Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"Ndufo emekop ke ekebo, ‘Ma mbọhọidʌñ mfo nyʌñ sua awo usua mfo.’ Ado ami ibo ndufo, ima mme asua ndufo inyʌñ ibọñ akam inọ mbon i-ikọbọke ndufo,
Mbed mmi ado ami: Ima emọ-emọ naña ami ima ndufo.
Inaaha awo ndomokeed akamaisọn, ibọhọke isọn adika iso mma emọ-emọ, sia awo akeedodo a-amaaha awo mfen a-anịm afịd mbed.
Ñnyịn keedekeed akpena inam esịd anem mme mbọhọidʌñ ñnyịn ke adiyem ufọn ammọ ye adisọọñọ ammọ idem ke mbuọdidem.
Inam afịd ñkpọ ke ima.
Yak Abasi anam ima ndufo aka iso atọt anyʌñ ayọhọ aduọi anọ emọ-emọ ye afịd mbon mfen ñko, kpa naña ñnyịn inie ima inọọ ndufo.
Ikaa iso idumakka emọ-emọ nte nditọeka ke Krais. Ikiitre adikama isenawo, sia ke adinam ntoro mme awo emaekama mme enyere isen ke unana adidiọọñọ. Itoiyo mbon e-ebaaha ke ufọk ñkpakọb nte akpedo ndufo ekeene ammọ eba ke ñkpakọb, ye mbon e-ebọọhọ ndutʌhọ nte ndufo ke idem ndufo ekpebaaha ke ukuud.
Adieke ndufo etʌmmọ enịm mbed a-ndufo ekịtte ke ñwed Abasi, "Ma mbọhọidʌñ mfo nte idem mfo," emenam se ido adinen.
Ke akanna ado, inie ataa ima inọ keed ye aken, sia ima afọfʌk uwak idiọọkñkpọ.
Ke ntoro, nte mbon A-Abasi amekke anọ idem amọ, ndisana ye ataa ndima, iben mbọm, mfọnido, ye nsuukidem isịne ke idem, ye ifuuro-ifuuro ido ye ime. Iyọ ye emọ-emọ inyʌñ ifeen inọ emọ-emọ adieke awo ndufo ndomokeed anieghe mfịna ye awo mfen. Ifeen inọ awo kpa naña Abọọñ akefeen inọọ ndufo. Ndin ke akanna afịd mme nti ido ami, isịne ima, a-abọppọ afịd ammọ adian keed ke usʌñ a-afọnnọ ama.
Yak emem Krais akara ke esịd ndufo, sia nte mbaak idem ke idem keed ekikoot ndufo enọ emem. Ndin inie esịd ekọọm.
Sia ami ado etob a-ndufo ekebọọhọ tọọñọ ke editọọñọ: Akpena ñnyịn ima emọ-emọ.
Awo akeedodo a-asuaha ayịneka amọ ke Krais ado awodawo. Ndin ndufo emediọọñọ ke awodawo ndomokeed inieghe nsi-nsi uwem ke idem amọ.
Ñnyịn idat ami idiọọñọ ima Abasi: Yisọs Krais amaayaak uwem amọ anọ ke ntak ñnyịn. Ñnyịn ñko, akpena iyaak uwem ñnyịn inọ ke ntak nditọeka ñnyịn ke Krais.
Ñnyịn idat ami idiọọñọ ima Abasi: Yisọs Krais amaayaak uwem amọ anọ ke ntak ñnyịn. Ñnyịn ñko, akpena iyaak uwem ñnyịn inọ ke ntak nditọeka ñnyịn ke Krais.
Mme ndima ufan, yak ñnyịn ima emọ-emọ, sia ima ato Abasi. Awo akeedodo a-anieghe ima amana ato Abasi anyʌñ adiọọñọ Abasi. Awo akeedodo i-imiinieghe ima idiọọñọke Abasi, sia Abasi ado ima.