1 ಎಕ್ ದಿಸಿ ಅಮಿತ್ತ್ಯ್ ಚೊ ಲೆಕ್ ಜೊನಾಕ್, ಸರ್ವೆಸ್ಪರ್ ದೆವಾಚೆ ಧನ್ ಆಯಿಕ್ಲೆ, ತೆ ಕಾಯ್ ಮಟ್ಲ್ಯಾರ್: 2 ಉಟ್, ಅನಿ ನಿನಿವೆ ಶಾರಾಕ್ ಜಾವ್ನ್ ತ್ಯಾ ಸಗ್ಳ್ಯಾ ಲೊಕಾಕ್ನಿ ತೆಂಚ್ಯಾ ಬುರ್ಸ್ಯಾಪಾನಾಚಿ ಖಬರ್ ಮಾಜ್ಯಾ ಇದ್ರಾಕ್ ಯೆವ್ನ್ ಪಾವ್ಲಾ ಮನುನ್ ಸಾಂಗ್. 3 ಖರೆ ಜೊನಾ ಉಟುನ್ ಸರ್ವೆಸ್ಪರಾಚ್ಯಾ ಇದ್ರಾಕ್ನಾ ಪಳುನ್ ಜಾವ್ಕ್ ಸಾಟ್ನಿ ತಾರ್ಶಿಸಿಕ್ಡೆ ಗೆಲೊ. ತೊ ಸರ್ವೆಸ್ಪರಾಚ್ಯಾ ಇದ್ರಾಕ್ನಾ ಧುರ್ ಜಾವ್ಕ್ ಸಾಟ್ನಿ, ಜೊಪ್ಪಾಕ್ ಜಾವ್ನ್, ತಾರ್ಶಿಸಿಕ್ ಜಾತಲಿ ಢೊನ್ ಚಡುನ್, ಪರ್ಯಾನಾಚೆ ಪಯ್ಸೆ ದಿವ್ನ್ ಬಸ್ಲೊ.

4 ಅಶೆ ಢೊನ್ ಜಾವ್ನಗೆತ್ ರ್‍ಹಾತಾನಾ ಸರ್ವೆಸ್ಪರಾನ್ ಸಮುಂದರಾತ್ ಮೊಟ್ಟೊ ವಾರೊ ಉಟಿ ಸಾರ್ಕೊ ಕರ್‍ಲ್ಯಾನ್, ತ್ಯಾ ವಾರ್ಯಾ-ವಾದಾಳಾತ್ ಗಾವುನ್ ಢೊನ್ ಫುಟ್ತಾ ಸರ್ಕಿ ಹೊಲಿ. 5 ಢೊನ್ ಚಾಲ್ವುತಲಿ ಲೊಕಾ ಭಿಂಯ್ಯಾಲಿ, ಅನಿ ಅಪ್ಲ್ಯಾ-ಅಪ್ಲ್ಯಾ ದೆವಾಕ್ಡೆ ಕುಕ್ ಮಾರ್ಲ್ಯಾನಿ, ಢೊನಾಚೆ ವಜ್ಜೆ ಕಮಿ ಕರುಕ್ ಢೊನಾತ್ಲಿ ಸಾಮಾನಾ ಪಾನಿಯಾತ್ ಟಾಕ್ಲ್ಯಾನಿ, ಖರೆ ಜೊನಾ ಹಿಕ್ಡಿ ಢೊನಾತ್ ಖಾಯ್ಲ್ಯಾ ಭಾಜುಕ್ ಜಾವ್ನ್ ಘಟ್ ನಿಜಲ್ಲೊ.

6 ಢೊನ್ ಚಾಲ್ವುತಲ್ಯಾಂಚೊ ಮುಖಂಡ್ ಜೊನಾ ನಿಜಲ್ಯಾಕ್ಡೆ ಯೆವ್ನ್, ಜೊನಾಕ್ ಉಟ್ವುನ್ "ಅರೆ! ಅಶೆ ಕಶೆ ನಿಜ್ಲೆ ತಿಯಾ? ಉಟ್, ಅನಿ ತುಜ್ಯಾ ದೆವಾಕ್ಡೆ ಮಾಗ್ನಿಕರ್ ಖೈ ತರ್ ತುಜ್ಯಾ ದೆವಾನ್ ಅಮ್ಕಾ ಹ್ಯಾ ತರಾಸಾತ್ನಾ ಹುರ್ವಿಲ್" ಮಟ್ಲ್ಯಾನ್.

