8 GALA ge ɓɔɛni Nowe ʋɔ ta ná-doun zunuiti, é ɠɛ ti ma: 9 «Wɛlɛ, gè minazeɠea wo ʋɛ, wa wo-mavofodai, 10 naa ʋɛɛ nii kpein ba é vulua wo ɠoba, wɔniiti, toganiiti, ta dɔɓɔ zuaiti, wa niiti kpein wo ɠulaai keingi zu ʋɔɔma, ti ʋaazu yɛnvuzu eteai zu. 11 Gè minazeɠea wo ʋɛ ga: Fuluanii pɛ undaa la mɔ ʋiliga ga ziɛve golai, ziɛve gola la mɔ ɠɛa ná, é ʋa eteai ɠoloɠolo.»

12 GALA ge ɠɛni ma mɔnɔ: «Nii ɠa é ga minazeɠegi ma ʋoogi eyɛsu ɠɔ, gè kɛɛzu ade yɔɠɔzu, nà-o, wa-o, ta anii kpein ti yɛnvuzu wo ɠoba. 13 Gè nà-kpazamanamanagi zeiɗa tonaɓiingi zu, toɠa ɠɛ ga minazeɠegi ma ʋoogi gi yɔɠɔzu gá eteai.

11 Gè minazeɠea wo ʋɛ ga: Fuluanii pɛ undaa la mɔ ʋiliga ga ziɛve golai, ziɛve gola la mɔ ɠɛa ná, é ʋa eteai ɠoloɠolo.»

13 Gè nà-kpazamanamanagi zeiɗa tonaɓiingi zu, toɠa ɠɛ ga minazeɠegi ma ʋoogi gi yɔɠɔzu gá eteai.

18 Naama yee ná, Ɠɔoɠɔ GALAGI minazeɠeni Abalame ʋɛ, é ɠɛ ma: «Gè niima yooi kpein fea è-mavofodai ʋɛ, é zo Ezipete ɗɛ wolai ma, é zeeli ziɛ wolai Efelate ma, 19 Ken nuiti ta-yooi, Kenize nuiti, Kademɔn nuiti, 20 Ɠɛte nuiti, Felɛze nuiti, Lefa mavofodaiti, 21 Amool nuiti, Kanaan nuiti, Giilegase nuiti, ta Yeɓuse nuiti.»

3 Abalame maaʋɛɛni, é nɔkɔ zooi ma, GALA ge ɠɛni ɓɔɛzu pɔ, é ɠɛ ma: 4 «Wɛlɛ, nà-minazeɠegi ɠaa, gè kɛɛzu è ʋɛ: Ɗa ɠɛɛzu ga zii mɔinmɔingaa ti-ɠɛɛ. 5 Za ʋoluma, è la mɔ loliga ga Abalame,* kɛlɛ è-laaseigi ɠa ɠɛ ga Abalaame,* mazɔlɔɔ nà è ɠɛɛzu ga zii mɔinmɔingaa ti-ɠɛɛ. 6 Nà è-mavofodai ɠaawɔɔlɔ gola, ɗa ɠɛ ga zii mɔinmɔin tɔɔzeizu, masagiti ta ɠula è-mavofodai zu. 7 Nà nà-minazeɠegi zo è letema eyɛsu ɠɔ, nà kɛ ɠana nɔ è-mavofodai kpein bɛ. Niima minazeɠegi maaʋele ma, nà ɠɛ ga ɗa-ƓALAGI, ta è-mavofodai nɔnɔ è zeɠea ʋoluma ná. 8 Nà Kanaan yooi kpein fe è ʋɛ, ɗa-o, è-mavofodaiti-yo, ʋɛ è ná ga seikɔɠɔma nui niizu. Toɠa ɠɛ ga wɔnɔ eyɛsu ɠɔ. Nà ɠɛ ga è-mavofodai ná-GALAGI.»

