Alimento
O alimento é provisão de Deus para o corpo e a alma. Jesus disse: Eu sou o pão da vida. A Bíblia ensina a receber com gratidão, partilhar com generosidade e confiar no Provedor.
O pão da vida
Jesus disse: Eu sou o pão da vida. Quem vem a mim nunca terá fome. O alimento espiritual sacia plenamente.
Yegl digo, Jisas aglke kor dugwa, Bret ta kor moraiglkwa togwa i, na moglka. Yoba ta na moglmara udre, na pre mediglbi, ye ege swara ta kidan goglkre, nigl goglkre, yegl eraiglmiwe dugwa.
Ene kaya mokna yoko makandigle dokigwa i, bugl kide erabuka. Ene kaya mokna i dokokre, kaya mokna ta ene nedre, aimadi kamin kor moraiglkwa i dokio! dugwa. Na Yoba Wam moglka i, kaya mokna yegl, ene tenaglka. Nina Kade God na yegl eratnedi kere yugo, na wiwe dugwa.
Yegl dugwa ba Jisas di ikne ede te, yegl dugwa, God kamo mina yoba ta yegl boglkwa, Yoba bret keme i nedre, kor moglkraiglmiwa. Ye God kamo mudu swara swarade idre, kor kaima moraiglmiwe di, yegl boglme dugwa.
Yoba ta mabuno du eramnedi pre kidan gogl, nigl mere yegl geglkwa i, gun yenaiglkwa paugwa.
I siragl pre okuo mabuno du ye meglmara kau sinan, ye aragan eraiglkwa.
Ba ene God ye yoba kingno mogl, suglno morabuka ya mabunomo du ake gumano kagle edibi, God makandigle taragl ta inaiglkwa panabere mere ama tenabiwe dugwa.
Makadigle taragl pre nomane sikramga paugwa
Ana na ene ka ebrie di teiga i, ene pre epigl ersre, erme makandigle siragl mere mogl pai eraiglkwa i, pre yubun dekrio. Ene nigl, kaya mokna siragl mere nenaiglmere mo kuguglno gaglno siragl mere edinaiglmere kaima nomane sikrio.
Neno Kade kor moramga norukwa pre kaya mokna ya kugugl gak edinamga i, taragl kebra pamedi praiglkwa.
Kide kodidre, gak kuglabu am ege ege nenamnedi primere yegl, God kamo i, am mere yegl ege ege nenamnedi prio. Am i, taragl kide swara ta atne paikrukwa pre ene nebi, God ene ere yumara i mina ene yakidre, yoba mere yegl moraiglkwa.
Provisão divina
Deus provê alimento em abundância. Ele multiplica pães e peixes, enche os famintos e supre toda necessidade.
Ame di meglko, Jisas ye bret 5-pela ya buglo bagle suo ikra idre, kan heven ibo ede, God di wakai yei togwa. Di wakai yei tedre, ake buko didre, ye duglo beglkwa yagl yoba i pi tenaiglmedi te moglko, ye i pi teigwa. I pi teigo, yoba mudu neigwa, dano eruko, ye bret ya buglo bagle kawa te yogwa i, gade makai sidre, degigl gagl 12-pela gre kau sigwa.
Ana God ye yoba kaya mokna ere yaglsre, si nedre, eraiglmedi togwa. Tomere yegl mere God ene mabuno du ere ede podo pidre, ene yoba pere ake ple di tenaiglmedi konbauna yauro tenabuka.
Gratidão e moderação
Nada trouxemos para o mundo e nada levaremos. Tudo o que fizerdes, fazei para a glória de Deus — inclusive comer e beber.
Mano no kiglkwa igne, nono taragl swara kaima ta idre, ukunga. Kuno yegl mere nono goramga igne, taragl swara kaima ta idre, pikramga. Yegl pre erme kaya mokna nenamga i ya te, kugugl gagl edinamga ama ta yenan, nono pra imnedi prisre, gun yenamga paugwa.
Yegl pre ene kaya mokna mo mie nenaiglkwa mo nigl nenaiglkwa mo mabuno siragl mere ta eraiglkwa i, ene siragl mere eribi, God kagie kade inabuka i keme erio.
Yegl ersre, ye ege ege tawa teigwa yugu yomara i makai sidre, te yoba kipai meglmara i ama makai si mogl, Jisas goglkwa poglo di pramnedi bret buko di neigwa. Yegl ersre, kaya mokna ki ama swara mogl nedre, gun yei, deno muduno swara yedre, erikwa. Ye yegl ersre, ye ege ege God kagie kade te meglko, Juda yoba mudu ye wakai kanigwa. Te, yoba kor ege ege Jisas pre mediglko, Yagl Kade ye ere idre, ye Jisas yugobunomo meglmara i, i suna edugo, meglkwa.
Ene prio! Na yugu dua mina adigl mogl, dua sidre, ene agle di moglka mere yegl paugwa. Yoba ta na agle diga i prisre, yugu dua yauro edenan, na ede yugugl unaglka. Wibo, na yoba i bogl ame di mogl, kaya mokna akie nenabuglka.
Yoba ta mie nogwa i, ye ere mogl, yoba ta nekrukwa i du erumiwe di, yegl ta prikrabuka. Te, kaya mokna keme nogwa yoba i ere mogl, mie nogwa yoba i God gumuglo mina aglau erumiwedi prikrabuka. God yoba i wakai kan kodugwa.
Nono Krais bogl gunga pre lo mina atne moglkrumga
Ana God taragl yegl mere ere noro kodugwa pre yoba ta ene jasno mere yegl moglsre, nigl ya kaya mokna neigwa i pre ta ene mawagl pamara neimiwe dinan, ene prikrio. Te, ye ere mogl, ene wakan kade igne wakan moglkrikwa mo ba kor gere yogwa igne makai sikrikwa mo Juda yoba egeno kade ta makai sikrikwa pre ene aglau erimiwe dinan, ene ama prikrio. Lo mawagl pamara pre dugwa i, ege sugunagle padre, dudunabuka paugwa ba taragl kaima i, Krais u kodugwa.
Yegl didre, ye ere mogl, ka yegl di togwa, Ene priro! Ede ya kugl kan mogo keglkwa dumo pra pra paigwa. Paigwa i, ene yoba nenaiglkwa pre na ene teiwe di, yegl dugwa.
Ene taragl mudu maginagle meglkwa i sugl moglsre, taragl i ama nenaiglkwa. Na okna ibo yoba taragl mie nenaiglmedi tekre, kaya mokna kane kane paigwa i yoba nenaiglmedi ere yei teiga. Na taragl i ere yei temere ikra mere na erme ama taragl mudu maginagle wan meglkwa i, ene yoba nenaiglkwa pre teiga. Ene nenaiglkwa pre teiga ba taragl kane kane bormai wagle kor meglkwa pre ene mie bormai pai moglkwa bogl nekrio.