Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
ದುಸ್ಮಾನಾಂಚ್ಯಾ ವರ್ತಿ ಪ್ರೆಮ್
"ತುಮ್ಚ್ಯಾ ದೊಸ್ತಾಂಚೊ ಪ್ರೆಮ್ ಕರ್ ಅನಿ ತುಮ್ಚ್ಯಾ ದುಸ್ಮನಾಕ್ನಿ ಬರೆ ಕರುನಕಾಸಿ ಮನುನ್ ಸಾಂಗಲ್ಲೆ ತುಮಿ ಆಯಿಕ್ಲ್ಯಾಶಿ; ಖರೆ ಅತ್ತಾ ಮಿಯಾ ತುಮ್ಕಾ ಸಾಂಗ್ತಾ: ತುಮ್ಚ್ಯಾ ದುಸ್ಮನಾಚೊ ಪ್ರೆಮ್ ಕರಾ, ಅನಿ ತುಮ್ಕಾ ತರಾಸ್ ದಿತಲ್ಯಾಚ್ಯಾಸಾಟ್ನಿ ಮಾಗ್ನಿ ಕರಾ.
ಹ್ಯೊ ಮಾಜೊ ಖಾಯ್ದೊ, ಕಶೆ ಮಿಯಾ ತುಮ್ಚೊ ಪ್ರೆಮ್ ಕರ್ಲೊ ತಶೆ ತುಮಿಬಿ ಎಕಾಮೆಕಾಚೊ ಪ್ರೆಮ್ ಕರಾ.
ಎಕಮೆಕಾಂಚ್ಯಾ ಮದ್ದಿ ಕರ್ತಲಿ ಕಾಮಾ
ಎಕಾಮೆಕಾಚೊ ಪ್ರೆಮ್ ಕರುಚೊ -ಮನ್ತಲ್ಯಾ ಹ್ಯಾ ಎಕುಚ್ ಎಕ್ ರಿನಾತ್ ಸೊಡುನ್ ಕೊನಾಚ್ಯಾಬಿ ಕಸ್ಲ್ಯಾಬಿ ರಿನಾತ್ ರ್ಹಾವ್ನಕಾಶಿ. ಕಶ್ಯಾಕ್ ಮಟ್ಲ್ಯಾರ್, ಜೊ ಕೊನ್ ಎಕಾಮೆಕಾಚೊ ಪ್ರೆಮ್ ಕರ್ತಾ ತೊ ಸಗ್ಳೆ ಖಾಯ್ದೆ ಫಾಳ್ತಾ.
ಹೆಚ್ಯಾ ಬದ್ಲಾಕ್ ಹರಿ ಎಕ್ಲ್ಯಾನಿ ಅಪ್ನಾ- ಅಪ್ನಾಚ್ಯಾ ವಾಂಗುಡ್ಚ್ಯಾ ವಿಶ್ವಾಸಾತ್ ಹೊತ್ತ್ಯಾ ಭಾವಾಂಚ್ಯಾ ವಿಶಯಾತ್ ಚಿಂತುನ್, ತೆಚ್ಯಾ ಬರೆಪಾನಾಸಾಟಿ ಅನಿ ತೆಚೊ ವಿಶ್ವಾಸ್ ಘಟ್ ಹೊಯ್ ಸರ್ಕೆ ಕರುಕ್ ಬಗುಚೆ.
ತುಮಿ ಕರ್ತಲೆ ಸಗ್ಳೆ ಪ್ರೆಮಾನಿ ಕರಾ.
ಕಸೊ ಅಮ್ಚೊ ಪ್ರೆಮ್ ತುಮ್ಚ್ಯಾ ಮದ್ದಿ ಭರುನ್ ವೊತುಕ್ ಲಾಗ್ಲಾ, ತಸೆಚ್ ತುಮ್ಚೊ ಪ್ರೆಮ್ಬಿ ಎಕಾಮೆಕಾತ್ನಿ ಅನಿ ಸಗ್ಳ್ಯಾ ಲೊಕಾತ್ನಿ, ಭರುನ್ ವೊತಿ ಸಾರ್ಕೊ ರ್ಹಾಂವ್ದಿತ್ ಅನಿ ಧನಿಚ್ ತೊ ಪ್ರೆಮ್ ತುಮ್ಚ್ಯಾ ಮದ್ದಿ ಭರುಂದಿತ್.