9 GALA ge ɠɛni Abalaame ma mɔnɔ: «Ɗɔun, ɗa nà-minazeɠegiti makɛ, wa è-mavofodaiti kpein. 10 Nà-minazeɠegi ɠa é ga nii, nii wa so kpaan ade yɔɠɔzu, ɗa-o, è-mavofodaiti-yo: Zunuiti kpein ti wo zaama, ti lati pɛlɛʋolu. 11 Wa-latipɛlɛʋolui ɠa ɠɛ ga minazeɠegi ma ʋoogi ade yɔɠɔzu.

5 Kona puugɔ maazu naanisiɛi (14) ma, Kedɔɔl-Lawomɛɛl ta masagiti ti ɠɛni polu, ti ʋaani, ti zobo sɔlɔɔ Lefa mavofodaiti ma Asatelɔte-Kaalenayime, ta Zuze mavofodaiti ti Ɠame, ta Eme mavofodaiti ti Savé-Kiliyatayime,

5 Niizu, ni wa woilona gòoi ma, ni wa makɛna nà-minazeɠegi ma, wa ɠɛ ga nɔ̀nɔ ɠiteɠitegiti, nuɓusɛiti kpein saama. Anɛɛ ni eteai kpein ka ga nɔ̀nɔ,

31 Nà wa-ɠwɛpelemaʋɛti daazu, é zo Seeli Kpoloɗɛi ma, é zeeli Kpoloɗɛ Wolai ma, ta é zo teʋebai ma, é zeeli ziɛ wolai ma. Mazɔlɔɔ nà zooi ɠa nuiti dɔɔzu wo yeezu, wa ti ɓɛ luɠɔ. 32 À mina minazeɠe kɛ yɔɠɔzu wa tiye, ɓaa wa ta-ɠalagiti.

10 Ɠɔoɠɔ GALAGI gooɠaaʋoteni, é ɠɛ ma: «Nà ɓɔɠɔ nà minazeɠegi ɠɛɛzu wo ʋɛ. Nà laavɔɔ vaiti kɛɛzu ɗa-nuɓusɛiti kpein gaazu, niiti ti ta la dɛ ɠɛɛni eteai zu ná tanɔpɛ, ziiti kpein saama. Nuɓusɛiti kpein wo zeini ti zaama, ta Ɠɔoɠɔ GALAGI ná-kɛɛwotii ɠa, kɛɛwotii nii maaluaai, nii nà kɛ ga è maaʋele.

28 Moize kɛɛni Ɠɔoɠɔ GALAGI ɠoba náʋɛ ga folo ʋuunaanigɔ (40) ta kpidi ʋuunaanigɔ (40). É la daami woni, ta é la ziɛ ɓɔleni. É minazeɠe gooiti sɛʋɛni kokologiti ma, ti ga tɔ puugɔi ma wooiti.

28 Moize kɛɛni Ɠɔoɠɔ GALAGI ɠoba náʋɛ ga folo ʋuunaanigɔ (40) ta kpidi ʋuunaanigɔ (40). É la daami woni, ta é la ziɛ ɓɔleni. É minazeɠe gooiti sɛʋɛni kokologiti ma, ti ga tɔ puugɔi ma wooiti.

13 É ná-minazeɠegi ɠulani kɛlɛma wo ʋɛ, nii é wo leveni ga wo so, naa ɠa é ga tɔ puugɔiti. Naa ʋolu é ti zɛʋɛni kɔtu ɠokolo felegɔiti ma.

9 À suɠwɛɛ deɠɛmu ga Ɠɔoɠɔ GALAGI wa-ƓALAGI ɠa é ga gaama ƓALA gila kpegi. Wooɠɛɠila GALAGI, é ná-minazeɠegi ta ná-wooɠɛɠiladai makɛsu eyɛsu é zeeli yamani waagilasiɛi (1.000) ma, naati bɛ, niiti ti nɛɛzu ʋɛ, ta ti ná-deveiti sosu.

