Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
ದುಶ್ಮನ್ನ ಪ್ಯಾರ್ ಕರಾನಿಬಾರೇಮ
"ತಾರ ಭೀಡೆವಾಳಾನ ಪ್ಯಾರ್ ಕರ್ ಅಜು಼ ತಾರ ದುಶ್ಮನ್ನ ವಹೇರ್ ಕರ್ನು’ ಕರಿ ಬೋಲಿರಾಖ್ಯುಸ್ತೆ ಇನ ತುಮೆ ಖ್ಹಮ್ಜಿರಾಖ್ಯಾಸ್ ಎತ್ರೇಸ್. ಕತೋಬಿ ಮೇ ತುಮೂನ ಬೋಲಾನು ಶಾತ್ಕತೊ, ತುಮಾರ ದುಶ್ಮನ್ನ ಪ್ಯಾರ್ ಕರೊ; ತುಮೂನ ಖ್ಹತಾವವಾಳನಟೇಕೆ ದೇವ್ನ ಪ್ರಾರ್ಥನೆ ಕರೊ.
ಮೇ ತುಮೂನ ಪ್ಯಾರ್ ಕರ್ಯೊತೆ ಇಮ್ಮಸ್, ತುಮೇಬಿ ಏಕ್ಥಿ-ಏಕ್ ಪ್ಯಾರ್ ಕರ್ನು, ಕರಿ ಬೋಲಾನುಸ್ ಮಾರಿ ಹುಕುಮ್.
ಅಪ್ಣಿ ಜೋ಼ಡ್ಮ ಏಕ್ಥಿಏಕ್ ಜಿಮ್ಮೇದಾರ್
ಏಕ್ಥಿಏಕ್ ಪ್ಯಾರ್ಕರ್ನುಕರಿ ಬೋಲಾನು ಕರಜ಼ಸ್ ಪಣ್ಕಿ ತುಮೂನ ಬಿಜು಼ ಖೆವು ಕರಜ಼್ ನಾರ್ಹೇವ್ಣು. ಶನಕತೊ ಬಿಜೇಕ್ಜ಼ಣಾನ ಪ್ಯಾರ್ ಕರಾವಾಳೊ ಧರ್ಮಶಾಸ್ತ್ರನಸ್ ಚ಼ಲೈರಾಖ್ಯೊಸ್.
ಅಪ್ಣಾಮ ಹರೇಕ್ಜ಼ಣು ಇನ ಭೀಡೆವಾಳನು ಭಕ್ತಿನ ಭಡಾವಾನಖ್ಹಾಜೆ, ಆಖ್ಹ್ಕರಿನ್ ಅಪ್ಣ ಭೈಯೇ ಭೇನೇನ ಅಛ್ಛಾ಼ನಖ್ಹಾಜೆ ಕಮ್ಠೋಕವಾಳ ಹುಯಿರ್ಹೇಣು.
ತುಮಾರ ಹರೇಕ್ ಕಾಮ್ನ ಪ್ಯಾರ್ಥಿ ಕರೊ.
ತುಮಾರಪರ್ ಹಮಾರಿ ಪ್ಯಾರ್ ಕಿಮ್ಕಿ ಇಮ್ಮಸ್ ತುಮಾರಿ ಪ್ಯಾರ್ ಬಿಜಾ಼ಪರ್ಬಿ ಭಢ್ವಾದೆ ಇಮ್ಮಸ್ ತುಮಾರಟೇಕೆ ಹಮಾರಿ ಪ್ಯಾರ್ಬಿ ಜಾ಼ಖ್ಹತ್ ಹುಯಿರ್ಹವಾನಿಘೊಣಿ ಪ್ರಭು ಆಶೀರ್ವಾದ್ ಕರ್ವಾದೆ.
