1 ኦዱዋ 26

ጌሻ ጎልያ ናግያዋንታ

1 ጌሻ ጎልያ ፐንግያ ናግያዋንቱ ሀዋፐ ካሊደ ጻፈቴዳዋንታ።

ኮይሩ ቆራሀ ያራፐ አሳፋ ባጋና ቆረ ናኣ ማሸለምያ። 2 ማሸለሜ ላፑን አቱማ ናና የሌዳ፤ ኡንቱንቱ ባረንቱ የለታ ማራን ዛካራሳ፥ ይድኤላ፥ ዛባድያ፥ ያትንኤላ፥ 3 ኤላማ፥ ያሆሀናናነ ኤልያሆኤናያ።

4 ጾሳይ ኦቤድ-ኤዶማካ አንጄዳ ድራዉ፥ እ ሆስፑን አቱማ ናና የሌዳ። ኡንቱንቱ ባረንቱ የለታ ማራን ሻማእያ፥ ይሆዛባዳ፥ ዮኣሀ፥ ሳካራ፥ ናታንኤላ፥✝26:4-5 2 ሳሜላ 6:11፤ 1 ኦዱዋ 13:14 5 አምኤላ፥ ይሳኮራነ ፓኡልታያ። 6 ቃይ ኦቤድ-ኤዶማ ናአይ ሻማኤካ ኡሱፑን አቱማ ናና የሌዳ፤ ኡንቱንቱ ምኖ አሳ ግዴዳ ድራዉ፥ ባረንቱ አዉዋ ጎለን ካፑዋ ግዴድኖ። 7 ሻማእያ ናናይ ኦትና፥ ራፋኤላ፥ ዮቤዳነ ኤልዛባዳ፤ ኡንቱንቱ እሻቱ ኤልሁነ ሳማከ አዳ ምኖ አሳቱዋ። 8 ሀዋንቱ ኡባቱ ኦቤድ-ኤዶማ ዘረ፤ ኡንቱንቱ፥ ኡንቱንቱ ናናይነ ኡንቱንቱ ዳቦቱ ኦሶ ምኖ። ኦቤድ-ኤዶማ ዛራቱ ኡባና ኡሱፑን ታማነ ላኣ።

9 ማሸለምያዉ ምኖ ናናይነ ምኖ ዳቦቱ ደኢኖ፤ ኡንቱንቱ ኡባና ታማነ ሆስፑና።

10 ማራራ ያራፐ ሆሳዮካ ናናይ ደኢኖ። ሺምር ባይራ ናኣ ግደና፤ ሽን አ አዉ አ ካፑዋ ኦዳ። 11 አ እሻቱ ህልቂያ፥ ጻባልያነ ዛካራሳ። ሆሳ ናናይነ አ ዳቦቱ ኡባና ታማነ ሄዛ።

12 ጌሻ ጎልያ ፐንግያ ናግያዋንቱ ባረንቱ ጎልያ አሳ ካፓቱዋና፥ ጩጉዋን ጩጉዋን ሻከቴድኖ። ሀራ ሌዋቱዋዳን ኡንቱንታካ መና ጎዳ ጌሻ ጎልያ ኪታይ ግሹዋን ጋኬዳ። 13 ፐንግያ ኡባ ናጋናዉ ባረንቱ ጎለን ጎለን ጉይ ግታይ ሳማ ከሴድኖ። 14 አዋይ ዶልያ ፐንግያ ግያ ፐንግያ ናግያ ሳማይ ሸሌምያ ጋኬዳ። ሎኦ ዞርያ አ ናኣ ዛካራሳ ሁጲሳ ፐንግያ ጌተትያ ፐንግያ ናግያ ሳማይ ጋኬዳ። 15 ኦቤድ-ኤዶማ ገድሳ ፐንግያ ግያ ፐንግያ ናግያ ሳማይ ጋኬዳ። አ ናና ሚሻ ምንጅያ ጎልያ ናግያ ሳማይ ጋኬዳ። 16 አዋይ ዉልያ ፐንግያነ ቦላ ኦግያ ባጋና ደእያ ሻለኮታ ፐንግያ ጌተትያ ፐንገቱዋ ናግያ ሳማይ ሹፊማነ ሆሳ ጋኬዳ። ናጉ ካላን ካላን ጋኬ።

17 ጋላሳን ጋላሳን አዋይ ዶልያ ባጋና ኡሱፑን ሌዋቱ ናጊኖ። ሁጲሳ ባጋና ኦይዳቱ ናጊኖ። ገድሳ ባጋና ኦይዳቱ ናጊኖ። ቃይ ላኡ ላኡ ሚሻ ምንጅያ ጎልያ ናጊኖ። 18 አዋይ ዉልያ ባጋና ዳባባዉ አፍያ ኦግያ ኦይዳቱ ናጊኖ። ቃይ ዳባባ ግዱዋ ላአቱ ናጊኖ። 19 ስም ቆራሀ ያራቶነ ማራራ ያራቶ እመቴዳ ፐንገ ናጎ ኪታይ ሀዋ።

