዝኤልነ ይቃምኣም ከብሮነ ዛርያ፤ ኡንቱንቱ ባረንቱ የለታ ማራን ጻፈቴድኖ።
24 ሻሚር ሚክያሳ ባጋና ኡዝኤላ ዛርያ።
25 ዛካራስ ሚክያሳ እሻ ይሽያ ባጋና ኡዝኤላ ዛርያ።
26 ማህል፥ ሙሽነ ያእዘ ማራራ ዘረ። 27 ያእዝያ ናናይ ሄዛቱ ሾሃማ፥ ዛኩራነ ኢብራ። 28 ማህላ ናናይ ላአቱ ኤልኣዛራነ ቂሻ። ኤልኣዛራዉ አቱማ ናእ ባዋ። 29 ቂሻዉ ይራህማኤላ ጌተትያ እት አቱማ ናአይ ደኤ። 30 ሙሻዉ ማህላ፥ ኤዴራነ ይረሞታ ጌተትያ ሄዙ አቱማ ናናይ ደኢኖ።
ሀዋንቱ ሌዊያ ዛራቱዋ ካፓቱዋ።
31 ካሰ ኡንቱንቱ ዳቦቱ፥ አሮና ዛርያ ቄሳቱ ኦዳዋዳን፥ ሌዊያ ዛራቱዋ ካፓቱነ ቴፋትያ እሻቱዋፐ እቱ ሳማ የጌ። እጻይ ከስያ ዎደ ካቲ ዳዊተ፥ ጻዶቀ፥ አብመሌክ፥ ቄሳቱዋ ካፓቱነ ሌዋቱ ካፓቱ ማርካ።