Amigo
O amigo verdadeiro é dádiva rara de Deus. Ele ama em todo tempo, fala a verdade em amor, aconselha com sabedoria e permanece fiel nas adversidades da vida.
Amizade verdadeira
Há amigo mais chegado que um irmão. Em todo tempo ama o amigo. O perfume e o incenso alegram o coração — assim o conselho doce do amigo.
दोस्त बधाने सेइं त नाश भोते,
पन एरहो दोस्ते, ज़ै ढ्लाए करां भी जादे मिलोरो रहते।
दोस्त हर वक्त प्यार रखते,
ते आफतरे दिहाड़े ढ्ला ढ्लाएरे कम्मे एइते।
ज़ेन्च़रे तेल ते खुशबू सेइं,
तेन्च़रे दोस्तेरे दिलेरी सही सलाही सेइं मन खुश भोते।
ज़ेन्च़रे लोंह लोंहे चमकाते,
तेन्च़रे मैन्हेरू तुत्तर अपने दोस्तेरे साथे सेइं चमकने बालू भोते।
खुल्ली डांट छ़पोरे प्यारे करां रोड़ीए।
ज़ैना ज़खम दोस्तेरे हथ्थे सेइं लगतन तैना भरोसेरे काबलन
पन बैरी जादे फुम्मड़ी देते।
ज़ै तेरो ते तेरे बाजी केरो भी दोस्त भोए तै नईं शारनो;
ते अपने आफतरे दिहाड़े, अपने ढ्लाएरे घरे नईं गानू।
प्यार केरनेबालो पड़ोसी, दूर रानेबाले ढ्लाए करां बड़ो रोड़ोए
अक्लमन्दन सेइं संगती केर, तैखन तू भी अक्लमन्द भोइ गालो,
पन बेवकूफां केरो साथी नाश भोइ गालो।
सरकी बाले मैन्हेरो दोस्त न बेना,
ते जल्दी सरक केरनेबाले सेइं साथी नईं च़लनू,
कोन्च एरू न भोए कि तू तैसेरी चाल शिखस,
ते तेरो प्राण फंदे मां फंसे।
बड़े मैन्हु अपने ईमानदार भोनेरो प्रचार केरतन;
पन सच़्च़ो मैन्हु कौन हासिल केरि सकते?
अमीरेरे त बड़े दोस्त भोतन,
पन गरीबेरे दोस्त तैस करां अलग भोइ गातन।
Jesus, o amigo
Já não vos chamo servos, mas amigos. O maior amor é dar a vida pelo amigo. Jesus é o amigo que nunca falha.
एस करां जादे प्यार केन्चे नईं कियोरो, कि कोई अपने दोस्तां केरे लेई अपनि जान दे। ज़ै हुक्म अवं देताईं, अगर तुस तैस मन्नथ, त मेरे दोस्त आथ। अज़्ज़ेरे बाद अवं तुसन जो नौकर न ज़ोइलो, किजोकि नौकर न ज़ांने कि तैसेरो मालिक कुन केरते। मीं तुसन जो दोस्त ज़ोवरूए, किजोकि ज़ैन किछ मीं बाजी करां शुनोरूए तुसन भी शुनावरू आहे।
"मेरो हुक्मे ईए ज़ेन्च़रे मीं तुसन सेइं प्यार कियो, तुस भी एक्की होरि सेइं प्यार केरा। एस करां जादे प्यार केन्चे नईं कियोरो, कि कोई अपने दोस्तां केरे लेई अपनि जान दे।
हे ट्लारव, ज़ैखन परमेशरे असन सेइं एरो प्यार कियो, त असेईं भी एक्की होरि सेइं प्यार कियोरो लोड़े। परमेशर कधी केन्चे नईं लाहोरो; अगर अस एप्पू मांमेइं प्यार रखम, त परमेशर असन मां बनो रहते; ते तैसेरो प्यार असन मां सिद्ध भोवरोए।
असेईं प्यार इस्से सेइं ज़ानो, कि यीशु मसीहे इश्शे लेई अपने प्राण दित्ते, एल्हेरेलेइ इश्शो भी ढ्लां केरे लेई प्राण देने फर्ज़े। पन ज़ैस कां दुनियारी जेइदात भोए, त तै अपने ढ्लाए ज़ैस ज़रूरत भोए, तैस हेरतां तैस पुड़ तरस खानो न चाए, त तैस मां परमेशरेरो प्यार केन्च़रे बनोरो रेइ बटते? हे ट्लारे बच्चव, अस सिर्फ वचन ते ज़बानी सेइं नईं, पन कम्मन ते सच़्च़े सेइं भी प्यार केरम।
ते पवित्रशास्त्रेरू इन वचन पूरू भोव, "कि अब्राहमे परमेशरे पुड़ विश्वास कियो, ते तै तैसेरेलेइ धार्मिकता गनो जेव," ते तै परमेशरेरो दोस्त भोव।
भाईच़ारेरे प्यारे सेइं एक्की होरि सेइं प्यार केरा; आदरी सेइं होरन एप्पू करां रोड़ो समझ़ा।
Companheiros de fé
Dois são melhores do que um. Os companheiros de fé se fortalecem mutuamente e caminham juntos com o Senhor.
एक्की करां दूई रोड़ेन, तैन केरि मेहनतरो रोड़ो फल भोते। किजोकि अगर तैन मरां अक बिछ़ड़े, त होरो तैस खड़े केरेलो; पन अफ़सोस तैस पुड़, ज़ै अकैल्लो भोइतां खिरके, ते तैस कोई खड़ो केरनेबालो न भोए।
हेरा, इन केत्रू भलू आहे ते रोड़ी गल्ले।
कि ढ्ला लोक एप्पु मांमेइं मिलोरे रान!
इन त तैस कीमती तेलेरू ज़ेरू,
ज़ै हारूनेरे दोग्गे पुड़ छ़डोरो थियो,
ते तैसेरी दैढ़ी करां बेगतां,
तैसेरे लिगड़ेरे कूने तगर पुज़्ज़ो।
तैन हेर्मोन पहाड़ेरे तैस ओशरू ज़ेरूए,
ज़ै सिय्योनेरे पहाड़न पुड़ झ़ड़तीए!
यहोवा त तैड़ी सदा ज़िन्दगरी बरकत ठहरावरीए।
ज़ेत्रे तेरो डर मनतन ते तेरे उपदेशन पुड़ च़लतन,
तैन केरो अवं साथी आईं।
तैखन योनाताने दाऊदे सेइं करार कियो, किजोकि तै तैस सेइं अपने प्राणां केरो ज़ेरो प्यार केरतो थियो।
ज़ैना एरी गल्लां ज़ोतन तैन केरे वजाई सेइं बेवकूफ न बना, "बुरी संगती रोड़े चाल-चलने बगाड़तीए।"