ಒಬದ್ಯ 1

1 ಒಬದಿಯಾನ್ ಬಗಟಲ್ಲೆ ಸರ್ವೆಸ್ಪರಾಚೆ ದರ್ಶನ್, ಎದೊಮ್ ದೆಶಾಚ್ಯಾ ವಿಶಯಾತ್ ಸರ್ವೆಸ್ಪರ್ ದೆವ್ ಅಸೆ ಮನ್ತಾ.

ಸರ್ವೆಸ್ಪರ್ ದೊಮಾಕ್ ಶಿಕ್ಷಾ ದಿತಲೆ

ಸರ್ವೆಸ್ಪರಾಕ್ನಾ ಯೆಲ್ಲಿ ಖಬರ್ ಅಮಿ ಆಯಿಕ್ಲಾಂವ್, ತೆನಿ ಧುತ್ಯಾಚ್ಯಾ ವೈನಾ ದೆಸಾಕ್ನಿ ಅಸೆ ಸಾಂಗುನ್ ಧಾಡ್ಲಾ:

"ಜಾವಾ, ಎದೊಮಾಚ್ಯಾ ವರ್‍ತಿ ಝಗ್ಡೊ ಕರುಕ್ ಜಾಂವಾ".

2 "ಎದೊಮಾ, ಅಬಕ್,

ತುಕಾ ಕಳಿನಸಲ್ಲ್ಯಾ ದೆಶಾಂಚ್ಯಾನ್ಕಿಬಿ ಕಮಿಚೊ ಕರ್‍ತಾ.

ತಿಯಾ ತಿರಸ್ಕಾರಾಕ್ ಗುರಿ ಹೊಲೆ.

3 ತುಜ್ಯಾ ಘಮಂಡಿನ್ ತುಕಾ ಪಶ್ವುಲಾ." ಲೈ ವೈಲ್ಯಾ ಜಾಗ್ಯಾವರ್‍ತಿ ವಸ್ತಿ ಹಾಯ್; ಗುಂಡ್ಯಾಂಚ್ಯಾ ಖಾಚಿಯಾತ್ನಿ ಘಟ್ ಹಾಯ್; ಮಾಕಾ ಜಿಮ್ನಿಕ್ ಉತ್ರುಕ್ ಲಾವ್ನಾರೊ ಕೊನ್? ಮನುನ್ಗೆತ್ ಹಾಸ್.

4 ಘಾರ್ ಕೆವ್ಡೆ ವರ್‍ತಿ ಹುಡ್ತಾ ತವ್ಡೆ ವರ್‍ತಿ ತಿಯಾ ಹುಡಿತ್ ರಾಲ್ಯಾರ್ಬಿ,

ಚಿಕ್ಕಿಯಾಂಚ್ಯಾ ಮಂಡಳಾತ್ ರಾಲ್ಯಾರ್ಬಿ,

ಥೈತ್ನಾ ತುಕಾ ಉತ್ರುಕ್ ಲಾವ್ನಾರ್, ಮನ್ತಾ ಸರ್ವೆಸ್ಪರ್.

5 ತುಜ್ಯಾಕ್ಡೆ ಚೊರಾ ಹೊಂವ್ದಿತ್ ರಾತ್ತಿನ್ ಲುಟ್ನಾರೆ ಹೊಂವ್ದಿತ್ ಯೆಲ್ಯಾರ್

ತೆನಿ ಅಪ್ನಾಕ್ ಪಾಜೆ ಹೊಲ್ಲೆ ತವ್ಡೆಚ್ ಘೆವ್ನ್ ಜಾಯ್ ಹೊತ್ತೆ ನ್ಹಯ್?

6 ಖರೆ ಎಸಾವಾಚಿ ಸಗ್ಳಿ ಆಸ್ತಿ ಫುರಾ ಲುಟ್ ಹೊಲಾ.

7 ತುಜ್ಯಾ ವಾಂಗ್ಡಿಯಾನಿಚ್ ತುಕಾ ಫಾಟ್ ಲಾಗ್ಲಾತ್.

