Amigo
O amigo verdadeiro é dádiva rara de Deus. Ele ama em todo tempo, fala a verdade em amor, aconselha com sabedoria e permanece fiel nas adversidades da vida.
Amizade verdadeira
Há amigo mais chegado que um irmão. Em todo tempo ama o amigo. O perfume e o incenso alegram o coração — assim o conselho doce do amigo.
Wambwiya wengi wodaha kumbananga miyawo,
mbali kuna mbwiya yoilumba na munhu kufosa ndugu.
Mbwiya kolonda siku zose,
na ndugu kelekigwa muladi kutaza siku za magayo.
Mavuta na vinhu vinung’hila goya voudeng’heleza moyo,
iviya umbwiya wa munhu wolawa muna yamagesa yake yanogile.
Munhu koifunza kwa munhu imwenga,
fana viya chuma vichinoligwa na chuma chimwenga.
Muhavu munhu yokukalikila,
kufosa ulondo uifisile.
Mbwiya wahakukalikila wolagusa kuwa wokulonda,
mbali wehi wahakusangalalila kukulamsa wolagusa udelenya.
Sekeumuleke mbwiyako hebu mbwiya wa tati yako,
iviya uhawa na ndilo sekewingile muna ikaye ya ndugu yako lusita kahabule,
kwaviya muhavu mkaya miyago kufosa ndugu yeli kutali.
Wanhu wogenda na wabala wezakuwa wabala,
mbali wambwiya wa wabozi wezagaya.
Simwe 3
Sekeuwe mbwiya wa wanhu wowona ludoko himahima,
na sekewiilumbe na wanhu wahuhile kupata ludoko.
One uhaifunza ugenzi wawo,
kwizanamata muna umtego.
Wanhu wengi woigoda kuwa wana ulondo wa kufunya umoyo,
mbali wanhu wadodo wokwaminika.
Utajili wokongeza wambwiya wa sambi,
mbali ngayengaye wobaguligwa na wambwiya zawo.
Jesus, o amigo
Já não vos chamo servos, mas amigos. O maior amor é dar a vida pelo amigo. Jesus é o amigo que nunca falha.
Habule ulondo mkulu kufosa ulondo wa munhu kulava ugima wake kwa ichimu cha mbwiya zake. Mweye mwa wambwiya zangu one muhatenda yaja yoniwalagilize. Sizamtangani mweye watumwa kaidi, kwaviya mtumwa hazimanya sang’hano za mwenevale wake. Mbali nowatanga mweye mbwiya zangu kwaviya nimulongelani vinhu vose vinilongiligwe na Tati yangu.
Ndagilizi yangu iyo ino, Mwiilonde mweye kwa mweye, fana niye vinimulondileni mweye. Habule ulondo mkulu kufosa ulondo wa munhu kulava ugima wake kwa ichimu cha mbwiya zake.
Walondwa wangu, ihawa Mulungu kachilonda cheye fana vino, cholondeka na cheye chiilonde. Habule munhu yamuwonile Mulungu, mbali one chihailonda Mulungu koilumba na cheye na ulondo wake utoga mgati yetu.
Cheye chiumanya ulondo kwa nzila ino, Yesu Chilisito kalava ugima wake kwa ichimu chetu. Na cheye iviya cholondeka kulava ugima wetu kwa ichimu cha wahuwila wayetu. Lelo munhu yahawa na vinhu va zisi zose vino na yahamuwona ndugu yake kana uzidilwa na hamuwonela ubazi, kodahaze kulonga kana ulondo wa Mulungu muumoyo wake? Wanangu, ulondo wetu sekeuwe wa mbuli na kulonga muhala, mbali cholondeka chiwe na ulondo wa kweli na wouwoneka kwa sang’hano.
Ivo Yamaandiko Yelile yatimiya yoyolonga, "Bulahimu kamuhuwila Mulungu na kwa ichimu cha uhuwilo wake, katogoligwa kanoga haulongozi wake kuwa katenda vinogile," ivo Bulahimu katangigwa mbwiya wa Mulungu.
Mwiinogele fana mwandugu mwa Chilisito, mwiitegeleze mweye kwa mweye, kwa hishima.
Companheiros de fé
Dois são melhores do que um. Os companheiros de fé se fortalecem mutuamente e caminham juntos com o Senhor.
Muhavu kuwa waidi kufosa munhu yaidumwe, kwaviya wanhu waidi wezagwekigwa kwa sang’hano yawo. One imwe wawo yahagwa, miyage komwinula. Mbali munhu yokala yaidumwe yahagwa kezagaya. Munhu iyo kabule munhu wa kumwinula.
Kuilumba kunoga
Ni mbuli inogile ng’hani na ya kudeng’heleza ndugu kukala hamwe na kuilumba.
Kutenda ivo kulinga fana mavuta yonung’hila goya yogidigwa muna iditwi da Haluni,
kulagusa kuwa Mulungu kamsagula yawe mkulu wa nhambiko.
Mavuta yayo mengi yakilima hasi hana ichidevu chake mbaka hana yamawalo yake.
Iviya kulinga fana nhungwe yogwa kuna umulima Helimoni.
Mndewa Mulungu kezautemela mate ng’hani mulima Helimoni siku zose.
Niye mbwiya wa waja wose wokusang’hanila,
waja wokwamha ndagilizi zako.
Yonasani kaija sale na Daudi kwaviya kamnogela ng’hani.
Sekemuvwiziligwe. "Umbwiya wihile wobananga luzowe lunogile."