35 Yesu nkeera, "Miyaano phi yolhia inouvahani ukumi. Nokiweelha khanowolhiya ithalha tho, nokirumelhelha khanowolhiya nttona tho.

27 Nhichenjeukelhe yolhia inochukumana, nchenjeukelheke yolhia ihinochukumana yo ukumi wo uhimalha. Yoyo phi Mwaana a Ntu, ukhalhawaya Athithi, Nlhuku ahonthanlha ni unhimiechesha wiira noowa uvahani yeyo yolhia iyo."

4 Nansho Yesu nkaakhulha, "Iholhepiya, ‘Ntu khanolhama wo nkatte vekha, nansho wo nlhove ninohimiya ni Nlhuku.’ "

6 Ahoreeriya attu anowolhiya ithalha ni nttona no upanga chittu chinothanana awe Nlhuku,

Ukhalhawaya anowa uwonihiya!

33 Nansho, mwaatti mwaavieke thoko umwene wa Nlhuku ni chittu chinothananiya ni chiyo chonkhaye nnowunchereriya.

25 "Phi iyo inouhimeriakani wiira, nhikhalhe ni nipampa no yolhia ni cho uwuriya chinothananiya ni ukumi inyu wiira nlhame, mena no ikuwo cho uwara mwiiruttuni. Chani ulhia yolhia phi ulhama? Ni iruttu chani ngati phi thempe upwaha ikuwo?

2 Nkhalheke thoko ashaana ashikaani ayarelhe naanano, chinophavelha aya mapelhe, ni inyu chiicho mphavelheke mapelhe o uhithakanihiya o Iphumu ya Nlhuku, ikhalhe wiira mwawuriaka yayo munnuwe ni woopolhiya.

16 Yesu nkaakusha mikatte nthanu ni ihopa pilhi, nkaaweha wiirimu, nkalhapelhelha ibarakha, nkaamianihacha, nkaavaha owiittucha yaakawelhe attu. 17 Attu onkhaye nkayaalhia, nkayaawonacha, ni owiittucha nkayaarokottacha mahalhahalha aahanlhe, nkayaachariha ni ukusha makaya khumi ni melhi.

10 Ni Nlhuku nommaha namalhima imbeyu ni yolhia, nouvahani ni inyu imbeyu chinothanana inyu, noomelhiha ni wunnuwiha ni uvahani cholhia chinchi wo urera winyu nrima.

7 Ukhalhawaya khanaawilhe ni ittu iriyoothe velhaponi va ni mena khaninokusha ittu iriyoothe nihuku nihu no uthama velhaponi va.

8 Paahi etu yakhalhaka nihanaa cholhia ni ikuwo, nipisheke nrima.

31 Paahi, ittu iriyoothe inopanga inyu ikhalhe ulhia ama uwuria, mpangeke chonkhaye wo nlhatu no unthimicha Nlhuku.

46 Nkayaathepa ukumaana vamoka kila nihuku Inupa ya Nlhuku. Nansho ikatema yo umia nkatte, yaakumaana mmanupani mwaya nkayaamia nkatte vamoka ateelhachiyaka nrima. 47 Yahontotopelha Nlhuku, nkayaattuniya ni attu onkhaye. Kila nihuku Athithi yahoncherera attu munlhokoni mwa attu oopolhiya.

20 Mwiiwelhelheke! Mii kineemelha vankhorani ni uhodisha. Ntu akiiwaka nlhove naka ni ukihulhelha nkhora, kinokelha unupani wawe ni unlhiana yolhia ni uyo nokhilhiana.

3 Ntu nolhia ittu iriyoothe himpangelhe ncheche ntu hinolhia chittu chikina, ni ntu nolhia mathaakhururu hinhukumulhe ntu nolhia kila ittu, ukhalhawaya Nlhuku haattuna onkhaye.

16 Paahi etu nhihukumulhiye ni ntu riyoothe vachulhu mwaha unaacha cholhia ama chittu cho uwuria ama mahuku o sikuukuu ama isikuukuu yo woonia mweeri ama unaacha Nihuku no Wiittuwa. 17 Yoyo mwaha wonkhaye uyo phi irungu yo mwaha unowa ulhe, nansho ikekhiaye inene iyo phi iruttu ya Kuristo.

3 Ahoupangani wiira mwiitimarikhe, nkoohiyani wiira mmwolhiye ithalha, ni kaanyuma aya ahoovahani imana wiira nlhieke, yoolhia yaari inyu nhichuwelhaka, mena manyaapwiiya inyu khayaachuwenlhe. Enre chiicho wiira owiittuchiheni wiira, Ntu khanolhama wo nkatte vekha, nansho wo nlhove ninohimiya ni Nlhuku.

9 "Nkhuureke kila nikosho no ihopa cho mapezi ni cho makakahapa. 10 Nansho nhikhuure yo wuupiya iriyoothe yo mmaashini, ihiri ni mapezi wala makakahapa. Mwaakhuuraka yayo khannorumelhelhiya wo iphiro cho waalhapelha Apwiiya Nlhuku.

29 Yamalheke vavawo, Nlhuku nkeerelhacha, "Kinouvahani kila nikosho no ntepo ninemma ni kila mwiri unoyara maphepu o imbeyu, wiira imbeyu chiyo ama maphepu aya ayo akhalheke phi yolhia inyu.

3 Kila ittu ikumi ineeta phi yolhia inyu. Thoko chenre aka wo uvahani mitepo, vano etu kinouvahani kila ittu. 4 Nansho mena nhikhure inama ihikhumme iphome, Kinouchiichihani ukhalhawaya ukumi uri mphomeni.