1 हे माझ्या जीवा परमेश्वराचा धन्यवाद कर,

हे माझ्या सर्व अंतर्यामा, त्याच्या पवित्र नावाचा धन्यवाद कर.

1 हे देवा, तू माझा देव आहेस; मी कळकळीने तुझा शोध घेईन;

शुष्क आणि रूक्ष आणि निर्जल ठिकाणी माझा जीव तुझ्यासाठी तान्हेला झाला आहे;

माझा देहही तुझ्यासाठी आसुसला आहे.

11 हे माझ्या जीवा तू का निराश झाला आहेस?

माझ्यामध्ये तू तळमळत आहेस?

देवाची आशा धर, कारण माझ्या मुखाचे तारण आणि

माझा देव त्याची अजून मी स्तुती करीन.

1 माझा जीव निशब्द होऊन केवळ देवाची प्रतिक्षा करत आहे;

त्याच्यापासून माझे तारण येते.

5 मी परमेश्वराची वाट पाहतो, माझा आत्मा वाट पाहतो,

आणि त्याच्या वचनावर मी आशा ठेवतो.

23 मी तुझी स्तवने गाताना माझे ओठ हर्षाने

आणि जो माझा जीव तू खंडून घेतला तोही जल्लोष करील.

7 परमेश्वराचे नियमशास्त्र परिपूर्ण आहे, ते जीवाला पुर्नजीवित करणारे आहे.

परमेश्वराचे नियम विश्वसनीय आहेत, ज्यांना अनुभव नाही त्यांना शहाणपण देणारे आहे.

13 तू माझे अंतर्याम निर्माण केलेस;

तूच माझ्या आईच्या गर्भात मला घडवले.

14 मी तुला धन्यवाद देतो,

कारण तुझी कृत्ये भयचकीत आणि आश्चर्यकारक आहेत,

हे तर माझा जीव पूर्णपणे जाणतो.

2 हे परमेश्वरा, जे कोणी आपल्या ओठाने खोटे बोलतात,

आणि आपल्या जिभेने फसवतात त्यापासून माझा जीव सोडीव.

26 जर मनुष्याने सर्व जग मिळविले आणि आपला जीव गमावला तर त्यास काय लाभ? किंवा मनुष्य आपल्या जीवाचा काय मोबदला देईल?

37 येशूने उत्तर दिले, "‘प्रभू आपला देव याजवर तू आपल्या पूर्ण अंतःकरणाने, आपल्या पूर्ण जिवाने, आपल्या पूर्ण मनाने प्रीती कर.’

28 जे शरीराला वधतात पण आत्म्याचा वध करू शकत नाहीत त्यांना भिऊ नका, तर त्यापेक्षा आत्म्याला व शरीराला जो मारू शकतो व नरकात टाकू शकतो त्यास भ्या.

29 परंतु तेथूनही तुम्ही परमेश्वरास, आपल्या देवाला पूर्ण जिवेभावे शरण गेला तर तो तुम्हास पावेल.

5 तेव्हा परमेश्वराचा सेवक मोशे याने आज्ञा केल्याप्रमाणे त्याच्या आज्ञा आणि जे शास्त्र दिले आहे; त्याचे काटेकोरपणे पालन करण्याविषयी जपा. तुम्ही आपला देव परमेश्वर ह्याच्यावर प्रीती करावी, सर्व मार्गांत त्याचे अनुसरण करावे, त्याच्या आज्ञा पाळाव्या, आणि त्याच्याशी बिलगून रहावे आणि आपल्या संपूर्ण अंतःकरणाने व आपल्या संपूर्ण जिवाने त्याची सेवा करावी म्हणून फार जपा."

14 तर पाहा, आज मी सर्व जग जाते त्या वाटेने जात आहे; परंतु तुम्ही आपल्या संपूर्ण मनात व आपल्या संपूर्ण चित्तात जाणता की ज्या चांगल्या गोष्टी तुमचा देव परमेश्वराने तुमच्याविषयी सांगितल्या, त्या सर्वांतली एकही गोष्ट कमी पडली नाही; अवघ्या तुम्हाला प्राप्त झाल्या; त्यातली एकही गोष्ट कमी पडली नाही.

13 कारण जेव्हा तुम्ही आपल्या संपूर्ण हृदयाने मला शोधाल, तेव्हा मी तुम्हास सापडेन.

16 परमेश्वर असे म्हणतो: "चौकात उभे राहा आणि पाहा. जुना रस्ता कोणता ते विचारा.

चांगल्या रस्त्याची चौकशी करा, नंतर त्याच चाला आणि तुमच्या जीवा करता विसाव्याची जागा शोधा."

पण तुम्ही लोक म्हणाला, आम्ही जाणार नाही.

24 आनंदी शब्द मधाचे पोळ अशी आहेत,

ती जिवाला गोड व हाडांस आरोग्य आहेत.

2 प्रिय बंधू, जसा तुझा आत्मा सुस्थितीत आहे तसे तुला सर्व गोष्टीत सुस्थिती व आरोग्य असावे, अशी मी प्रार्थना करतो.