14 Nuɓusɛiti ti ta-zeɠe ɠotaiti pɛɛni su, Zuludɛn ɓudɛ vai zu. Zalaɠa ɠula nuiti ti minazeɠe kesui zeɠeni, ti lo ti luɠɔ. 15 Molo leʋe ziɛgi zu ɠɛni de, Zuludɛn a ɗa ve la yeenɔpɛ, é ɓudɛ ma ɠakeiti maazu. Siɛgi zu zalaɠa ɠula nuiti ti minazeɠe kesui zeɠezu la, ti-ɠɔɠɔi maayɛɓɛni la ziɛi wu, 16 ziɛi nii é ɠɛni yeizu, é ɗa zeɠe maazu ʋelei, naa zuzoni, é la mɔ ɠɛni yeizu, é loni gaaɠooza eɠɛ siɠigi, é li ɠoozama, é zo Adame taai ma, é li Saletan ʋele. Kɛlɛ tɔun, buu ʋelei, ziɛi nii é yeizu Kpoloɗɛ Wanai ʋɔ pelei, Zuludɛn ma ʋɛtu nɛmɛi zu, naa ɠɛni yeizu, eyɛsu é vɔ. Nuɓusɛiti ti leʋeni Zeliko letemaʋɛ. 17 Zalaɠa ɠula nuiti ti ɠɛni Ɠɔoɠɔ GALAGI ná-minazeɠe kesui zeɠezu, ti loni Zuludɛn ziɛ laazuʋɛ, ná vɔai. Ti yɛni loni ná kpaan, eyɛsu nuiti kpein ti leʋe, ti-ɠɔɠɔi maavɔai.

17 Yeɠoyada minazeɠegi ɓɛtɛni Ɠɔoɠɔ GALAGI ta masagi ti yɔɠɔzu, naa ʋɛɛ nuɓusɛiti ba, minazeɠegi naa ɠɛni dɛɛzu ga nuɓusɛi va bu ga ta ga Ɠɔoɠɔ GALAGI ná-nuɓusɛiti. É minazeɠegi ɠilini ba ɓalaa masagi ta nuɓusɛiti zɔɠɔzu.

3 Naa ʋoluma é loni kpɛdɛgi ɠobaʋɛ Ɠɔoɠɔ GALAGI zei ʋɛlɛi laaʋɛ, é minazeɠegi niinɛ ti yɔɠɔzu ta Ɠɔoɠɔ GALAGI, é minazeɠe ga toɠa ɠɛ ga wooɠɛɠila nu Ɠɔoɠɔ GALAGI ʋɛ, é ɠolo naa ná-deveiti bɛ, ta ná-tɔgiti, naa ʋɛɛ ná-kalagiti ba ga yii pɛ, ta é sɛʋɛi naa zu vaiti kpein pilɛ kɛɛwotii zu. Nuɓusɛi pɛ ge lɔɔni minazeɠegi naa zu.

6 Masagi Yolame ɠulani Samali ʋa, é Izilayɛle ɠɔɔʋɛbɛiti pɛ gaalɛ ba. 7 É wooleʋeni Zuda masagi Zozafate ma, é ɠɛ ma: «Moaɓe masagi ɓakaga zèa, ɗa kɛ nɛi è ʋa, de li, de vala ba?» Zozafate gooɠaaʋoteni, é ɠɛ ma: «Un. De felegɔ da liizu, naa ʋɛɛ ɗa-nuiti ta nɔ̀nɔiti ba, ɗa-zooiti ta nɔ̀nɔiti.»

16 Zonatan minazeɠegi ɠɛɛni ti yɔɠɔzu ta Davide ná-pɛlɛyeɠei. Kpegai ma, é ɠɛ ma: «Ni ɗa minazeɠegi nii ɠoloɠolona, Ɠɔoɠɔ GALAGI ɠa è loɠa ga è zili nuiti ta-ɓakɔi.»