7 ತನ್ನಾ ಢೊನ್ ಚಾಲ್ವುತಲ್ಯಾನಿ ಎಕಾಮೆಕಾಕ್ ಹ್ಯೊ ತರಾಸ್ ಅಮ್ಚೆ ವರ್‍ತಿ ಯೆವ್ಕ್ ಕಾರನ್ ಕೊನ್ ಮನುನ್ ಚಿಟಿಯಾ ಕಾಡುನ್ ಬಗುಂವಾ ಮಟ್ಲ್ಯಾನಿ. ಅನಿ ಚಿಟಿಯಾ ಕಾಡ್ಲ್ಯಾನಿ ತನ್ನಾ ಚಿಟಿ ಜೊನಾಚ್ಯಾಚ್ ನಾವಾರ್ ಯೆಲಿ. 8 ತನ್ನಾ ತ್ಯಾ ಢೊನ್ ಚಾಲ್ವುತಲ್ಯಾನಿ, "ಹೆ ತರಾಸ್ ಅಮ್ಚೆ ವರ್‍ತಿ ಯೆವ್ಕ್ ಕಾರನ್ ಕಾಯ್ ಮನುನ್ ಸಾಂಗ್, ತಿಯಾ ಕಾಯ್ ಕಾಮ್ ಕರ್ತೆ? ತಿಯಾ ಖಯ್ತ್ನಾ ಯೆಲೆ? ತುಜೊ ದೆಶ್ ಖಲೊ? ತಿಯಾ ಖಲ್ಯಾ ಲೊಕಾಂಚೊ?" ಮನುನ್ ಇಚಾರ್‍ಲ್ಯಾನಿ.

9 "ಮಿಯಾ ಹೆಬ್ರೆವಾಚೊ, ಸಮುಂದರ್ ಅನಿ ಜಿಮಿನ್, ಮಳಬಾಕ್ನಿ ರಚಲ್ಲ್ಯಾ ಸರ್ವೆಸ್ಪರಾಕ್ ಭಿಂವ್ನ್ ಚಲ್ತಲೊ." 10 ದೆವಾಕ್ ಚುಕ್ವುನ್ ಪಳುನ್ ಜಾವ್ಕ್ ಮನುನ್ ಹ್ಯಾ ಢೊನಾತ್ ಚಡುನ್ ಯೆಲ್ಲೊ, ಮನುನ್ ಜೊನಾನ್ ಸಾಂಗ್ಲ್ಯಾನ್.

ತನ್ನಾ ತೆನಿ ಲೈ ಭಿಂಯ್ಯಾಲೆ, ಅನಿ "ಹೆ ಕಾಯ್ ಕರ್‍ಲೆ ತಿಯಾ!" ಮಟ್ಲ್ಯಾನಿ. 11 ಖರೆ ಹಿಕ್ಡಿನ್ ಸಮುಂದರಾತ್ಲೆ ವಾರೆ ವಾದಾಳ್ ಲೈಚ್ ಹೊವ್ಕ್ ಲಾಗಲ್ಲೆ "ಸಮುಂದರ್ ಥಂಡ್ ಹೊವ್ಚೆ ತರ್ ತುಕಾ ಅತ್ತಾ ಅಮಿ ಕಾಯ್ ಕರುಚೆ?" ಮನುನ್ ತೆನಿ ಜೊನಾಕ್ ಇಚಾರ್‍ಲ್ಯಾನಿ.

12 ತನ್ನಾ, "ಹೆ ವಾರೆವಾದಾಳ್ ತುಮ್ಚೆ ವರ್‍ತಿ ಯೆವ್ಕ್ ಮಿಯಾಚ್ ಕಾರನ್ ಮನುನ್ ಮಾಕಾ ಗೊತ್ತ್ ಹಾಯ್, ಎಕ್ ಕಾಮ್ ಕರಾ ಮಾಕಾ ತುಮಿ ಸಮುಂದರಾತ್ ಟಾಕುನ್ ಸೊಡಾ, ತನ್ನಾ ಸಮುಂದರ್ ಥಂಡ್ ಹೊತಾ," ಮಟ್ಲ್ಯಾನ್.

