43 Ye han herd that it was seid, Thou shalt loue thi neiybore, and hate thin enemye.44 But Y seie to you, loue ye youre enemyes, do ye wel to hem that hatiden you, and preye ye for hem that pursuen, and sclaundren you;

12 This is my comaundement, that ye loue togidere, as Y louede you.

8 To no man owe ye ony thing, but that ye loue togidere. For he that loueth his neiybore, hath fulfillid the lawe.

2 Eche of vs plese to his neiybore in good, to edificacioun.

14 and be alle youre thingis don in charite.

12 And the Lord multiplie you, and make youre charite to be plenteuouse of ech to othere, and in to alle men, as also we in you;

1 The charite of britherhod dwelle in you, and nyle ye foryete hospitalite;2 for bi this summen plesiden to aungels, that weren resseyued to herborewe.3 Thenke ye on boundun men, as ye weren togidere boundun, and of trauelinge men, as ye silf dwellinge in the body.

8 Netheles if ye performen the kingis lawe, bi scripturis, Thou schalt loue thi neiybour as thi silf, ye don wel.

8 bifore alle thingis haue ye charite ech to other in you silf algatis lastynge; for charite couerith the multitude of synnes.

12 Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;13 and support ye echon other, and foryyue to you silf, if ony man ayens ony hath a querele; as the Lord foryaf to you, so also ye.14 And vpon alle these thingis haue ye charite, that is the boond of perfeccioun.15 And the pees of Crist enioye in youre hertis, in which ye ben clepid in o bodi, and be ye kynde.

11 For this is the tellyng, that ye herden at the bigynnyng, that ye loue ech othere;

15 Ech man that hatith his brother, is a man sleere; and ye witen, that ech mansleere hath not euerlastinge lijf dwellinge in hym.16 In this thing we han knowe the charite of God, for he puttide his lijf for vs, and we owen to putte oure lyues for oure britheren.

16 In this thing we han knowe the charite of God, for he puttide his lijf for vs, and we owen to putte oure lyues for oure britheren.

7 Moost dere britheren, loue we togidere, for charite is of God; and ech that loueth his brother, is borun of God, and knowith God.8 He that loueth not, knowith not God; for God is charite.