17 Naa ʋoluma Zonatan ɠɛni Davide ma, é ɠona ga toɠa nɛɛ ʋɛ eyɛsu ɠɔ. Mazɔlɔɔ Zonatan Davide nɛɛni ʋɛ eɠɛ tɔ ɓɔɠɔi.

10 Ɠɔoɠɔ GALAGI ɓɔɛni Moize ʋɔ, é ɠɛ ma: 11 «Zalaɠa ɠula nui, Aalɔn ná-doun zunui Eleazaal ná-doun zunui Fineyase ɠa é nà-ziiɠaawanai zeɠea Izilayɛle nuiti maala, nà-ziizoolɛi ɠa é ma ti zaama, naa ɠa é kɛa, nɛ̀i gè ga GALAGI, nà pɔ ga ti nà ɠila nɔ dɛ̀bi, nà-ziiɠaawanai zu, gè la mɔ Izilayɛle nuiti ma zuwu ɠaaleʋeni. 12 Naa ɠa é ba, ɗa ɠɛ ma: ‹Gè minazeɠegi ɠɛa tɔun bɛ, nii a ɠɛ ga ziilɛigi ma ungi. 13 Toɠa ɠɛ ga tɔun nɔnɔ, ta mavofodaiti. Zalaɠa ɠula wotii ɠa ɠɛ ga tɔnɔ, yeeɠɛɠalai pɛ su, tɔɔzei é ná-ziizoolɛi ɠulaʋɛ kɛlɛma ná-GALAGI ʋɛ, é koto gba vai ɠɛɛʋɛ Izilayɛle nuiti ta-vaa zu.› »

89 Siɛgi zu Moize ɠɛni lɛɛzu la GALA daaɠomi seɠe ʋɛlɛi wu, ga é ʋa ɓɔɛ Ɠɔoɠɔ GALAGI ʋɔ, é ɠɛni wooi mɛnisu, é ɗa ɓɔɛ pɔ, é zeɠe kesui lakulugi maazuʋɛ seeluɓɛin felegɔiti zɔɠɔzuʋɛ, ti zeiɗai zeele woo ɠesui maazu. É ɠɛni ɓɔɛzu pɔ.

1 Ɠɔoɠɔ GALAGI ɓɔɛni Moize ʋɔ, é ɠɛ ma: 2 «Ɓɔɛ Eleazaal ʋɔ, zalaɠa ɠula nui Aalɔn ná-doun zunui, bo ma ga é ansanse gala liɠiiti kula abui zu, é abulekaiti pu ya ɠoozama, mazɔlɔɔ diɠii naati ti ɲadega. 3 Nui niiti, ti zaai ta-ɠotoi maaʋele ma, à ta-ansanse gala liɠiiti seɠe, wo ti loɠa, wo ti ɓɛtɛ ga kɔlu ɓɔi sɛpɛgiti, nii a ʋɛɛ zalaɠa ɠulazuʋɛ ma. Diɠii naati ti ɲadega, mazɔlɔɔ ti ʋaaʋɛ ga tiye pɔ̀. Ta ɠɛ ga poogi Izilayɛle nuiti bɛ.»

4 Zalaɠa ɠula nui Eleazaal ansanse gala liɠiiti seɠeni, niiti ti ga kɔlu ɓɔigi, zunuiti niiti ti ʋaani ga tiye, abui naati galani. Ti ti loɠani, ti ti ɠɛ ga ma zɛpɛgiti, ti pɛɛ zalaɠa ɠulazuʋɛ ma. 5 Naa ɠa é ga ɠizɛsui Izilayɛle nuiti bɛ, ga nu nɔpɛ nii é la ga Aalɔn mavofodai, maa la nɛɛni, é ʋa maaɓuɠa Ɠɔoɠɔ GALAGI ʋa, é ʋa ansanse kula ga zalaɠai gaazu, a ʋa ɠɛ eɠɛ Kolé ta ná-nuɓusɛiti, eɠɛʋelei Ɠɔoɠɔ GALAGI devei veeni la Moize ya ga é bo ma.