ತುಕಾ ಗಡಿಚ್ಯಾ ಭಾಯ್ರ್ ಡಕ್ಲುನ್ ಟಾಕ್ಲಾತ್.

ತುಜ್ಯಾ ಪಾಜೆ ಹೊಲ್ಲ್ಯಾ ಲೊಕಾನಿಚ್ ತುಕಾ ಪಶ್ವುನ್ ಹಾರ್ವುಲಾತ್.

ತುಜೊ ಅನ್ನ್ ಖಲ್ಲ್ಯಾ ಲೊಕಾನಿಚ್ ಕಳಿನಸ್ತಾನಾ ತುಕಾ ಪಾಸೊ ಘಾಟ್ಲಾತ್.

8 ಸರ್ವೆಸ್ಪರ್ ಅಸೊ ಮನ್ತಾ,

ತ್ಯಾ ದಿಸಿ ಎದೊಮಾಚ್ಯಾ ಶಾನ್ಯಾ ಮಾನ್ಸಾಕ್ನಿ

ಎಸಾವಾಚ್ಯಾ ಮಡ್ಡಿಚ್ಯಾ ಬುದ್ವಂತಾಕ್ನಿ ಮಿಯಾ ನಾಶ್ ಕರಿನಸ್ತಾನಾ ಸೊಡ್ತಾ ಕಾಯ್?

9 ತೆಮಾನ್ ಗಾಂವಾ, ತುಜಿ ಝಗ್ಡ್ಯಾಚಿ ಸೈನಿಕಾ ಘಾಬರ್‍ತಾತ್;

ಎಸಾವಾಚ್ಯಾ ಮಡ್ಡಿಯಾತ್ನಿ ರ್‍ಹಾತಲಿ ಸಗ್ಳಿ ಲೊಕಾ ಮರ್‍ತಾತ್.

ಎದೊಮಾಚ್ಯಾ ಶಿಕ್ಷಾಕ್ ಕಾರನಾ

10 "ತುಜೊ ಭಾವ್ ಜಾಕೊಬಾಚ್ಯಾ ವಿರೊಧ್ ಹೊವ್ನ್ ಅಪ್ನಿ ಕರಲ್ಲ್ಯಾ ಬುರ್ಸ್ಯಾ ಕಾಮಾಕ್ನಿ ತಿಯಾ ಅವ್ಮಾನಾಕ್ ಗಾವ್ಸಿಲ್.

ಶಾಶ್ವತ್ ನಾಸಾಕ್ ಪಡ್ಸಿಲ್.

11 ತುಜ್ಯಾ ಭಾವಾಚಿ ಆಸ್ತಿ ಚೊರಲ್ಲ್ಯಾ ದಿಸಿ ತಿಯಾ ಘಟ್ ಇಬೆ ರಾವ್ನ್ ಬಗಿತ್ ಹೊತ್ತೆ.

ದುಶ್ರ್ಯಾ ದೆಶಾಚಿ ಲೊಕಾ ತೆಜ್ಯಾ ಶಾರಾಂಚ್ಯಾ ಯೆಸಿತ್ ಗುಸುನ್

ಜರುಜಲೆಮಾಚ್ಯಾ ಆಸ್ತಿ ಸಾಟ್ನಿ ಚಿಟ್ ಘಾಟಲ್ಲ್ಯಾ ದಿಸಿ ತಿಯಾಬಿ ತೆಂಚ್ಯಾ ಗತಿನ್ ಹೊತ್ತೆ.

12 ತುಜ್ಯಾ ಭಾವಾಚ್ಯಾ ಬುರ್ಸ್ಯಾ ದಿಸಿ, ತಿಯಾ ಗಪ್ ಬಗುನ್ಗೆತ್ ಇಬೆ ರ್‍ಹಾತಲೆ ನತ್ತೆ,

ಜುದಾಚ್ಯಾ ಲೊಕಾಂಚ್ಯಾ ನಾಸಾತ್ ಖುಶಿ ಹೊತಲೆ ನತ್ತೆ.