13 ಜೊನಾಕ್ ಸಮುಂದರಾತ್ ಟಾಕುಕ್ ತೆಂಕಾ ಮನ್ ನತ್ತೊ, ತಸೆ ಮನುನ್ ತೆನಿ ಢೊನ್ ದಂಡೆಕ್ ಘೆವ್ನ್ ಜಾವ್ಕ್ ಕಟ್ಪಟ್ ಕರ್‍ಲ್ಯಾನಿ, ಖರೆ ತೆಂಚ್ಯಾನ್ ಹೊವ್ಕ್ ನಾ, ಕಶ್ಯಾಕ್ ಮಟ್ಲ್ಯಾರ್, ಸಮುಂದರಾಚಿ ಲ್ಹಾಟಾ ಲೈ ಮಾರುಕ್ ಲಾಗಲ್ಲಿ. 14 ತನ್ನಾ ತೆನಿ ಸರ್ವೆಸ್ಪರ್ ದೆವಾಕ್ ಕುಕ್ ಮಾರ್‍ಲ್ಯಾನಿ, "ಸರ್ವೆಸ್ಪರಾ ಹ್ಯಾ ಜೊನಾ ಮನ್ತಲ್ಯಾ ಮಾನ್ಸಾಕ್ ಲಾಗುನ್ ಅಮ್ಕಾ ನಾಶ್ ಕರುನಕ್ಕೊ, ಅಮ್ಕಾ ಹ್ಯಾ ಚುಕ್ ನಸಲ್ಲ್ಯಾ ಮಾನ್ಸಾಚ್ಯಾ ರಗ್ತಾಚೆ ಕಾರನ್ ಹೊವ್ಕ್ ದಿವ್‍ ನಕ್ಕೊ, ಕಶ್ಯಾಕ್ ಮಟ್ಲ್ಯಾರ್, ಹೆ ಸಗ್ಳೆ ತುಜ್ಯಾ ಮನಾ ಸಾರ್ಕೆ ಹೊವ್ಲಾ ನ್ಹಯ್" 15 ಮಾನಾ ತೆನಿ ಜೊನಾಕ್ ಉಕ್ಲುನ್ ಸಮುಂದರಾತ್ ಟಾಕ್ಲ್ಯಾನಿ, ತನ್ನಾ ಸಮುಂದರ್ ಅಪ್ನಾಚೊ ಅರ್ಬಾಟ್ ಸೊಡುನ್ ಥಂಡ್ ಹೊಲೊ. 16 ಹೆ ಸಗ್ಳೆ ಬಗುನ್ ತಿ ಲೊಕಾ ಸರ್ವೆಸ್ಪರಾ ವರ್‍ತಿ ವಿಶ್ವಾಸ್ ಕರುಕ್ ಲಾಗ್ಲಿ, ಅನಿ ದೆವಾಕ್ ಭಿಂಯ್ಯಾಲಿ ಅನಿ ಬಲಿ ಭೆಟ್ವುನ್ ಮಾಗ್ನಿ ಪಾವ್ಸುತಾತ್.

17 ದೆವಾನ್ ಸಮುಂದರಾತ್ ಅದ್ದಿಚ್ ಎಕ್ ಮೊಟ್ಟಿ ಮಾಸ್ಳಿ ತಯಾರ್ ಕರುನ್ ಥವಲ್ಲ್ಯಾನ್, ತ್ಯಾ ಮಾಸ್ಳಿನ್ ಜೊನಾಕ್ ಗಿಳ್ಳಿನ್, ತಿನ್ ದಿಸಾ ಪತರ್, ದಿಸ್ ರ್‍ಹಾತ್ ಜೊನಾ ಮಾಸ್ಳಿಚ್ಯಾ ಪೊಟಾತ್ ರ್‍ಹಾಲೊ.