6 Poluma zobui Izilayɛle nuɓusɛiti kpein ti ɠɛni zelii losu Moize ta Aalɔn ma, ti ɠɛ ma: «Wo Ɠɔoɠɔ GALAGI ná-nuɓusɛiti paaʋɛ!» 7 Ti maaɓɔni ba Moize ta Aalɔn maaɠoolii zu. Ti ɠɛai ma latisu GALA daaɠomi seɠe ʋɛlɛi ʋɔ pelei, pɛtɛ, tonaɓiingi ʋɛɛni ma, Ɠɔoɠɔ GALAGI ná-lɛbiyai ɠulani kɛlɛma. 8 Moize ta Aalɔn ti liini, ti lo GALA daaɠomi seɠe ʋɛlɛi laaʋɛ. 9 Ɠɔoɠɔ GALAGI ɠɛni Moize ma: 10 «À ɠula bɛbɛi tɛi saama, nà ti-ma zuwu ɠaaleʋezu ɠani nɔ.» Ti laaʋɛɛni zooi ma. 11 Naa ʋolu Moize ɠɛni Aalɔn ma: «Ɗa-ansanse gala liɠii zeɠe fala, abulekaiti seɠe zalaɠa ɠulazuʋɛ, è pu su, è ansansegi ʋu ga. Suvilɛ, è lii la nuɓusɛiti pɔ bɛ, è koto gba vai ɠɛ, mazɔlɔɔ Ɠɔoɠɔ GALAGI ná-ziiɠaawanai lokoleʋea, niizu maanɔɠɔi tɔɔzeiɗa.»

12 Izilayɛle nuiti ti Ɠɔoɠɔ GALAGI wanama vai ɠɛɛni mɔnɔ. Naa maaʋele ma, Ɠɔoɠɔ GALAGI Moaɓe masagi Egelon iɲɔdɔɔni, é wuzeɠe Izilayɛle laalɔɠɔma. 13 Egelon Amɔn nuiti kpɔni ɓɔɠɔ ʋa, ta Amalɛke nuiti, ti li ti laalɛ Izilayɛle wu, ti zobogi zɔlɔɔni ma, ti kpɛ ti kula Zeliko ʋa, Dɔza Taa Wolai, ti so.

31 «Wɛlɛ, naama voloiti ta ʋaazu, yeei gè ʋaazu minazeɠe niinɛi wosu da Izilayɛle nuɓusɛiti bɛ, ta Zuda nuɓusɛiti,» Ɠɔoɠɔ GALAGI wooi ɠana. 32 «É la ɠɛa eɠɛ minazeɠegi gè kɛɛni ti-mɛmɛwolani bɛ, voloi gè ti zoni da ti-yee ʋa, ga gè ti ɠula Ezipete yooi ʋa. Ti minazeɠegi naa ɠoloɠoloni, anɛɛ ni nà ɠa gè ɠɛni ga ti-Maliɠii,» Ɠɔoɠɔ GALAGI wooi ɠana. 33 «Kɛlɛ wɛlɛ minazeɠegi ʋa, gè bosu Izilayɛle nuɓusɛiti bɛ, naama voloiti poluma,» Ɠɔoɠɔ GALAGI wooi ɠana. «Nà nà-tɔgi lɔ ta-ɠisiɛiti su, gè sɛʋɛ ti-yiimaʋɛti. Nà ɠɛ ga ta-ƓALAGI, ti ɠɛ ga nà-nuɓusɛiti. 34 Nu nɔpɛ kpɛdɛ la mɔ ɠɛa ba ga é seiɲɔɠɔ ɠala, ɓaa kɛɛɠɛloun, é ʋa ɠɛ ma: ‹Ɠɔoɠɔ GALAGI ɠwɛɛ!› Mazɔlɔɔ ti pɛ ta kwɛ̀ɛ, é zo doungoiti ma ti zaama, é zeeli nu ɠiteiti pɛ ma,» Ɠɔoɠɔ GALAGI wooi ɠana. «Mazɔlɔɔ nà ta-vaaɠaaza golaiti suvaayɛ, gè la mɔ ta-ɠotoiti devea ti unma.»

20 «Ɠɔoɠɔ GALAGI wooi ɠaa: ‹Wa zoo nɛi wo devei naa ɠoloɠolo nii gè fea foloi ta kpidii ya, wo pele ɓesa ti luɠɔ, ti mina ziɛ ga ʋelei ti kɛɛzu la pɔlɔma? Ɓa-o. 21 Tama, minazeɠegi gè boga nà-botiɠɛ nui Davide ʋɛ, naa la zooga é ʋa ɠoloɠolo mɔnɔ pɛ. Nu nɔpɛ ge la zooga é ʋa pele ɓesa naa luɠɔ, ga mavofodai ta la ɠɛa Zeluzalɛme, a ɠɛ ga masagi yeenɔpɛ, Levi mavofodaiti ta ɠɛ botii ɠɛɛzu bɛ̀, ti ɠɛ ga zalaɠa ɠula nuiti yeenɔpɛ.

