Amigo

24 ላጌ ዳርሲዛ ኣሲ

ባስ ሜቶ ዳሪሴስ፤

ጊዶ ኣቲን ኢሻፔ ኣዲ

ኣማኔቲዛ ላጌይ ዴስ።

17 ላጌይ ኣይ ዎዴካ ላጌ፤

ኢሻይካ ሜቶ ዎዴስ ዬሌቴስ።

9 ሺቶይኔ ኤጻኔይ

ኣስ ኡፋይሲዛይሳ ማላ፥

ሲቆ ላጌ ዞሬይካ ኡፋይሴስ።

17 ቢራታይ ቢራታ ቃራሲዛ ማላ

ኣሲካ ኢሶይ ኢሳ ቃራሴስ።

5 ጌሚዳ ሲቆፔ

ቆንጬን ሴሪዛ ሴራይ ሎኦ።

6 ሞርኬይ ኔና ዳሮቶ ዬራናፔ

ሲቆይ ኔና ዴቺዛይሲ ኪያ።

10 ኔ ላጌኔ ኔ ኣዋ ላጌ ኣጎፋ፤

ኔ ኢሻኮ ቦፓ።

ሃሆን ዲዛ ኢሻፔ

ኔስ ማታን ዲዛ

ሾሮይ ኪያ።

20 ኣ ኤራንቻታራ ሄሜቲዛ ኣሲ

ኣ ኤራንቻ ጊዴስ፤

ጊዶ ኣቲን ኤያታራ ሄሜቲዛ ኣሲ

ሜቶን ጌሌስ።

24 ሃንቄቲዛ ኣሳራ ላጌቶፓ፤

ሃንቄታናስ ኤሶቲዛ

ኣሳራካ ዙፔቶፓ።

25 ኔኒ ኢዛ ሃኖዛ ሜዜቲኮ፥

ጉዬፔ ኣጋናዉ ዳንዳያካ።

6 ዳሮ ኣሳቲ ባንታ

ኪያቴ ዮቴቴስ፤

ጊዶ ኣቲን ኣማኔቲዛ ኣስ

ኦኒ ዴማናስ ዳንዳይዜ?

4 ዱሬቴ ዳሮ ላጌ ሜስ፤

ጊዶ ኣቲን ማንቆቴ

ካሴ ዲዛ ላጌ ሃሴስ።

13 ኣሲ ባ ላጌስ ባ ሼምፖ ኣ ኢሞፔ ኣዛ ሲቆይ ዴና። 14 ታ ኢንቴና ኣዛዚዛይሳ ኡባ ኢንቴ ፖሊኮ ኢንቴ ታ ላጌታ። 15 ኣሽካራይ ጎዳይ ኦዛይሳ ኤሮንታ ጊሻስ ሃይሳፌ ጉዬ ታ ኢንቴና ኣሽካራታ ጊኬ። ጊዶ ኣቲን ታኒ ታ ኣዋፔ ሲዪዳይሳ ዉርሳ ኢንቴስ ቆንጪሲዳ ጊሻስ ታ ኢንቴና ታ ላጌታ ጋዲስ።

12 ታ ኢንቴስ ኢሚዛ ኣዛዞይ ታ ኢንቴና ሲቂዳ ማላ ኢንቴካ ኢንቴ ጊዶን ኢሶይ ኢሳራ ሲቄታናሳ።✝ 13 ኣሲ ባ ላጌስ ባ ሼምፖ ኣ ኢሞፔ ኣዛ ሲቆይ ዴና።

11 ታ ኢሻቶ! ጾሲ ኑና ሃይሳ ሲቂኮ ኑኒካ ኑ ጊዶን ሲቄታናስ ቤሴስ። 12 ጾስ ቤኢዳ ኣሲ ኦኒካ ባ፤ ኑኒ ኑ ጊዶን ሲቄቲዛ ጊዲኮ ጾሲ ኑናን ዳና፤ ኢዛ ሲቆይካ ኑናን ፖሌታና።✝

16 ዬሱስ ኪርስቶሲ ባ ሼምፖ ኑ ጊሻስ ኣ ኢሚዳ ጊሻስ ሲቆይ ኣዛኮ ኑ ሄሳን ኤሮስ፤ ኑኒካ ኑ ሼምፖ ኑ ኢሻታ ጊሻስ ኣ ኢማናስ ቤሴስ። 17 ሚሺ ዲዛዴይ ኦኒካ ባ ኢሻይ ዋዬቲሺን ቤኢዲ ኢዛስ ሚሼቶንታ ኣጊኮ ጾሳ ሲቆይ ኢዛን ዋኒ ዳኔ? 18 ታ ናይቶ! ቱሙ ኦሶንፔ ኣቲን ጮ ዶናኒኔ ቃላን ጻላ ሲቄቴ ኣኔ ኣጎስ።

23 «ኣብራሃሜይ ጾስ ኣማኒዴስ፤ ሄ ኣማኖይ ኢዛስ ጺሎቴን ቆዴቲዴስ» ጊዛ ማጻፋ ቃላይ ፖሌቲዴስ፤ ኢዚካ ጾሲ ዶሲዳዴ ጌቴቲዴስ።✝

10 ኢንቴ ኢንቴ ጋርሳን ኢሶይ ኢሳራ ኢሻታ ማላ ሎኤ ሲቄቲቴ፤ ኢሶይ ኢሳ ባፔ ኣ ቦንቺዛይታ ጊዲቴ።

9 ኢስታ ኦሶይ ሎኦ ኣይፌ ኢማናስ

ዳንዳይዛ ጊሻስ

ኢሲኖ ጊዳናፔ

ናምኡ ጊዴ ሎኦ።

10 ቃሴ ናምኣፌ ኢሶይ ኩንዲኮ

ኢሶይ ዴንስ፤

ጊዶ ኣቲን ኩንዲኮ ዴንዛ

ላጌይ ባይንዳዴይ

ኣይ ማላ ቃዜ!

ዳዊቲ ፑዴ ኬዚሼ ዬጺዳ ማዛሙሬ

1 ኢሻንቲ ኢሲፌቴን ዴኢዛይሲ

ኣይ ማላ ሎኦኔ

ኣይ ማላ ኡፋይሲዛዜ!

2 ሄሲ ኣሮኔ ሁኤን ቲጊን

ቡቻራ ቢዲ

ኢዛ ማይኦ

ማጫራ ጋካናስ ጎጊዲ

ሳዎ ቱኑ ጊዛ ኣልኦ ዛይቴ ማላ።

3 ቃሴካ ሄርሞኔ ዙማታፔ

ዱጌ ጺዮኔ ዙምቡላታ ቦላ

ጾኪዛ ጻዛ ማላ፤

ጎዳይ ሄሳን ኣንጆኔ

ዴኦ ሜርናስ ኣዛዚዴስ።

63 ታኒ ኔስ ያዪዛይታ ኡባሲኔ

ኔ ዎጋ ናጊዛይታስ ላጌ።

3 ዮናታኔይ ኢዛ ዎዚናፔ ሲቂዳ ጊሻስ ዳዊቴራ ጫቄቲዴስ።

33 ኢንቴ ባሌቶፍቴ! ኢታ ላጌቴ ሎኦ ኣማሌራ ዲዛይታ ሞሬስ።