Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Ya palna-u ni Jisus sa pagginawa sa manga po-on
"Kya-ede-an mayu uman ya paglongun na eped na utaw: ‘Ginawayi ya kanmu manga ubaybay aw dumutan mu ya kanmu manga po-on.’
"Manang ini ya kanak paglongun kamayu: Ginawayi mayu baling ya kamayu manga po-on, aw panawagtawagi mayu adti Tyumanem ya manga nyamulayam kamayu.
Ini ya kanak suguꞌ: Paggaginawa͡ay kamu kasiling na pagginawa ku kamayu.
Ya pagginawa tadun sa kanaten eped
Kun awun utang aw beles tadun, maksay naten bayadan. Manang ya sambuk na utang na diliꞌ kabayadan, yan ya paggaginawa͡ay tadun. Kay ya gyuminawa sa eped nan nyakatuman sa kadég na suguꞌ na awun ni Uldin.
Manang anenganengen tadun uman ya makakadyaw kanilan, pada magkabagseg ya kanilan pagpangintu-u.
Aw pangkay unu ya imo-un mayu, paggaginawa͡ay kamu.
Aw to-o pa nan galu dugangan ya pagginawa mayu sa kamayu manga inulug na nyangintu-u aw sa kadég na utaw, kasiling na pagginawa nami kamayu.
Ya imo-unun na makatutuk sa Tyumanem
Kay manga inulug na nyangintu-u kan Kristu, padelega ya paggaginawa͡ay mayu.
Diliꞌ mayu pagkalingawan ya pagpamasa sa manga utaw na maka-ibwang dun ni kamayu. Kay awun utaw na nyamasa sa manga nyaka-ibwang kanilan aw walaꞌ nilan ka-ede-i na ya nyibwang kanilan manga anghil kadiꞌ na Tyumanem.
Aw diliꞌ mayu pagkalingawan ya manga eped mayu na mangintu-uway na kenneꞌ nyakalabusu. Tabangi mayu silan kasiling na kamu uman ya nyakalabusu. Aw tabangi uman ya manga eped mayu na pigpamulayaman kasiling na kamu uman ya pigpamulayaman. Bati-en mayu galu ya kasiling na pigbatiꞌ nilan.
Kun pigdalug mayu ya matas na suguꞌ dun ni Uldin na pigpasulat na Tyumanem asini muna na maglong: "Ginawayi ya eped mu kasiling na pagginawa mu sa kanmu pagka-utawun," madyaw ya pig-imoꞌ mayu.
Aw yan ya to-o mayu tibagsegi ya paggaginawa͡ay. Kay kun to-o tadun pigginawa͡an ya kanaten manga eped, pasinsiya͡an tadun sa pig-imoꞌ nilan kanaten na malatay.
Pigpamalliꞌ da kamu na Tyumanem, aw pigtani la kamu nan aw pigginawa͡an. Yanagaw ka-ilangan imo-un mayu ya maynini: Pagkallatan mayu ya kamayu manga eped, aw pagtabangan mayu silan. Pagpadalem kamu, aw pakadyawa ya eped mayu. Tageni ya kamayu kadaman, aw magtati-isay kamu. Kun awun diklamu mayu sa kamayu eped, magpasinsiya͡ay kamu baling. Kay piglanas da ni Kristu ya manga salaꞌ mayu, yanagaw pasinsiyayi uman ya kamayu eped. Aw ya to-o ka-ilangan, yan ya kamayu paggaginawa͡ay, kay yan ya magpa-iganget sa kadég yeiy pada gayed magkasambuk ya kamayu anenganeng. Aw tumbayan na ya kalinaw na pig-atag ni Kristu kamayu, yan ya maggagad sa kamayu anenganeng. Kay pigtawag da kamu nan pada ma-imoꞌ da sambuk na lawas na yan ya manga mangintu-uway. Aw gayed kamu pagpasalamat adti kanan.
Ya paggaginawa͡ay na mangayseꞌ na Tyumanem
Ini saba ya palna-u na dyengeg mayu lekat pa na bagu kamu nyangintu-u kan Kristu: Ka-ilangan na maggaginawa͡ay kitadun.
Ya utaw na migdumut sa eped nan, kasiling sakanan na migpatay sa utaw. Aw nya-edeꞌ kitadun na ya utaw na migpatay sa eped na utaw, walaꞌ dun ni kanan ya ginawa na walaꞌ ya katigkasan.
Maynini ya pagka-edeꞌ tadun sa tengteng na pagginawa: Migpakamatay si Jisu-Kristu asuntu sa manga salaꞌ tadun. Aw yeiy ya du-an na tumabang kitadun sa kanaten manga inulug pangkay pa adti pagkamatay.
Maynini ya pagka-edeꞌ tadun sa tengteng na pagginawa: Migpakamatay si Jisu-Kristu asuntu sa manga salaꞌ tadun. Aw yeiy ya du-an na tumabang kitadun sa kanaten manga inulug pangkay pa adti pagkamatay.
Ya Tyumanem yan ya lyekatan sa paggaginawa͡ay
Kay manga inulug ku na pigginawa͡an, maggaginawa͡ay kitadun, kay ya paggaginawa͡ay lekat saba adti Tyumanem. Pangkay singalan ya gyuminawa sa eped nan, yeiy ya magmatinaw na iseꞌ da sakanan na Tyumanem aw tengteng nan kya-ede-an ya Tyumanem. Manang ya utaw na walaꞌ ya pagginawa sa eped nan, yan ya magmatinaw na walaꞌ nan ka-ede-i ya Tyumanem. Kay ya bet na Tyumanem gayed nan pagginawa͡an ya utaw.