ጌሻ ጎልያ ግዶን ኦያ ሀራ ኦሶቱዋ

20 አኪያ ጌተትያ ሌዊ ጾሳ ጌሻ ጎልያን ደእያ ሻሉዋነ ጾሳዉ ዱማይ ዎዳ እሞታ ናጋናዉ ሱንቴዳ። 21 ገርሾና ናኣ ላእዳና ያራፐ ይህኤል ዱማ ዱማ ጎልያ አሳዉ አዎቴ። 22 ይህኤላ ናናይ ዘታማነ አ እሻ ዩኤላ፤ ኡንቱንቱ መና ጎዳ ጌሻ ጎልያን ደእያ ሚሻ ናጋናዉ ሱንቴድኖ።

23 አምራማ ያራቶ፥ ይጽሃራ ያራቶ፥ ከብሮና ያራቶ ኡዝኤላ ያራቶ ኪታይ ሻከት እመቴዳ። 24 ሙሴ ናኣ ገርሾማ ያራ ግድያ ሻቡኤል ጌሻ ጎልያን ደእያ ሚሻ ናግያዋንቱ ካፓቱ ቦላ ሱንቴዳ። 25 እ ገርሾማ እሻ ኤልኤዛራ ባጋና ሻሎሚታዉ ዳቦቴ። ኤልኤዛር ራሃብያ የሌዳ፤ ራሃቢ ይሻእያ የሌዳ፤ ይሻኢ ዮራማ የሌዳ፤ ዮራመ ዚክራ የሌዳ፤ ዚክር ሻሎሚታ የሌዳ። 26 ካቲ ዳዊተ፥ አዎቱዋ ጎልያ አሳ ካፓቱ፥ ሻአ ካፓቱ፥ ጼቱዋ ካፓቱነ ኦላ ጋዳዋቱ ጾሳዉ ዱማይ ዎዳ ሻሉዋ ኡባ ቦላ ሻሎሚትነ አ ዳቦቱ ሱንቴድኖ። 27 ሀ ሻሉዋ መና ጎዳ ጌሻ ጎልያ ኦራናዉ ዱማይ ዎዳ አሳቱ ሀ ሚሻ ካሰ ኦላፐ ኦሞድ ዎድኖ። 28 ቃይ ትምቢትያ ኦድያ ሳመል፥ ቂሳ ናአይ ሳኦል፥ ኔራ ናአይ አባኔርነ ጻሩይ ናአይ ዮኣበ ካሰ ዱማይ ዎዳ እሞታ ኡባ ሻሎሚትነ አ ዳቦቱ ናጊኖ።

ሀራ ሌዋቱዋ ጋኬዳ ኦሱዋ

29 ይጽሃራ ያራቱዋፐ ካናነነ አ ናናይ ጌሻ ጎልያፐ ካረና ደእያ ኪታን እስራኤልያ አሳ አይሳናዉነ ዳናታናዉ ሱንቴድኖ።

30 ከብሮነ ያራቱዋፐ ሀሻቤነ አ ዳቦቱ፥ እት ሻአነ ላፑን ጼቱ ምኖ አሳቱ፥ መና ጎዳ ኦሱዋ ኡባዉነ ካትያ ኦሱዋ ኡባዉ ዮርዳኖሳ ሻፋፐ ሄፍንን አዋይ ዉልያ ባጋና ደእያ እስራኤልያ አሳ ቦላ ሱንቴድኖ። 31 ከብሮነ ያራቱዋፐ ካፖትያዌ ይሪያ። ዳዊተ ካተቴዳ ኦይታማን ላይን ኮይና፥ ኡንቱንቱ አሳ ግዶፐ ምኖ አሳቱ ጋላኣደ ቢታን ያእዜራ ጌተትያ ኮሽያን ቤቴድኖ። 32 አዎቱዋ ጎልያ አሳዉ ካፖትያ ይሪያ ዳቦቱ ምኖቱ ላኡ ሻአነ ላፑን ጼታ። ካቲ ዳዊተ ጾሳ ኦሱዋ ኡባዉነ ካትያ ኦሱዋ ኡባዉ ኡንቱንቱ ሮቤላ ዛራቱዋ ቢታ ቦላ፥ ጋደ ዛራቱዋ ቢታ ቦላነ ምናሰ ዛራቱዋፐ ባጋቱ ቢታ ቦላ ሱንዳ።