Amigo
O amigo verdadeiro é dádiva rara de Deus. Ele ama em todo tempo, fala a verdade em amor, aconselha com sabedoria e permanece fiel nas adversidades da vida.
Amizade verdadeira
Há amigo mais chegado que um irmão. Em todo tempo ama o amigo. O perfume e o incenso alegram o coração — assim o conselho doce do amigo.
ଅକଏ ପୁରାଃ ଗାତି ବାଇୟାଃଏ, ଇନିଃ ଆପ୍ନାଃ ଜିୟନ୍ ନାଗେନ୍ତେ ଏନ୍ଲେକା ରିକାଃଏ। ମେନ୍ଦ ମିଆଦ୍ ଦୁଲାଡ଼୍ତାନ୍ନିଃ ମେନାଇୟାଃ ଇନିଃ ହାଗା ଏତେ ହଁଗି ଆପ୍ନାଃ ହେପାଦ୍ରେ ତାଇନାଃ।
ଗାତି ସବେର୍ ଇମ୍ତା ଦୁଲାଡ଼୍ ରିକାଃଏ ଓଡ଼ୋଃ ଇନିଃ ସାଙ୍କାଟ୍ ଇମ୍ତା ହାଗା ହବାଅଃଆଏ।
ସୁନୁମ୍ ଓଡ଼ୋଃ ବୁଗିନ୍ ସହାନ୍ତେ ମନ୍ସୁରୁଦ୍କେ ରାସିକା ରିକାଃଏ, ଏନ୍ଲେକା ଗାତିରାଃ ହେଡ଼େମ୍ ଉନୁଦୁବ୍କାଜିତେ ରାସିକା ରିକାଃଏ।
ଜେ’ଲେକା ମେଡ଼େଦ୍ ମେଡ଼େଦ୍କେ ଲେସେର୍ ରିକାଏ, ଏନ୍ଲେକା ହଡ଼ ଆପ୍ନାଃ ଗାତିରାଃ ମେଦ୍ମୁହାଁଡ଼୍କେ ତେଜ୍ ରିକାଏ।
ଉକୁକାନ୍ ଦୁଲାଡ଼୍ ହେତେ ବାହାରିରେ ଏଗେର୍ତେୟାଃ ବୁଗିନ୍ ତାନାଃ।
ଦୁଲାଡ଼୍ତାନ୍ନିୟାଃ ଘାଅ ପାତିୟାର୍ରଃ ଲେକାନାଃ ତାନାଃ, ମେନ୍ଦ ବାଇରିୟାଃ ଚଅଃ ପୁରାଃଗିଆ।
ଆପ୍ନାଃ ଗାତି ଓଡ଼ୋଃ ଆପୁରାଃ ଗାତିକେ ଆଲମ୍ ବାଗିୟା, ଓଡ଼ୋଃ ଆମାଃ ସାଙ୍କାଟ୍ ସାମାଏରେ ଆପ୍ନାଃ ହାଗାରାଃ ଅଡ଼ାଃତେ ଆଲମ୍ ସେନାଃ। ସାଙ୍ଗିନ୍ରେ ତାଇନ୍ତାନ୍ ହାଗା ହେତେ ହେପାଦ୍ରେ ତାଇନ୍ ତାନ୍ ହୋପର୍ଜାପାଃନିଃ ବୁଗିନ୍ ତାନିଃ।
ସେଣାଁନ୍ ହଡ଼ଲଃ ସାଙ୍ଗାତିରେ ତାଇନ୍ରେ ଆମ୍ ସେଣାଁନ୍ ହବାଅଃଆମ୍, ମେନ୍ଦ ଡଣ୍ଡ ହଡ଼ଲଃ ସାଙ୍ଗାତିରେ ତାଇନ୍ରେ ସିଗିଦ୍ ନାମେୟାମ୍।
ଅକନ୍ ହଡ଼ ରିସ୍ମି ତାନିଃ, ଇନିଃଲଃ ଆଲପେ ଗାତିନାଃ ଓଡ଼ୋଃ ରିସ୍ମି ହଡ଼ଲଃ ଆଲମ୍ ତାଇନାଃ।
ନେ’ଲେକା ଆଲକା ହବାଅ ଚି ଆମ୍ ଇନିୟାଃ ଚାଇଲ୍ ଚାଲାନ୍ ଇତୁ କେଦ୍ତେ ଆପ୍ନାଃ ଜୀଉରେ ଫାଁସ୍ରି ବାଇୟାମ୍।
ପୁରାଃ ହଡ଼କ ଆପ୍ନାଃ ଆପ୍ନାଃ ଲିନିବୁଇରେୟାଃ କାମିକ ଉଦୁବାଃ, ମେନ୍ଦ ପାତିୟାରଃ ହଡ଼ ଅକଏ ନାମ୍ ଦାଡ଼ିୟା ?