15 Naa ɠa é ba, toɠa ga minazeɠe niinɛi ma yɔɠɔzuɓɛtɛ nui, naa ɠa a kɛ, zɔiti ti loligai, naati ti tɔnɔi zɔlɔɔ é yɛsu ná ɠɔoɠɔ, nii GALA ge ma minazeɠegi woni ti ʋɛ. Mazɔlɔɔ saai ɠa bogai naama vaa zu, ga nuiti ti unmɔɔ, ti ɠula ta-ɠotoiti su, ti ti ɠɛɛni minazeɠe mɔungi ma ziɛgi zu.

15 Naa ɠa é ba, toɠa ga minazeɠe niinɛi ma yɔɠɔzuɓɛtɛ nui, naa ɠa a kɛ, zɔiti ti loligai, naati ti tɔnɔi zɔlɔɔ é yɛsu ná ɠɔoɠɔ, nii GALA ge ma minazeɠegi woni ti ʋɛ. Mazɔlɔɔ saai ɠa bogai naama vaa zu, ga nuiti ti unmɔɔ, ti ɠula ta-ɠotoiti su, ti ti ɠɛɛni minazeɠe mɔungi ma ziɛgi zu.

6 Kɛlɛ niizu, Yesu ná-botii wɔɔlɔʋɛ tɔnɔi ʋa gola, mazɔlɔɔ toɠa ga zɔɠɔzuɓɛtɛ nui minazeɠe niinɛi ná-faa zu nii fizɔgai gola, nii kpɛtɛai ga minazeɠegiti ti vizɔgai.

20 GALAGI nii é ziilɛigi veezu, naa ade-Maliɠii Yesu wuzeɠeni, é kula saai ya, é ɠɛ ga ná-baalagiti makɛ nu wolai, é ɠɔoɠɔ minazeɠegi ɠili ga tɔ ɓɔɠɔi ma ɲamai, 21 GALAGI naa zɛbɛi ve wo ʋɛ faa ʋagɔi pɛ kɛɛ vai zu, nii a kɛ wo ziimai laazeeli. É ziimai laazeeli wo-yiimaʋɛ ga Yesu Kilista maaʋele. Lɛbiyai ɠɛ tɔun bɛ ɠɔoɠɔ! Amina!

6 É zobogi ɓalaa fea gi ya, ga gi ɠɛ ga minazeɠe niinɛi ma wotiɠɛ nuiti. Naa la ɠɛɛni tɔ sɛʋɛi zaɓui zu, kɛni Zɛnvu Ɲadegai. Mazɔlɔɔ tɔ sɛʋɛai ɠa ɗa paai wo, kɛlɛ Zɛnvui ɠa zɛnvui veezu.

24 Niima vaiti ta ga faalaalii: Anzanu felegɔi niiti ta ga minazeɠe felegɔiti. Minazeɠegi gilagi, naa ɠa é ga Agaal, é ga Sinayi gizei nɔnɔi, é dointi sɔlɔɔsu, ti ga duɔiti. 25 Agaal ɠa ga Sinayi gizei, é Alaɓe yooi zu, naati ka ti ma ta Zeluzalɛme nii é ná niizu, tɔɔzei toɠa ga duɔi ta ná-dointi pɛ. 26 Kɛlɛ Zeluzalɛme é geezuʋɛ, toɠa ga wɔɔlɔi, tɔ ɠa é ga ade-lee.

17 Kɛlɛ Ɠɔoɠɔ GALAGI ná-wooɠɛɠiladai la valiboga ɠɔoɠɔ, naati bɛ, niiti ti luazu ba,

ná-telebodai ɠa ná, naati ti-lounlointi bɛ.

18 Toɠa ga naati tɔnɔ, niiti ti ziɛzu ga ná-minazeɠe gooiti,

ti ɠizɛ ná-deveiti su, ti ziɛ ga tiye.