ತೆಂಚ್ಯಾ ತರಾಸಾತ್ ತಿಯಾ ಬಡಾಯ್ ಕರ್‍ತಲೆ ನತ್ತೆ.

13 ಮಾಜ್ಯಾ ಲೊಕಾಂಚ್ಯಾ ತರಾಸಾಚ್ಯಾ ಎಳಾರ್ ತಿಯಾ ತೆಂಚ್ಯಾ ಶಾರಾಚ್ಯಾ ಯೆಸಿತ್ ಗುಸ್ತಲೆ ನತ್ತೆ.

ತೆಂಚ್ಯಾ ಆಸ್ತಿಕ್ ತಿಯಾ ಹಾತ್ ಘಾಲ್ತಲೆ ನತ್ತೆ.

14 ಚಕ್ವುನ್ ಘೆವ್ನ್ ಜಾತಲ್ಯಾ ತೆಂಕಾ ಜಿವ್ ಕಾಡುಕ್ ಸಾಟ್ನಿ ಕತ್ರಿಯಾತ್ನಿ ಇಬೆರ್‍ಹಾತಲೆ ನತ್ತೆ.

ಲೈ ತರಾಸಾಚ್ಯಾ ಎಳಾತ್ನಿ ಚುಕ್ವುನ್ ಘೆಟಲ್ಲ್ಯಾಕ್ನಿ ದುಶ್ಮನಾಚ್ಯಾ ಹಾತಿತ್ ಒಪ್ಸುನ್ ದಿತಲೆ ನಕ್ಕೊ ಹೊಲ್ಲೆ."

ದೆವ್ ದೆಸಾಕ್ನಿ ಇಚಾರ್‍ನಿ ಕರ್‍ತಾ

15 "ಸಗ್ಳ್ಯಾ ದೆಸಾಕ್ನಿಬಿ ಸರ್ವೆಸ್ಪರಾಚೊ ದಿಸ್ ಜಗ್ಗೊಳ್ ಯೆಲಾ.

ತಿಯಾ ಕರಲ್ಲೆಚ್ ತುಕಾಬಿ ಕರುನ್ ಹೊತಾ.

ತುಜೆ ಬುರ್ಸೆ ಕಾಮ್ ತುಜ್ಯಾ ಟಕ್ಲ್ಯಾರುಚ್ ಯೆತಾ.

16 ಮಾಜ್ಯಾ ಲೊಕಾನು, ಪವಿತ್ರ್ ಮಡ್ಡಿಚ್ಯಾ ವರ್‍ತಿ ಮಾಜ್ಯಾ ಶಿಕ್ಷಾಚೆ ಕೊಡು ಪಾನಿ ಫಿಲ್ಯಾಸಿ.

ತಸೆಚ್ ಸಗ್ಳ್ಯಾ ದೆಸಾಕ್ನಿಬಿ ಕೊಡು ಪಾನಿ ದಿವ್ನ್ ಹೊತಾ.

ಹೊಯ್, ಪರ್‍ತುನ್-ಪರ್‍ತುನ್ ಕೊಡುಪಾನಿ ಫಿವ್ನ್ ಝೊಲೆ ಮಾರ್‍ತಾತ್. ಆಕ್ರಿಕ್ ನಾ ಫತ್ತೊ ಹೊತಾತ್."

ಇಜ್ರಾಯೆಲಾಚಿ ಜಿಕ್

17 "ಖರೆ ಚುಕ್ವುನ್ ಘೆಟಲ್ಲಿ ಲೊಕಾ ಸಿಯೊನ್ ಮಡ್ಡಿಚ್ಯಾ ವರ್‍ತಿ ರ್‍ಹಾತಾತ್,

ತೊ ನಿತಳ್ ಕರಲ್ಲೊ ಜಾಗೊ ಮನ್ವುನ್ ಘೆತಾ.

