Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
Gumaasin Shunni Chowa
« ‹Asunin shungwa; gumaneesin oomto› yiste baron odetiwa. Sinuntano ta nittok makefawungwa; gumantiisin shunti; nittotin kabugsefe baassok shiiphoti.
Ta ajajiis haniis: ta nittotin keeshtenaasimato nitto dey wal keeshtosotikwa.
Nittotna Nittotna Keeshtosoti
Nittotna nittona keeshtosoti tano ooni kowanu nittoosta foonata; Es bari boor’a asusin zuutire shunfe bar tumaason zagiwa.
Isarni isarniis oom asusin amantobaasik chimanak barik ke’ni wuzaasewa barin girsuni wuzaase asin zaguniwa.
Zagifeti baron zuutira keeshtanak zaguti.
Inno nittotin keeshtet faanisimato Daamiis nittotna nittotna dey oomni meyakneen fa keeshtannitiis dichanaknawa tuumma fu’tonakna zagawowa.
Ha’ooson Girsifa Wosto
Wonna wonna nittotna nittotna ayna ayna asi keeshtanniti foon. Irbanin ephphe irbasuuson daagotiita. Ekka irbani meyanon ephpheteesere irbasit feeseten isa isa meya arunoy Ha’oosi wosiyanon ephphe irbasisete. Baassoneen ane taatetine faaron zagira taatoni meyanon safaroti. Nitto dey baassosimato shana ephpheteerne feer sinna shana ephpheteesefe baassotin safaroti.
Korto matsafaassik: «Asusin zuutira ne teetaason shunfataasimato shunwa» yistera tichchenaasimato Ha’oosi taatoni tumanon oodfaatine ma’aron zagitiwa.
Keeshtanaas showo boor’aason ukar sinna boor’a zuuttambaase asiistan nittotna nittotna nibnitiissin wol keeshtoti.
Ese Ha’oos korina nittotnawa kortoni meena; Ha’oosik shunto sinetisimato kenashtooson, garamaason, teetni daa ephaason, ma’aason fakiyaason maytiwa. Nittotna nittotna wol chimti nittoossin isaas oomiisata gi’tena wuza faafaanane wol feeshun uti. Daamiis nittotin feeshun yinaasimato nitto dey wol feeshun uti. Es baristan denalo zuuttambaase asin zuutira taar’a yo’uba foontonon isar zagifa keeshtanaason mayti. Isa atuni billiti sinna futok teegtetiis han nagaasik sinna boor’a Kiristoosni nagaas nitto nibaassi taatton; Ha’ooson dey galatter sinti.
Innotna Innotna Keeshtoni Chowa
Tesubaastan kabira odeseti wosiyaas: «Innotna innotna keeshtoniwa» yifarwa.
Aybaasin oomtefe bar zuuttere kaa wori asuwa; kaa wori asu koi’ba foonto kaaba aafa sinnamato arsefetiwa. Keeshtanaas awu sinnamato ariniis Yesus Kiristoos kaabaason innok aatire imna boor’awa. Inno dey kaaniison ayni meyakwa iyaat aatira imaniktu sholsifawa.
Keeshtanaas awu sinnamato ariniis Yesus Kiristoos kaabaason innok aatire imna boor’awa. Inno dey kaaniison ayni meyakwa iyaat aatira imaniktu sholsifawa.
Ha’oni Keeshtana
Inno meyane! Keeshtanaas Ha’ooskin sinna boor’a innotna innotna wol keeshtoni. Keeshtefe bar zuuttambaase Ha’oni naawa; Ha’ooson dey arirwa. Ha’oos keeshtana sinna boor’a asunin keeshtonoy bar zuuttere Ha’ooson aane arifewa.