ದೇವ್ನ ಲ್ಹಾಯಕ್ ಕರಾವನು ಕಿಮ್
ಕೆದೇಬಿ ವಿಶ್ವಾಸಿ ಭೈಯೇ ಭೇನೆವ್ನ ಪ್ಯಾರ್ ವತಾಳೊ. ಮ್ಹೇಮಾನ್ನ ಉಪ್ಚಾರ್ ಕರಾಮ ಝಿಟ್ಕಾರೊ ನಕೊ. ಶನಕತೊ ಯೊ ಕರಾಮ ಥೋಡುಜ಼ಣು ಮಾಲುಮ್ಕೊಂತೆ ದೇವ್ನ ದೂತರ್ನಾಬಿ ಉಪ್ಚಾರ್ ಕರುಕರಸ್. ಜೇಲ್ಮ ರ್ಹವಾಳನ ಜೋ಼ಡ್ಮ ತುಮೇಬಿ ಜೇಲ್ ಜೋಡ್ಮರ್ಯವಾಳ ಕರಿ ಮಾಲುಮ್ ಕರೀನ್ ಇವ್ಣ ಶರೀರ್ನ ಹುಯೂತೆ ಖ್ಹತಾಪ್ಣಿ ತುಮುನಾಬಿ ಹುಯುಕರಿ ಲಹಿನ್ ಇವ್ಣುನ ಖ್ಹಯಾಲ್ ಕರಿಲೆವೊ.
ಕತೋಬಿ ಧರ್ಮಶಾಸ್ತ್ರಮ ಛಾ಼ತೆ, "ತಾರ ಭೀಡೆವಾಳನ ತಾರಿನಿತರಸ್ ಪ್ಯಾರ್ ಕರ್ನು!" ಕರಿ ಬೋಲಾನು ರಾಜ಼ನಿ ಹುಕುಮ್ನ ಚ಼ಲಾವವಾಳ ಹುಯಿರ್ಹಾತೊ ತುಮೆ ಅಛ಼್ಛು ಕರಾವಾಳ ಹುಯಿರ್ಹಿಶು.
ಖ್ಹಾರೇಥಿ ಪಹಿಲೆ ತುಮಾರ ತುಮಾರಮ ಖ್ಹಾಚಿನಿತರಾನಿ ಪ್ಯಾರ್ರ್ಹವಾದೆ. ಪ್ಯಾರ್ ಘಣು ಪಾಪ್ಖ್ಹಾರು ಮೂಚಾ಼ಸ್.
ಇನಖ್ಹಾಜೆ ದೇವ್ಥಿ ಚೂ಼ಣೈಗಯು ಹುಯುಬಿ, ಪರಿಶುದ್ಧರ್ಬಿ ಪ್ಯಾರ್ನ ಹುಯಿರ್ಹಾತೆ ತುಮೆ ಗೋರ್, ದಯಾ, ಹೇಟು ಹುವಾನು, ಶೇದೇವ್ಥಿ, ಖ್ಹಮಾಳಾನು ಕರಿ ಆಖ್ಹಾರು ಅಛ್ಛಿಗುಣ್ನ ಭರ್ಹಿಲೆವೊ. ಏಕ್ಥಿ ಏಕ್ ಖ್ಹಮಾಳಿರ್ಹವೊ. ಕಿನಾಖ್ಹಾಜೆಬಿ ಫಿರಾದ್ ಮಾಂಡಾನು ಉಶೇತೋಬಿ, ಪ್ರಭು ತುಮುನ ಮಾಪ್ ಕರ್ಯೊತೆ ತಿಮ್ಮಸ್ ತುಮೇಬಿ ಮಾಪ್ ಕರೊ. ಅಜು಼ ಭರ್ಪೂರ್ಮ ಅಖ್ಖುಜ಼ಣು ಒಗ್ಗಟ್ಥಿ ಭಂದೈರ್ಹೀನ್ ಪ್ಯಾರ್ಮ ಭರೈರ್ಹೆವೊ. ಕ್ರಿಸ್ತನಿ ಸಮಾಧಾನ್ ತುಮಾರ ದಿಲ್ಮ ಚ಼ಲಾವನ ಮ್ಹೇಲೊ. ಇನಖ್ಹಾಜೇಸ್ ತುಮೇಬಿ ಎಕ್ಕಸ್ ಶರೀರ್ ಹುಯಿರ್ಹಾವನಿತರ ಬುಲೈರ್ಹಿಶು ಆ ನಾಹುಯಿನ್ ಧನ್ಯವಾದ್ ಕರಾವಾಳ ಹುಯಿರ್ಹೆವೊ.
