Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Allabatala Alla ka muso dan ɲa mɛn ma
Wo kɔ, Allabatala Alla ka a fɔ ko: «Ka cɛɛ to a kelen na, wo ma ɲin. N di a dɛmɛnba rabɛn, mɛn di bɛn a ma.»
Allabatala Alla ka barasa kolo wo ta ka muso rabɛn, ka na muso di cɛɛ ma. Cɛɛ ka a fɔ ko: «A koloilu bɔni n koloilu le rɔ. A fari bɔni n fari le rɔ. N di a tɔɔ la ko muso, ka a masɔrɔn a bɔni cɛɛ le rɔ.»
Wo le kosɔn, cɛɛ ri a mataa a fa ni a na la, ka to a muso fɛ. A fila ri kɛ mɔɔ kelen di.
Wo rɔ, ii tɛ jatela mɔɔ fila ri butun fɔɔ mɔɔ kelen. Wo le kosɔn, Alla ka mɛnilu ladɛn ka ii kɛ kelen di, mɔɔ si kana woilu fara ka ii bɔ i ɲɔɔn na.»
Diɲɛ ye kaninteya rɔ. Kaninteya ye koɲuma le kɛla. Keleya tɛ kaninteya rɔ. Kaninteya tɛ a jɛrɛdabayala. Waso tɛ kaninteya rɔ. Maloya tɛ a rɔ. A ma a jɛrɛ la hɛrɛ dɔrɔn karan. A jusu tɛ bɔla foyi rɔ. A ma duɲa lamara. A tɛ sɛwa telenbaliya la fɔɔ tuɲa. A ye makotoli le kɛla ko bɛɛ rɔ. A lemɛniyanin waati bɛɛ. Jii ye a ma ko bɛɛ rɔ. A tunadiyanin ko bɛɛ ma.
Cɛɛilu ka kan ka ii musoilu kanin wo ɲa le ma ikomin ii jɛrɛ faribanku. Cɛɛ mɛn ye a la muso kaninna, wo ra a jɛrɛ kanin. Mɔɔ si ma a jɛrɛ faribanku lagboyaɲɛ fɔlɔ. Kɔni a ye a balola le, ka a mamira ikomin Ɲenematɔmɔnin ye lemɛniya jama balola ka ii mamira ɲa mɛn ma
Kɔni ai fanan bɛɛ ka kan ka ai muso kanin ikomin ai jɛrɛ, muso fanan ye a cɛɛ gbiliya.
Ai ye kaninteya la woilu kan, mɛn ye ii bɛɛ dafala.