ದೆವಾಕ್ ಮೆಚ್ಸುಂವಾ
ಕ್ರಿಸ್ತಾತ್ ಭಾವಾ ಅನಿ ಭೆನಿಯಾಂಚ್ಯಾ ಸಾರ್ಕೆ ಎಕೆಮೆಕಾಚೊ ಪ್ರೆಮ್ ಕರ್ತಲೆ ಸೊಡುನಕಾಶಿ. ತುಮ್ಚ್ಯಾ ದಾರಾಕ್ನಿ ಬಡ್ವುತಲ್ಯಾಕ್ನಿ ಸ್ವಾಗತ್ ಕರುಕ್ ಇಸ್ರುನಕಾಶಿ, ಕಶ್ಯಾಕ್ ಮಟ್ಲ್ಯಾರ್, ಅಶೆ ಸ್ವಾಗತ್ ಕರುನ್ ಲೈ ಲೊಕಾನಿ ಗೊತ್ತ್ ನಸ್ತಾನಾ ದೆವಾಚ್ಯಾ ದುತಾಂಚಿಚ್ ಸೆವಾ ಕರ್ಲ್ಯಾನಾತ್. ಬಂಧಿಖಾನ್ಯಾತ್ ಹೊತ್ತ್ಯಾಂಚಿ ಯಾದ್ ಥವಾ; ತೆಂಚ್ಯಾ ವಾಂಗ್ಡಾ ತುಮಿಬಿ ಬಂಧಿಖಾನ್ಯಾತ್ ಹಾಶಿ ಮನುನ್ ಚಿಂತಾ, ತರಾಸಾತ್ ಪಡಲ್ಲ್ಯಾಂಚಿ ಯಾದ್ ಕರಾ, ತೆಂಚೆ ವರ್ತಿ ಯೆಲ್ಲ್ಯಾ ಸಾರ್ಕೆ ಕಸ್ಟಾ ಸಂಕಟಾ ತುಮ್ಚ್ಯಾ ವರ್ತಿಬಿ ಯೆತಿಲ್ ಮನುನ್ ಚಿಂತಾ.
ತಿಯಾ ತುಜೊಚ್ ಪ್ರೆಮ್ ಕರಲ್ಲ್ಯಾ ಸಾರ್ಕೆ, ಸೆಜಾರ್ಯಾಚೊಬಿ ಪ್ರೆಮ್ ಕರ್. ಮನ್ತಲ್ಯಾ ಪವಿತ್ರ್ ಪುಸ್ತಕಾತ್ಲ್ಯಾ ಹುಕುಮಾ ಸಾರ್ಕೆ ಖಾಲ್ತಿ ಹೊವ್ನ್ ಚಲುಕ್ ಲಾಗ್ಲ್ಯಾಶಿ ಜಾಲ್ಯಾರ್, ತುಮಿ ಸಮಾ ಹೊತ್ತೆಚ್ ಕರುಕ್ ಲಾಗ್ಲ್ಯಾಸಿ.
ಸಗ್ಳ್ಯಾನ್ ಅದ್ದಿ ತುಮಿ ಪಾಟಿ ಫಿಡೆ ಬಗಿನಸ್ತಾನಾ ಎಕಾಮೆಕಾಕ್ ಪ್ರೆಮ್ ಕರುಚೆ, ಕಶ್ಯಾಕ್ ಮಟ್ಲ್ಯಾರ್, ಪ್ರೆಮ್ ಲೈ ಪಾಪಾಕ್ನಿ ಧಾಪ್ತಾ.
ದೆವಾನ್ ತುಮ್ಕಾ ಅಪ್ನಾಚ್ಯಾ ಸ್ವತಾಕ್ ಮನುನ್ ಎಚುನ್ ಘೆಟ್ಲಾ, ಅನಿ ತುಮ್ಕಾ ಅಪ್ಲಿ ಪವಿತ್ರ್ ಲೊಕಾ ಕರ್ಲಾ. ತೊ ತುಮ್ಚೊ ಪ್ರೆಮ್ ಕರ್ತಾ. ಅಶೆ ರಾತಾನಾ ಕಾಳ್ಜಿ, ದಯಾ, ಖಾಲ್ತಿ ಹೊವ್ನ್ ಚಲ್ತಲೆ, ಥಂಡಪಾನ್, ಸೊಸುನ್ ಘೆತಲೊ ಮನ್, ಹ್ಯಾ ಸಗ್ಳ್ಯಾ ಬರ್ಯಾ ಗುನಾನಿ ತುಮ್ಕಾ ತುಮಿ ಭರುನ್ ಘೆವಾ. ಎಕಾಮೆಕಾಕ್ ಸೊಸುನ್ ಘೆವಾ, ದುಸ್ರಾಂಚ್ಯಾ ವಿಶಯಾತ್ ಚುಕ್ ಸಾಂಗ್ತಲೆ ತುಮ್ಚ್ಯಾಕ್ಡೆ ರ್ಹಾಲ್ಯಾರ್ಬಿ, ಧನಿಯಾನ್ ತುಮ್ಕಾ ಮಾಪ್ ಕರಲ್ಲ್ಯಾಸಾಟ್ನಿ ತುಮಿಬಿ ಎಕಾಮೆಕಾಚಿ ಚುಕ್ ಮಾಪ್ ಕರಾ. ಸಗ್ಳ್ಯಾಂಚ್ಯಾಕಿಂತಾ ಲೈ ಕರುನ್ ತುಮ್ಚ್ಯಾಕ್ಡೆ ಪ್ರೆಮ್ ರ್ಹಾಂವ್ದಿತ್, ಪ್ರೆಮ್ ತುಮ್ಕಾ ಸಗ್ಳ್ಯಾಕ್ನಿ ಫುರಾ ಎಕ್ವಟ್ಟಾನ್ ಥವ್ತಾ. ಕ್ರಿಸ್ತ್ ದಿತಲೆ ಶಾಂತ್ಪಾನ್, ತುಮ್ಚ್ಯಾ ಚಿಂತ್ಪಾಕ್ನಿ ಹತೊಟಿತ್ ಥವ್ನ್ ಘೆಂವ್ದಿತ್, ತುಮಿ ಸಗ್ಳೆ ಎಕುಚ್ ಆಂಗಾಕ್ ಮಿಳಲ್ಲೆ ಹೊಲ್ಲ್ಯಾಸಾಟ್ನಿ, ಶಾಂತ್ಪಾನಾನ್ ರ್ಹಾವ್ಕ್ ಬಲ್ವುನ್ ಹೊಲ್ಯಾಸಿ, ಸದಾ ಸರ್ವತಾಕ್ ಧನ್ಯಾವಾದ್ ದಿತಲೆ ಹೊವ್ನ್ ರ್ಹಾವಾ.
