Jonas 4

ಜೊನಾಚೊ ರಾಗ್ ಅನಿ ದೆವಾಚಿ ಕರಾನ್

1 ಖರೆ ಜೊನಾಕ್ ಬೆಜಾರ್ ಹೊತಾ, ಅನಿ ರಾಗ್ ಯೆತಾ. 2 ತೆಚೆ ಸಾಟ್ನಿ ದೆವಾಕ್ಡೆ ಮಾಗ್ನಿ ಕರುನ್, "ಒ, ಸರ್ವೆಸ್ಪರಾ ಮಿಯಾ ಮಾಜ್ಯಾ ದೆಸಾತ್ ರ್‍ಹಾತಾನಾಚ್ ಮಿಯಾ ಅಸೆ ಸಾಂಗಟಲ್ಲೊ ನ್ಹಯ್ , ತಸೆ ಮನುನ್ ಮಿಯಾ ತನ್ನಾ ತಾರ್ಶಿಸಾಕ್ ಪಳುನ್ ಜಾವ್ಕ್ ಲಾಗಲ್ಲೊ, ಕಶ್ಯಾಕ್ ಮಟ್ಲ್ಯಾರ್ ತಿಯಾ ಲೈ ದಯಾಳ್ ಅನಿ ಕರಾನ್ ದಾಕ್ವುತಲೊ, ಸೊಸುನ್ಗೆತಲೊ ಅನಿ ಲೈ ಪ್ರೆಮಾನ್ ಭರಲ್ಲೊ ದೆವ್, 3 ತಸೆಹೊವ್ನ್ ಸರ್ವೆಸ್ಪರಾ, ಅತ್ತ್ಯಾಚ್ ಮಾಚೊ ಜಿವ್ ಕಾಡ್, ಮಿಯಾ ರ್‍ಹಾತಲ್ಯಾ ಬದ್ಲಾಕ್ ಮರಲ್ಲೆಚ್ ಬರೆ ಮಟ್ಲ್ಯಾನ್."

4 ತನ್ನಾ ಸರ್ವೆಸ್ಪರ್ , "ತಿಯಾ ಅಶೆ ರಾಗ್ ಕರುನ್ ಘೆತಲೆ ಸಮಾ ನ್ಹಯ್" ಮಟ್ಲ್ಯಾನ್.

5 ತನ್ನಾ, ಜೊನಾ ತೆ ಶಾರ್ ಸೊಡುನ್ ತ್ಯಾ ಶಾರಾಚ್ಯಾ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ ಗೆಲೊ, ಥೈ ಎಕ್ ಝೊಪ್ಡೆ ಘಾಲುನ್ ಘೆವ್ನ್ ಕಾಯ್ ಹೊತಾ ಬಗುನ್ಗೆತ್ ಝೊಪ್ಡ್ಯಾತ್ ಬಸ್ಲೊ. 6 ತನ್ನಾ ಸರ್ವೆಸ್ಪರ್ ದೆವಾನ್ ಯೆಲ್ ಉಗ್ವಿ ಸರ್ಕೆ ಕರ್‍ಲ್ಯಾನ್, ತಿ ಯೆಲ್ ಜೊನಾಚ್ಯಾ ಟಕ್ಲ್ಯಾಕ್, ಸಾವ್ಳಿ ದಿವ್ ಲಾಗಲ್ಲೆ, ಹೆಕಾ ಲಾಗುನ್ ತೊ ಲೈ ಖುಶಿ ಹೊತಾ. 7 ದುಸ್ರ್ಯಾ ದಿಸಿ ದಿಸಾ ಉಜ್ವಾಡ್ತಾನಾ ಸರ್ವೆಸ್ಪರಾನ್ ತ್ಯಾ ಯೆಲಿಕ್ ಖಾವ್ಕ್ ಎಕ್ ಕಿಡೊ ತಯಾರ್ ಕರ್‍ಲ್ಯಾನ್.ಅನಿ ತ್ಯಾ ಕಿಡ್ಯಾನ್ ತ್ಯಾ ಯೆಲಿಕ್ ಚಾವ್ಲ್ಯಾನ್ ತಿ ವಾಳುನ್ ಗೆಲಿ. 8 ದಿಸ್ ವೈರ್ ಚಡುನ್ಗೆತ್ ಯೆತಾನಾ, ಸರ್ವೆಸ್ಪರಾನ್ ದಿಸ್ ಉಗಾವ್ತಲ್ಯಾ ದಿಕ್ಕಾಕ್ನಾ ಹುನ್ನ್ ವಾರೊ ಯೆಯ್ ಸಾರ್ಕೆ ಕರ್‍ತಾ. ತನ್ನಾ ಲಿಂಬಾರ್ ಜೊನಾಚ್ಯಾ ಟಕ್ಲ್ಯಾ ವರ್‍ತಿ ಪಡ್ತಾ ಅನಿ ತೊ ನಿರ್ಮೊಳಿ ಯೆವ್ನ್ ಪಡ್ತಾ, ಅನಿ ಮರಾನ್ ಮಾಗ್ಲ್ಯಾನ್, ಅನಿ "ಮಿಯಾ ಝಿತ್ತೊ ರ್‍ಹಾತಲ್ಯಾ ಕಿಂತಾ, ಮರಲ್ಲೆಚ್ ಬರೆ" ಮಟ್ಲ್ಯಾನ್.

