Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"तुहुंं पेहला माणसेन कहली वातेक सामळ्ळा हतला, की ‘आपणे धड़े वाळा सी परम करजु, ने आपणा वेरी सी कुहराय राख्जु।’" बाकुन मे तुहुंंक असु कहं की आपणा वेरी सी परम करु। ने जु काहनुक एला पाड़े तींद्रे वाटे दुवा करु,
मारु हुकुम जु छे की जसु मे तुंद्रे सी परम करलु, तसा तुहुंं बी एक दीसरा सी परम करता रवजु।
आंबा-सांबा परम करनु छुड़ीन दीसरी काहली बी वातेन करजा वाळा नी हवणु चाहजे; काहाकी जु दीसरा काजे परम करे, चु मुसान कायदा काजे पाळी लेदलु छे।
आपणे मां सी जतरा बी जणा छे आपणे धड़े वाळा काजे हेरी भलाय वाटे खुसी करे की चु अगु बड़े।
जो काय करु चो परम सी करु।
ने मालीक असु करे की जसा हामु तुंद्रे सी परम कर्या तसात तुंद्रा परम बी तुंद्रे मां ने आखा माणसे साते अधे, ने बड़तो जाय,
तुहुंं ईसु मसी मां भाय-बहणस्या छे, हेरेसी एक दीसरा सी परम करता रहु। जे माणसे तुंद्रे घर आवे, तींद्री मेजवानी करनु घुण भुलु; काहाकी थुड़ाक जणा अंजाण्या माणसेन मेजवानी कर्या, ने अळी तीनुक मालम पड़्यो की, हामु ते जाणे बीगुर भगवानेन सरग वाळा चाकर्यान मेजवानी कर देदला। हामु बी जेल मां छे, असो समजीन ईसु पर भुरसु करन्या केदड़ान मदत करने घुण ईसेरजु। ने हामरो डील बी दुख झेलन्योत छे समजीन ईसु पर भुरसु करन्या काजे, दीसरा माणसे वेला पाड़े, ती तींद्री मदत करने घुण ईसेरजु।
मुसान नेम मां असो लिखलो छे, तु तार साते वाळाक तारेन तसुत परम कर। जु नेम कायदु आखाम मटु छे करीन आपणु राजा ईसु सीकाड़लु छे। कदी तुहुंं जु नेम कायदु पाळु ती तुहुंं वारलुत कर र्या।
आखाम ती आखा सी वारु वात जी छे की एक दीसरा सी जादा परम राखु; काहाकी परम काय पाप काजे ढाक देय।
हेरेसी भगवान तुहुंंक आपसा चुखला ने लाटेक्ला असामी बणावणे करीन नेवाड़ लेदलु छे। अतरे तुहुंं गीणाका दयाळा, नीचळा, सेळुजीव राखण्या ने गम खाण्या बणु। तुंद्रे ईचमां काहनी बी वातेन लड़ाय हय जाय, ती एक दीसरान वात काजे वेठ लेजु, ने एक दीसराक माफ कर देजु; जसु मालीक ईसु आपणु गुनु माफ कर्यु तसात तुहुंं बी दीसराक माफी आपु। ने जी आखी वात मानीन आंबा-सांबा दयाळु वेहवार करु, काहाकी परम आखाम एक्कु लावीन आखाक पुरा-पुरा पाक्का करे। तुहुंं आखा एकुत डीलेन भाग छे, ज ईसुन डील छे; ने एक दीसरा पुठ्ये हेळी-मेळीन सांती मां जीवणे करीन भगवान तुहुंंक बुलावलु छे। ने ईसुन सी जड़नी सुक-सांतीन साहरे तुंद्रा मनेन वीच्यार काजे कब्जाम राखीन भेळा रहु। ने तुहुंं भगवान काजे बेसकु वारु छे कह्ता रहु।
काहाकी जु खबर तुहुंं सुरु सी सामळ्या, चो ज्य छे, की हामु एक दीसरा सी परम राखजे।
जु कुय आपणा भायस सी कुहराय राखे, चु हत्यारु छे; ने तुहुंं जाणु, की काहालाक हत्यारा मां जलमेन जीवन नी रवे। हामु परम हेरेसी जाण्या, की मसी आपणे वाटे आपसान जीव आप देदु; ने हामुक बी भायस्यो वाटे जीव आपणु चाहजे।
हामु परम हेरेसी जाण्या, की मसी आपणे वाटे आपसान जीव आप देदु; ने हामुक बी भायस्यो वाटे जीव आपणु चाहजे।
ए लाटेक्ला साथी, आपणु एक दीसरा सी परम राखु; काहाकी परम भगवान सी छे ने जु कुय परम करे, चु भगवान सी पयदा हयु, ने भगवान काजे जाणु। जु परम नी राखे चु भगवान काजे नी जाणे, काहाकी भगवान परम छे।