Alma
A alma é a parte mais íntima do ser humano — sede da vida, dos afetos e do encontro com Deus. A Bíblia convida a cuidar da alma com zelo e a aquietá-la diante do Senhor.
A alma diante de Deus
Bendize ao Senhor, ó minha alma! A alma suspira por Deus como a corça suspira pelas águas — com sede de eternidade.
Anumzamo’ma tavesima rante’nea zanku’ma Deviti’ma asunte’nea zagamere
Maka nagu’areti hu’na Ra Anumzamofona agi’a ahentesga nehu’na, nagu’areti hu’na ruotage’ma hu’nea agi’a ahentesga hugahue.
Tinku’ma hiaza huno Anumzamokagura nave’nesie huno asunte’nea zagamere
Anumzamoka Kagra nagri Anumza mani’nanke’na, Kagrikura tusiza hu’na nehakroe. Nagu’amo’a tinku’ma hiaza huno, Kagrikura navenesigeno, tima omne hagage kokampina navufgamo’a Kagrikura tusiza nehie.
Nahigeno nagu’amo’a kna huno evuneramie? Hagi nahige’na nasuzampina mani’na nevue? Nagra Anumzamo’ma nazama hanigu amuhara hugahue! Nagu’mavazi ne', Anumzanimofona mago’ene zagamera hu’na agia erisga hugahie.
Nagra kagrikuke kavegante’noe huno hunte’nea zagamere
Anumzamo’ma nazama hanigu akohe’na avegante’na mani’noe. Na’ankure Agrake nagura nevazie.
Ra Anumzamofonku avega ante’noe. Nagu’amo’a Agriku avega ante’neankina, agri nanekere amuhara nehue.
Nagra ranke hu’na muse zagamera nehu’na, Kagia ahentesga hugahue. Na’ankure kagra nagu’vazinka ete navre’nane.
Hagi Ra Anumzamofo kasegemo’a fatgo hu’neno kasefa tasimu neramie. Hagi Ra Anumzamofo kemo’a, knare antahi’za me’neankino antahizama’a omne vahera azeri ante fatgo huno knare antahi’za nezamie.
Na’ankure maka nagu’a navufga Kagra tro hunante’nane. Ana hutenka antanimofo rimpafima mani’nogenka maka navufga Kagra rehatinante’nane, Kagrama nagrima tro’ma hunanana, so’e' zantfa hunku tro hunante’naku muse hunegantoe. Kagrama eri’nana eri’zamo’a, knare huno so’e zantfa hu’ne. Ana hu’neanki’na e’i ana zana nagra ke’na antahi’na hu’noe.
Nagra amanage hu’na nunamuna hu’noe. Ra Anumzamoka zamagi’arima nehu’za vahe’ma rezamatgama nehaza vahe tvaontera omanisuanki naza hunka navre atro.
Cuidar da alma
Que aproveita ao homem ganhar o mundo inteiro e perder a sua alma? Buscar a Deus de toda alma é o caminho da vida.
Mago’mo mika mopafi zantami eri tru nehuno, agra’a agu amema atre’siana, na’a azahu’zana erigahie? Hifi agu amemofo nona huno na’a amigahie?
Jisasi’a kenona’a asmino, Rana, kagrika’a Anumzana, mika tumokareti ene, mika kagu kamenteti ene, mika antahintahi ka’areti avesinto. (Diu-Kas 6:5)
Tamufama tamahe fri vahekura korera osiho. Hianagi tamagu’a ahe ofrigahie. Anazanku kore’ma huntesnazana, tamagu’ane tamavufanema teve tirupima kre fanane hanimofo Anumzamofonku korera hunteho.
Hianagi e’i anantegama mani’neta Ra Anumzana tamagri Anumzamofonku’ma ana maka tamagu’areti’ma huta hakresuta, Agrira hakreta erifore hugahaze.
Hianagi Ra Anumzamofo eri’za ne' Mosese’ma tami’nea kasegene tra kenena kegava huso’e hu’netma amage anteho. Ra Anumzana tamagri Anumzamofo avesinenteta, Agri avu’ava nevaririta, kasege’a amage nenteta, Agrane tragoteta mani’neta, maka tamagu tamenteti hutma Agri eri’zana erinteho.
Hanki nagra kofta huna fri’nugu, tamagra tamagu’areti huta hago antahi’naze, Ra Anumzana tagri Anumzamo’ma tamigahue huno huvempama hu’nea zantamina ana maka tamivagare’ne. Hagi magore huno huvempa hu’nea kemo’a hantaga osutfa hu’ne.
Hagi tamagrama miko tamagu’areti’ma huta Nagriku’ma hakenuta, Nagrira nageta erifore hugahaze.
Hagi Ra Anumzamo’a amanage huno hu’ne. Kama hatna’ma hu’nere oti’neta korapa’ma knare kama me’nege’za tagehe’zama vanoma hu’naza kana ina me’ne huta hiho. Hagi knare kama keta eri fore’ma hanuta ana kante nevuta tamarimpa frua erigahaze. Hianagi tamagra amanage huta nehaze, I’o e’i ana kantera ovugahune huta nehaze.
So’e kema hu’zamo’a tumemofo rima’agna hu’neankino, vahe’mofo agu’amemofontera haga higeno, zaferinamofona azeri so’e nehie.
Ronenimoke, nagra nunamu nehuankino hakare zamo’a knare hugantena, kria e’orinka kagu’amo’ma hu’nea kna hunka knare hugahane.