ಏಕ್ಥಿ ಏಕ್ ಪ್ಯಾರ್ಕರೊ
ಅಪ್ಣೆ ಏಕ್ಥಿಏಕ್ ಪ್ಯಾರ್ಕರ್ನು ಕರಿ ಬೋಲಾನು ಸಂದೇಶ್ನಾಸ್ ತುಮೆ ಪಹಿಲೆಥು ಖ್ಹಮ್ಜಿರಾಖ್ಯಸ್ತೆ.
ಕೋಣ್ಬಿ ಇವ್ಣ ಭೈಯೇ ಭೇನೇನ ವಹೇರ್ ಕರಾವಾಳೊ ಖೂನಿಹುಯಿರ್ಹೊಸ್. ಅಜು಼ ಖೆವ ಖೂನಿಮಾಬಿ ಕೆದೇಬಿ ರ್ಹವಾನು ಜಾನ್ ಕೋರ್ಹಿಶೇನಿ ಕರಿ ತುಮೂನ ಮಾಲುಮ್. ಪ್ರಭು ಯೇಸು ಅಪ್ಣಖ್ಹಾಜೆ ಇನ ಜಾನ್ನಾಸ್ ಮ್ಹೇಲ್ಯೊ. ಅನೇಥಿ ಲಾಡ್ ಕೆಥ್ರಾನು ಕರಿ ಅಪ್ಣೆ ಖ್ಹಮ್ಜಿಲಿದ ಕಿಮ್ಕತೊ. ಅಪ್ಣೇಬಿ ಭೈಯೇ ಭೇನೇನಖ್ಹಾಜೆ ಜಾನ್ ದೇವವಾಳ ಹುಯಿರಾಸ್.
ಪ್ರಭು ಯೇಸು ಅಪ್ಣಖ್ಹಾಜೆ ಇನ ಜಾನ್ನಾಸ್ ಮ್ಹೇಲ್ಯೊ. ಅನೇಥಿ ಲಾಡ್ ಕೆಥ್ರಾನು ಕರಿ ಅಪ್ಣೆ ಖ್ಹಮ್ಜಿಲಿದ ಕಿಮ್ಕತೊ. ಅಪ್ಣೇಬಿ ಭೈಯೇ ಭೇನೇನಖ್ಹಾಜೆ ಜಾನ್ ದೇವವಾಳ ಹುಯಿರಾಸ್.
ದೇವ್ನಿ ಪ್ಯಾರ್
ಪ್ಯಾರ್ನ ದೋಸ್ತಿವೊ ಅಪ್ಣೆ ಏಕ್ಥಿಏಕ್ ಪ್ಯಾರ್ ಕರಿಯೆ ಶನಕತೊ ಪ್ಯಾರ್ ದೇವ್ಥಿ ಆಯುಹುಯು ಹುಯಿರ್ಹೂಸ್ ಅಜು಼ ಪ್ಯಾರ್ ಕರಾವಾಳೊ ಹರೇಕ್ಬಿ ದೇವ್ಥಿ ಪೈದ ಹುವವಾಳೊ ಹುಯಿರ್ಹೋಸ್ ಯೋ ದೇವ್ನ ಮಾಲುಮ್ ಕರಾಖವಾಳೊ ಹುಯಿರ್ಹೋಸ್. ಪ್ಯಾರ್ ನಾಕರವಾಳೊ ದೇವ್ನ ಮಾಲುಮ್ ಕರಿರಾಖ್ಯಕೊಂತೆ ಹುಯಿರ್ಹೊಸ್. ಶನಕತೊ ದೇವ್ ಪ್ಯಾರ್ವಾಳೊ ಹುಯಿರ್ಹೊಸ್.