Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
" ‘Na innpaw kha na sungsah cih zah na rhawpaw kha na hua cih,’ cite a ho hae paw kha na thae vae oh. Thuasalama kae hopya oh, nae rhaw hae kha sungsah oh, nanning ae tuaa ae sah oh paw hanlan sawsangpah oh.
"Ka kawbya tuh e hynh nynh thua: Kae nynh kae sungsah oh hawte nanning mah lu kheit te lu kheit sungsakuh oh.
Lu Kheit te Lu Kheit Sungsakunaw
Lu kheit te lu kheit sungsaku lanpaw laelan hum kya sanmah laebah um nan oh; pawccecize mingccangpaw a sungsahpaw ccungccaw tuh kawbya kha phe a ccingsah vae.
Aening lu raveih nynh ah innpaw paw elang hoynaw kha tuate zynnaw kya a lethung nawlan a rynaw kha ccungpah oh sih.
Nanning nynh pawpaw balyn kha sungsakunaw te cyih oh.
Nae tungvaw sungsakunaw kae hoi hawte, nanning mah lu kheit te lu kheit na sungsakunaw oh te ccungccaw balyn na sungsahnaw oh kha Bawipaw nynh lesah thung sah lah ccingsah vae sah.
Pachia Lungtungpaw Rya
Uteno sungsakunaw kha po tynsah oh. Mikhia hae do-oihnaw kha la ning nan oh. Pawccecize tuhte mikhia do-oihnaw kya abang nynh vaaw hae kha tualeipite innccong a la thuasah hae. Thongccah hae paw kha ning nan oh; minmin ryte thongccahkheih hae paw hawte tuakuh oh; vawsawnaw a teing hae paw kha la ning nan oh, naemaw nae pyn kya tuhcite a teingpaw hawte tuakuh oh.
"Na innpaw kha namaw hawkhate na sungsah cih," acikuhpaw Ccathyaa thyhte alesaepaw kawbya kha na ccingsah ccaccing oh ze, kou hoy lan na cyi vae oh.
Pawpaw balyn laeze lu kheit te lu kheit sungsakunaw kha tynkaring lan kyngkuh oh; pawccecize sungsakunaw nynh seinaw pataepi kha a bongpya.
Nanning tuh Pachia nynh a popaw, athyaapaw te sungsahpaw na thua oh hawte, ngaethyaumsahnaw, thawccikunaw, zakawsangsakunaw, lungnenaw, lungsaenaw khate ccaankuh oh. Lukhakheit nynh mingccangpaw tungvaw lungccing leinaw a hoi ze, lu kheit te lu kheit ngaesangpyakute ngaethyakuh oh; Bawipaw nynh ae ngaethya vae oh hawte, lu kheit te lu kheit ngaethyakuh oh. Hynh-e hae balyn laelan, accingpaw lunglokunaw liate pawpaw balyn a sueluapaw sungsakunaw khate ccaankuh oh. Khri kya-e daenaw nynh nae thinlung kha ae la uk oh sah; tuh-e daenaw elang nynh nanning kha pyn pynkheit kya um lan ko na thua oh; te lungtuabya hothya oh.
Sungsakuh Oh
Pawccecize atakaw te na thae vae oh paw phungbya tuh hynhte nynh thua: Aening lu kheit te lu kheit sungsaku lanpaw nynh thua.
Humhung zemah a uno a huapaw tuh ccungccaw a theihtu nynh thua; ccungccaw a theihtupaw kya tuh zungzae hiinnaw um khyh cipaw na ny oh. Khri nynh a hiinnaw kha aening hanlan a pyaku; tuhcite aening nynh Pachia sungsahnaw kha ah nythya oh; aening mah ah uno hae hanlan ah hiinnaw kha pyaku lan accan.
Khri nynh a hiinnaw kha aening hanlan a pyaku; tuhcite aening nynh Pachia sungsahnaw kha ah nythya oh; aening mah ah uno hae hanlan ah hiinnaw kha pyaku lan accan.
Pachia tuh Sungsakunaw
Ka sungsah hae, lu kheit te lu kheit sungsakuh oh sih, pawccecize sungsakunaw tuh Pachia kyate yn thuapaw nynh thua. Ccungccaw a sungsahpaw miakaw tuh Pachia kyate yn puipaw thua zah Pachia kha a ny. Ccungccaw a sungsah leipaw tuh Pachia kha nyh khyh; pawccecize Pachia tuh sungsakunaw nynh thua.