21 Ɠɔoɠɔ GALAGI ɠɛ ma: «Nɔ̀un nà, minai gè seɠezu ti ʋɛ, nà-Zɛnvui ɠa ɠɛ è ʋa, ta dàawooiti gè pua è-la, ti la ɠaaɠalega ma, ti ʋa ɠula è-la, ti la ɠulaa è-lointi da, ti la ɠulaa è-lointi ti-lointi da, é zo niizu ma é eyɛsu ɠɔ.» Ɠɔoɠɔ GALAGI ɠa é boga.

25 « ‹Nà minazeɠe ti ʋɛ, gè ɓaa ta-yiilɛigi maazu, gè sua ɲɔiti kula zooi ʋa, ta zei ziilɛigi zu teʋebai zu, ti ɗa ɲiimɛnii wo dɔɓɔ zaamaʋɛti.

8 Ɠɔoɠɔ GALAGI ɓɔɠɔi ɠa lo è luɠɔ, toɠa ɠɛ è ʋa, é la yeeɓega è ʋa, é la ɠɛlɛa è ʋa. Mina lua ani nɔpɛ ba, è zasu mina ɓali.»

27 Kona dɔfela ma yeeɠɛɠalaiti daawu, toɠa minazeɠe kpaagiti kpɛtɛ ti yɔɠɔzu ta nu mɔinmɔin. Kona saʋagɔ ta tukpɛgi (3,5) ɠa ɓena, toɠa zalaɠa ɠula vaiti seɠe ga ta GALA kɔɔiti. Kɔzɔba vaa wolai ɠa lɔ GALA sei ʋɛlɛi wu, eyɛsu faa zuɠoloɠologi kpein nii ma levei wogai, naa loo ada zuɠoloɠolo nui ɓɔɠɔi ma.› »

5 « ‹Zɔi é ʋaazu zeizu nu yeezazu ʋele masadai zu, naa zɛbɛi wola ɠa ɓaɠo, kɛlɛ ná-kɔɔɠuluɓaiti gila, sɛbɛi ɠa ʋaazu ɓaɠozu é leʋe tɔun ba. Toɠa masadai ɠɛ zou wola unda, é leʋe tɔun nɔnɔi ʋa. 6 Konagi tanigaani daawu, ta minazeɠe bo ɓɔɠɔ ʋɛ: Nu yeezazu ʋele masagi ná-doun anzanui ɠa zei nu ɠɔʋɛzu ʋele masagi ʋɛ, nii a kɛ goolaamai lɔ ti yɔɠɔzu mɔnɔ. Kɛlɛ ná-zobogi la yɛga zea. Sinigi ɓɔɠɔi la yɛga vulua, ti-loin ɓalaagi. Tɔ ɓalaa ɠa ʋala zɛnvui ma, yeeɠɛɠala ɠila su ta maaɠoolii zu ʋeaiti, kɛɛɠɛ ta sinigi.

16 Nii é nɛɛzu nu ɠɔʋɛzu ʋele masagi ʋɛ, naa ɠa a kɛ, tɔɔzei nu nɔpɛ ge la loga daawu. Toɠa zei zooi zu nii pagai ti pɛ ba, é zou ʋapagi naa zuɠoloɠolo. 17 Naa ʋolu toɠa deve ga é ʋa ga ná-masadai ma yeeɠaaɓaai kpein, toɠa kɛ eɠɛ a ɠɛ sɔleda ɠɛɛzu, toɠa ná-doun anzanui ve nu yeezazu ʋele masagi ya ga vului, nii a kɛ é siliɲɔɠɔi ná-zooi lɔ maanɔɠɔi zu, kɛlɛ naa la zolooga ɲɛgɛlɛin.

1 «Gè tɔgi zeini gàazuʋɛ ma

ga é mina gaazuɠulapɔ wɛlɛ wo anzalopo ʋa.

16 Naazu, ɗa ɠizo wɛɛnziɛ anzanui ná-tɛgai ma,

é ga koloɠolo anzanui woo nɛɛnɛgiti ti da,

17 nii kɛlɛai sinigi ʋa, é ɠɛni zea ma niinɛ yeei,

é yeema ná-vulu minazeɠegi ma, nii é boni ná-GALAGI laaseigi zu.