ಎಕಾಮೆಕಾಚೊ ಪ್ರೆಮ್
ತುಮಿ ಎಕಾಮೆಕಾಕ್ ಪ್ರೆಮ್ ಕರುಚೆ, ಹಿಚ್ ಅದ್ದಿಚ್ಯಾನುಚ್ ಆಯ್ಕುನ್ಗೆತ್ ಯೆಲ್ಲಿ ಬರಿ ಖಬರ್.
ಅಪ್ನಾಚ್ಯಾ ಭಾವಾಚ್ಯಾ ಅನಿ ಭೆನಿಚ್ಯಾ ವಿರೊದ್ ಕರ್ತಲೊ ಹರಿ ಎಕ್ಲೊಬಿ ಖುನಿಗಾರ್ ಹೊವ್ನ್ ರ್ಹಾತಾ. ಅನಿ ಖುನಿಗಾರಾಚ್ಯಾ ಭುತ್ತುರ್ ಕನ್ನಾಚ್ ಮರಾನ್ ನಸಲ್ಲೆ ಜಿವನ್ ರ್ಹಾಯ್ನಾ ಮನುನ್ ತುಮ್ಕಾ ಗೊತ್ತ್ ಹಾಯ್. ಕ್ರಿಸ್ತಾನ್ ಅಮ್ಚ್ಯಾಸಾಟ್ನಿ ಜಿವ್ ದಿಲ್ಲ್ಯಾ ವೈನಾ ದೆವಾಚೊ ಪ್ರೆಮ್ ಕಸ್ಲೊ ಮನುನ್ ಅಮ್ಕಾ ಕಳ್ತಾ, ತನ್ನಾ ಅಮ್ಚ್ಯಾ ಭಾವಾಚ್ಯಾ ಅನಿ ಭೆನಿಚ್ಯಾಸಾಟ್ನಿ ಅಮಿಬಿ ಅಮ್ಚೊ ಜಿವ್ ದಿವ್ಕ್ ಪಾಜೆ.
ಕ್ರಿಸ್ತಾನ್ ಅಮ್ಚ್ಯಾಸಾಟ್ನಿ ಜಿವ್ ದಿಲ್ಲ್ಯಾ ವೈನಾ ದೆವಾಚೊ ಪ್ರೆಮ್ ಕಸ್ಲೊ ಮನುನ್ ಅಮ್ಕಾ ಕಳ್ತಾ, ತನ್ನಾ ಅಮ್ಚ್ಯಾ ಭಾವಾಚ್ಯಾ ಅನಿ ಭೆನಿಚ್ಯಾಸಾಟ್ನಿ ಅಮಿಬಿ ಅಮ್ಚೊ ಜಿವ್ ದಿವ್ಕ್ ಪಾಜೆ.
ದೆವ್ ಮಟ್ಲ್ಯಾರ್ ಪ್ರೆಮ್
ಪ್ರಿತಿಚ್ಯಾನು, ಅಮಿ ಎಕಾಮೆಕಾಕ್ ಪ್ರೆಮ್ ಕರುಂವಾ; ಕಶ್ಯಾಕ್ ಮಟ್ಲ್ಯಾರ್ ಪ್ರೆಮ್ ದೆವಾಕ್ನಾ ಯೆತಾ, ಜೆ ಕೊನ್ ಪ್ರೆಮ್ ಕರ್ತಾ ತೊ ದೆವಾಚೊ ಪೊರ್ ಅನಿ ತೊ ದೆವಾಕ್ ವಳಕ್ತಾ . ಪ್ರೆಮ್ ಕರಿನಸಲ್ಲೊ ದೆವಾಕ್ ಒಳ್ಕಿನಾ, ಕಶ್ಯಾಕ್ ಮಟ್ಲ್ಯಾರ್ ದೆವುಚ್ ಪ್ರೆಮಾಚೊ ರುಪ್ ಹೊವ್ನ್ ಹಾಯ್ .