35 dixit autem eis Iesus ego sum panis vitae qui veniet ad me non esuriet et qui credit in me non sitiet umquam

27 operamini non cibum qui perit sed qui permanet in vitam aeternam quem Filius hominis vobis dabit hunc enim Pater signavit Deus

4 qui respondens dixit scriptum est non in pane solo vivet homo sed in omni verbo quod procedit de ore Dei

6 beati qui esuriunt et sitiunt iustitiam quoniam ipsi saturabuntur

33 quaerite autem primum regnum et iustitiam eius et omnia haec adicientur vobis

25 ideo dico vobis ne solliciti sitis animae vestrae quid manducetis neque corpori vestro quid induamini nonne anima plus est quam esca et corpus plus est quam vestimentum

2 sicut modo geniti infantes rationale sine dolo lac concupiscite ut in eo crescatis in salutem

16 acceptis autem quinque panibus et duobus piscibus respexit in caelum et benedixit illis et fregit et distribuit discipulis suis ut ponerent ante turbas17 et manducaverunt omnes et saturati sunt et sublatum est quod superfuit illis fragmentorum cofini duodecim

10 inferte omnem decimam in horreum et sit cibus in domo mea et probate me super hoc dicit Dominus si non aperuero vobis cataractas caeli et effudero vobis benedictionem usque ad abundantiam

10 qui autem administrat semen seminanti et panem ad manducandum praestabit et multiplicabit semen vestrum et augebit incrementa frugum iustitiae vestrae

25 anima quae benedicit inpinguabitur et qui inebriat ipse quoque inebriabitur

24 favus mellis verba conposita dulcedo animae et sanitas ossuum

10 et dixit eis ite comedite pinguia et bibite mulsum et mittite partes ei qui non praeparavit sibi quia sanctus dies Domini est et nolite contristari gaudium enim Domini est fortitudo nostra

7 nihil enim intulimus in mundum haut dubium quia nec auferre quid possumus8 habentes autem alimenta et quibus tegamur his contenti sumus

31 sive ergo manducatis sive bibitis vel aliud quid facitis omnia in gloriam Dei facite

46 cotidie quoque perdurantes unianimiter in templo et frangentes circa domos panem sumebant cibum cum exultatione et simplicitate cordis47 conlaudantes Deum et habentes gratiam ad omnem plebem Dominus autem augebat qui salvi fierent cotidie in id ipsum

20 ecce sto ad ostium et pulso si quis audierit vocem meam et aperuerit ianuam introibo ad illum et cenabo cum illo et ipse mecum

3 is qui manducat non manducantem non spernat et qui non manducat manducantem non iudicet Deus enim illum adsumpsit

16 nemo ergo vos iudicet in cibo aut in potu aut in parte diei festi aut neomeniae aut sabbatorum17 quae sunt umbra futurorum corpus autem Christi

3 adflixit te penuria et dedit tibi cibum manna quem ignorabas tu et patres tui ut ostenderet tibi quod non in solo pane vivat homo sed in omni verbo quod egreditur ex ore Domini

9 haec comedetis ex omnibus quae morantur in aquis quae habent pinnulas et squamas comedite10 quae absque pinnulis et squamis sunt ne comedatis quia inmunda sunt

29 dixitque Deus ecce dedi vobis omnem herbam adferentem semen super terram et universa ligna quae habent in semet ipsis sementem generis sui ut sint vobis in escam

3 et omne quod movetur et vivit erit vobis in cibum quasi holera virentia tradidi vobis omnia4 excepto quod carnem cum sanguine non comedetis