ଖୁର୍ଜିତେ ପୁରାଃ ଗାତିକ ନାମଃଆ, ମେନ୍ଦ ଗାରିବ୍ ହଡ଼ରାଃ ଗାତି ଆୟାଃ ଆପ୍ନାଃ ଗାତିତାଃଏତେ ବିନ୍ଗାଅକେନଃଆ।
Jesus, o amigo
Já não vos chamo servos, mas amigos. O maior amor é dar a vida pelo amigo. Jesus é o amigo que nunca falha.
ଜେତାଏ ଆୟାଃ ଗାତିକଆଃ ନାଗେନ୍ତେ ଆୟାଃ ଜୀଉ ଏମଃନିୟାଃଏତେ ମାରାଙ୍ଗ୍ ଦୁଲାଡ଼୍ ଜେତ୍ନାଃ ବାନଆଃ । ଆଇଙ୍ଗ୍ ଆପେକେ ଏମାକାଦ୍ ଆନ୍ଚୁକେପେ ମାନାତିଙ୍ଗ୍ରେଦ ଆପେ ଆଇଁୟାଃ ଗାତିକ ତାନ୍ପେ । ଆଇଙ୍ଗ୍ ଆପେକେ ଆଡଃ ଦାସି ମେନ୍ତେ କାଇଙ୍ଗ୍ କାଜିପେତାନା, ଚିୟାଃଚି ଗମ୍କେ ଚିନାଃ କାମିତାନ୍ତେୟାଃ, ଦାସି କାଏ ସାରିୟାଃ ମେନ୍ଦ ଆଇଙ୍ଗ୍ ଆପେକେ ଗାତି ମେନ୍ତେ କାଜିପେତାନାଇଙ୍ଗ୍ ଚିୟାଃଚି ଆଇଁୟାଃ ଆପୁଇଙ୍ଗ୍ତାଃଏତେ ଆୟୁମ୍କାଦ୍ ସବେନାଃ ଆପେକେ ଉଦୁବାକାଦ୍ପେୟାଇଙ୍ଗ୍ ।
ଆଇଙ୍ଗ୍ ଆପେକେ ଦୁଲାଡ଼୍କାଦ୍ପେ ଲେକା ଆପେୟ ଦୁପୁଲାଡ଼୍ପେ, ନେଆଁଁ ଆଇଁୟାଃ ଆନ୍ଚୁ ତାନାଃ । ଜେତାଏ ଆୟାଃ ଗାତିକଆଃ ନାଗେନ୍ତେ ଆୟାଃ ଜୀଉ ଏମଃନିୟାଃଏତେ ମାରାଙ୍ଗ୍ ଦୁଲାଡ଼୍ ଜେତ୍ନାଃ ବାନଆଃ ।
ହେ ଦୁଲାଡ଼୍ ହାଗା ମିଶିକ, ପାର୍ମେଶ୍ୱାର୍ ଆବୁକେ ନେ’ଲେକା ଦୁଲାଡ଼୍ବୁତାନ୍ରେଦ, ଆବୁକେୟ ଏନ୍ ଲେକା ଦୁପୁଲାଡ଼୍ରେ ତାଇନ୍ ଲାଗାତିଙ୍ଗ୍ୟାଁଃ । ପାର୍ମେଶ୍ୱାର୍କେ ଜେତାଏ ଚିଉଲାହ କାଏ ନେଲ୍, ମେନ୍ଦ ଆବୁ ଦୁପୁଲାଡ଼୍ରେ ତାଇନ୍ରେଦ ପାର୍ମେଶ୍ୱାର୍ ଆବୁଲଃ ମେନାଇୟା, ଆଡଃ ଆୟାଃ ଦୁଲାଡ଼୍ ଆବୁତାଃରେ ପକ୍ତାକାନା ।