9 ತನ್ನಾ ಜೊನಾಕ್ ದೆವ್ ಮನ್ತಾ, "ಜೊನಾ ತಿ ಯೆಲ್ ಮರ್ಲಿ ಮನುನ್ ತಿಯಾ ಎವ್ಡೊ ರಾಗ್ ಕರುನ್ ಘೆತಲೊ ಸಮಾ ಕಾಯ್? ಸಾಂಗ್ ಬಗುವಾ," ತನ್ನಾ ಜೊನಾ, "ಹೊಯ್ ಮಿಯಾ ಮರಿ ಸರ್ಕೊ ರಾಗ್ ಕರುನ್ ಘೆತಲೆ ಸಮಾ ಹಾಯ್" ಮನ್ತಾ.

10 ತನ್ನಾ, ಸರ್ವೆಸ್ಪರಾನ್ ತೆಕಾ, ತಿಯಾ ಹ್ಯಾ ಯೆಲಿ ಸಾಟ್ನಿ ಕಾಮ್ ಕರುಕ್ನೆ, ತಿ ವಾಡ್ವುಕ್ಬಿ ನ್ಹಯ್ . ತಿ ಅಪ್ನಿಚ್ ಎಕ್ ರ್‍ಹಾತ್ತಿತ್ ಉಗಾವ್ಲಿ. ಎಕುಚ್ ರ್‍ಹಾತ್ತಿತ್ ಬಾವ್ನ್ ಗೆಲಿ. ತೆಜ್ಯಾ ಸಾಟ್ನಿ ಯೆವ್ಡೆ ಲೈ ಕಾಳ್ಜಿ. 11 ಅಸೆ ರ್‍ಹಾತಾನಾ, ಎಕ್ ಲಾಕ್ ವಿಸ್ ಹಾಜಾರಾನ್ಬಿ ಜಾಸ್ತಿ ಅಪ್ನಿ ಕರುಕ್ ಲಾಗಲ್ಲಿ ಬರ್ಯಾ ವಾಯ್ಟಾಚಿ ಅರು ನಸಲ್ಲಿ ಲೊಕಾ, ಅನಿ ಕವ್ಡಿಕಿ ಜನಾವರಾ ಹೊತ್ತ್ಯಾ ಮೊಟ್ಯಾ ನಿನಿವೆ ಶಾರಾಚ್ಯಾ ವಿಶಯಾತ್ ಮಿಯಾ ಅನಿ ಕವ್ಡೆ ದಯಾ ದಾಕ್ವುಚೆ? ಸಾಂಗ್ ಬಗುಂವಾ, ಮಟ್ಲ್ಯಾನ್.