Alma
A alma é a parte mais íntima do ser humano — sede da vida, dos afetos e do encontro com Deus. A Bíblia convida a cuidar da alma com zelo e a aquietá-la diante do Senhor.
A alma diante de Deus
Bendize ao Senhor, ó minha alma! A alma suspira por Deus como a corça suspira pelas águas — com sede de eternidade.
हे मेरे मन यहोवारी तारीफ़ केर;
ते ज़ैन किछ मीं मांए, तैसेरे पवित्र नंव्वेरी तारीफ़ केर।
हे परमेशर, तू मेरो परमेशर आस,
अवं तीं दिले सेइं तोपेलो;
शुकोरी ते ट्लिशोरी ज़मीनी मां ज़ैड़ी पानी नईं,
मेरे मने तेरी ट्लिशे, मेरो जिसम तेरी बड़ी इच्छा केरते।
हे मेरी जान तू किजो बेचैन भोतिस?
तू अन्तरे अन्तर किजो परेशानस?
परमेशरे पुड़ भरोसो रख;
किजोकि तै मेरे तुत्तरेरी चमक ते मेरो परमेशरे,
अवं फिरी तैसेरू शुक्र केरेलो।
सच़्च़े मीं च़ुपच़ाप भोइतां परमेशरेरे पासे मन लेवरोए
मेरी मुक्ति तैसेरे तरफां भोतीए।
अवं यहोवारे इंतज़ारे मां आईं, अवं दिले सेइं तैस बलगताईं,
ते मेरी उमीद तैसेरे वचने पुड़े।
ज़ैखन अवं तेरू भजन ज़ोइलो, तैखन अपने ऐशी सेइं
ते अपने प्राणे सेइं भी ज़ै तीं बच़ावरोए जयजयकार केरेलो।
यहोवारो कानून सही आहे, तै जानी बहाल केरते;
यहोवारे नियम भरोसेरे काबलन;
ते सिद्धे सादे लोकन अक्लमन्द बनातन;
किजोकि तीं मेरे एंत्रीं अंग बनेवरेन;
तीं अवं अम्मरे पेटे मां बनाव।
अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,
तेरां कम्मां त हैरान केरनेबालन,
ते अवं एन रोड़ेच़ारे ज़ानताईं।
हे यहोवा झूठ ज़ोनेबाले ऐशी सेइं
ते धोखो देने बैली ज़िभी करां मेरी रक्षा केर।
Cuidar da alma
Que aproveita ao homem ganhar o mundo inteiro e perder a sua alma? Buscar a Deus de toda alma é o caminho da vida.
अगर कोई सारी दुनिया हासिल केरे, ते अपने हमेशारे ज़िन्दगी गुवाए, त तैस कुन फैइदो भोल्हो? या मैन्हु हमेशारे ज़िन्दगरे बदले कुन देलो?
तैनी ज़ोवं, "तू परमेशरे अपने प्रभु सेइं अपने सारे मने सेइं ते अपनि सैरी जानी सेइं ते अपनि सैरी अक्ली सेइं प्यार केरा।
तुस तैन करां न डेरथ ज़ैना जानी त मारतन, पन आत्मा न मैरी बटन, परमेशरे करां डरा, ज़ै आत्माई ते जानी दूईने नरके मां नाश केरि बटते।
पन तैड़ी भी अगर तुस अपने परमेशर यहोवा तोपेले, त तै तुसन मैल्ही गालो, शर्त ई आहे कि तुस अपने पूरे मने सेइं ते अपने सारे प्राणे सेइं तैस तोपथ।
सिर्फ एस गल्लरी पूरी एहतियात केरनी कि ज़ैना-ज़ैना हुक्म ते कानून परमेशर यहोवारे दासे मूसे तुसन दित्तोरेन तैना मेनतां अपने परमेशर यहोवा सेइं प्यार केरा, तैसेरे बत्ती पुड़ च़ला, तैसेरे हुक्म मन्ना, तैसेरी सेवाई मां लगोरे राथ, ते अपने सारे मन ते सारे प्राणे सेइं तैसेरी सेवा केरा।"
"शुना, अवं त मरनेबालोईं, ते तुस सब अपने-अपने दिले ते मने मां ज़ानतथ, कि ज़ेत्री भलियैइयरी गल्लां इश्शे परमेशर यहोवाए इश्शे बारे मां ज़ोवरिन, तैन मरां अक भी बगैर पूरी भोने नईं राहोरी; तैना सैरी तुसन पुड़ घेटी जेवरिन, तैन मरां अक भी बगैर पूरी भोने नईं राहोरी।
तुस मीं तोपेले ते अवं तुसन मैल्हेलो भी; किजोकि तुस अपने पूरे मने सेइं मीं कां एज्जेले।
यहोवा एन भी ज़ोते, "सड़कन पुड़ खड़े भोइतां तक्का, ते पुछ़ा कि पुराने ज़मानेरी रोड़ी बत कौ आहे, तैस्से मां च़ला, ते तुसन अपने-अपने मने मां चैन मैल्हेलो। पन तैनेईं ज़ोवं, ‘असां तैस पुड़ न च़लमेले।’
मन पसंद वचन मैछ़ी सेइं भेरतां कशेरे ज़ेरे प्राणन मिट्ठे लगतन,
ते हेड्डन हेरी-भेरि केरतन।
मेरे ट्लारे दोस्त, मेरी प्राथना ईए, कि ज़ेन्च़रे तू आत्मिक तरक्की केरि राहोरोस, तेन्च़रे तू सेब्भी गल्लन मां तरक्की केरतो रास, ते तेरी जान भी राज़ी राए।