ಜಾಕೊಬಾಚ್ಯಾ ಪಿಳ್ಗಿಚಿ ಲೊಕಾ ಅಪ್ನಾಚಿ ಸ್ವತಾಚಿ ಆಸ್ತಿ ಪರ್‍ತುನ್ ಅನ್ಬೊಗ್ ಕರ್‍ತಾತ್.

18 ಜಾಕೊಬಾಚಿ ಪಿಳ್ಗಿ ಆಗಿಚ್ಯಾ ಸಾರ್ಕಿ;

ಜುಜೆಚಿ ಪಿಳ್ಗಿ ಪೆಟ್ತಲ್ಯಾ ಆಗಿಚ್ಯಾ ಸಾರ್ಕಿ.

ಹೆ ದೊನಿಬಿ ಮಿಳುನ್ ಕುಳ್ಯಾಂಚ್ಯಾ ಸಾರ್ಕೆ ಹೊತ್ತ್ಯಾ ಎಸಾವಾಚ್ಯಾ ಪಿಳ್ಗಿಕ್ ಧಗ್-ಧಗ್ ಆಗ್ ಪೆಟುನ್ ಜಾಳ್ವುನ್ ಟಾಕ್ತಾತ್.

ಎಸಾವಾಚ್ಯಾ ಪಿಳ್ಗಿತ್ ಕೊನ್ಬಿ ಹುರಿನಾತ್." ಹಿ ಸರ್ವೆಸ್ಪರಾಚಿ ಗೊಸ್ಟ್.

19 "ತನ್ನಾ ನೆಗೆವಾಚಿ ಲೊಕಾ ಎಸಾವಾಚಿ ಮಡ್ಡಿ ಅಧಿನಾತ್ ಕರುನ್ ಘೆತಾತ್.

ಶೆಫೆಲ್ಹಾಚಿ ಲೊಕಾ ಫಿಲಿಸ್ತಿಯಾಕ್, ಅನಿ ಇಜ್ರಾಯೆಲಾಚಿ ಲೊಕಾ ಎಫ್ರಾಯಿಮ್ ಅನಿ ಸಮರ್ಯಾಚಿ ಜಿಮಿನ್ ಸ್ವತಾಚಿ ಕರುನ್ ಘೆತಾತ್.

ಬೆಂಜ್ಯಾಮಿನಾಚ್ಯಾ ಘರಾನ್ಯಾಚೆ ಗಿಲ್ಯಾದಾಕ್ ಸ್ವತಾಚೆ ಕರುನ್ಗೆತಾತ್.

20 ಬಂಧಿಖಾನ್ಯಾತ್ ಹೊತ್ತ್ಯಾ ಇಜ್ರಾಯೆಲಾಚ್ಯಾ ಲೊಕಾಂಚೊ ತಾಂಡೊ ಕಾನಾನ್ ದೆಸಾಕ್ ಜೆರಾಪಾತಿಚ್ಯಾ ಪತರ್ ಸ್ವತಾಚೆ ಕರುನ್ಗೆತಾತ್.

ಸೆಪಾರತ್ ಮನ್ತಲ್ಯಾಕ್ಡೆ ಬಂಧಿ ಹೊವ್ನ್ ಹೊತ್ತ್ಯಾ ಜೆರುಜಲೆಮಾಚಿ ಲೊಕಾ ನೆಗೆವಾಚಿ ಶಾರಾ ಸ್ವತಾಚೆ ಕರುನ್ ಘೆತಾತ್.

21 ಸುಟ್ಕಾ ಕರ್‍ನಾರೆ ಎಸಾವಾಚ್ಯಾ ಮಡ್ಡಿರ್ ರಾಜ್ವಡ್ಕಿ ಕರ್‍ತಾನಾ ಸಿಯೊನ್ ಮಡ್ಡಿರ್ ಚಡ್ತಾತ್.

ತನ್ನಾ ರಾಜ್ವಡ್ಕಿ ಸರ್ವೆಸ್ಪರಾಚಿಚ್ ಹೊವ್ನ್ ರ್‍ಹಾತಾ."