ୟୀଶୁ ଖ୍ରୀଷ୍ଟ୍ ଆବୁ ନାଙ୍ଗ୍ ଆୟାଃ ଜୀଉ ଏମ୍କେଦାଏ ଏନାତେ ଆବୁ ଦୁଲାଡ଼୍ ଚିନାଃ ତାନା ଏନାବୁ ସାରିତାନା । ଆଡଃ ଆବୁକେୟ ଖ୍ରୀଷ୍ଟ୍ ହାଗା ମିଶିକ ନାଗେନ୍ତେ ଆବୁଆଃ ଜୀଉ ଏମ୍ ଲାଗାତିଙ୍ଗ୍ୟାଁଃ । ଜେତା ହଡ଼ ଅତେଦିଶୁମ୍ ଲେକା ଆୟାଃ ମେନାଃତେୟାଃକ ପୁରାଃଗି ତାଇନ୍କେଦ୍ତେ ଖ୍ରୀଷ୍ଟ୍ ହାଗା ମିଶି ଜାଞ୍ଜିୟଃତାନ୍ ନେଲ୍ରେୟ ଇନିଃ ନାଗେନ୍ତେ ଆୟାଃ ମନ୍ସୁରୁଦ୍କେ କେଟେଜେରେଦ, ଇନିଃ ଚିଲ୍କାତେ ଆଇଙ୍ଗ୍ ପାର୍ମେଶ୍ୱାର୍କେ ଦୁଲାଡ଼୍ ତାନାଇଙ୍ଗ୍ ମେନ୍ତେ କାଜିୟାଏ ? ଏ ହନ୍କ, ଆବୁଆଃ ଦୁଲାଡ଼୍, କାଜିତେ ଚାଏ ଜାଗାର୍ତେ ଏସ୍କାର୍ ଆଲକା ହବାଅଃକା, ମେନ୍ଦ ସାର୍ତିତେ ଆଡଃ କାମିତେ ଉଦୁବ୍ ଲାଗାତିଙ୍ଗ୍ୟାଁଃ ।
ନେଆଁ ହରାତେ ଧାରାମ୍ପୁଥିରେୟାଃ କାଜି ପୁରାୟାନା : "ଆବ୍ରାହାମ୍ ପାର୍ମେଶ୍ୱାର୍କେ ବିଶ୍ୱାସ୍କିୟା ଆଡଃ ଇନିୟାଃ ବିଶ୍ୱାସ୍ ହରାତେ ପାର୍ମେଶ୍ୱାର୍ଆଃ ନେପେଲ୍ରେ ଇନିଃ ଧାର୍ମାନ୍ ମେନ୍ତେ ଲେକାୟାନା ।" ଆଡଃ ଆବ୍ରାହାମ୍ ପାର୍ମେଶ୍ୱାର୍ଆଃ ଗାତି ମେନ୍ତେ କାଜିୟାନା ।
ଖ୍ରୀଷ୍ଟ୍ ବିଶ୍ୱାସୀ ହାଗା ମିଶିକ ଲେକା ମିହୁଡ଼୍ ଆଡଃମିହୁଡ଼୍କେ ଦୁଲାଡ଼ିପେ ଆଡଃ ମିହୁଡ଼୍ ଆଡଃମିହୁଡ଼୍କେ ମାଇନିପେ ।
Companheiros de fé
Dois são melhores do que um. Os companheiros de fé se fortalecem mutuamente e caminham juntos com o Senhor.
ମିହୁଡ଼୍ ଏତେ ବାର୍ହଡ଼୍ ବୁଗିନାଃତାନାଃ, ଚିୟାଃଚି ଇନ୍କିନ୍ ଆପାନ୍ କାମିରେୟାଃ ନାଲା ନାମେୟାଃକିନ୍ । ଇନ୍କିନ୍ ଏତେ ମିହୁଡ଼୍ ଉୟୁଃ ରେଦ ଓଡ଼ୋଃ ମିହୁଡ଼୍ ଏଟାଃନିଃକେ ବିରିଦିୟା । ମେନ୍ଦ ଉୟୁଃ ଇମ୍ତାଙ୍ଗ୍ ଅକଏ ଏସ୍କାର୍ ତାଇନାଃ ଓଡ଼ୋଃ ଇନିଃକେ ବିରିଦ୍ ନାଗେନ୍ତେ ଜେତାଏ କା ତାଇନ୍ରେ, ଇନିଃ ସାର୍ପାଅ ଲେକାନ୍ ହଡ଼ ହୁଇନାଃ ।
ଆପେ ଆଲ୍ପେ ବେଦାଅଃଆ । "ଏତ୍କାନ୍ ସାଙ୍ଗାତି ବୁଗିନ୍ ଚାଇଲ୍ ଚାଲାନ୍କେ ଜିୟନେୟା ।"