6 ओइने आब दुईथो नै हुइँत, भोज करके ओइने दुई जाने नै रहिहीँ, पर एक्के शरीर होजिहीँ।’ यकर मतलब यी हो कि केऊ फेन थारु और ओकर जन्नीहे अलग ना करिँत्, जेनहे परमेश्वर जोरले बताँ।"

4 जोन मनै दोसुर जहनहे प्रेम करथाँ, ओइने धिरजतासे और दयासे काम करथाँ। ओइने बिह्रे नै मुथाँ, ओइने अपन प्रशंसा नै करथाँ, और ओइने घमण्ड फेन नै करथाँ। 5 प्रेम करुइया मनै दोसुर जहनहे अनादर नै करथाँ। ओइने स्वार्थी नै रथाँ, ओइने झत्ते नै रिसैथाँ, और ओइन्के विरोधमे कलक खराब बात ओइने महा सहजसे बिस्राजिथाँ। 6 जब मनै गलत या खराब काम करथाँ, तब ओइने खुशी नै हुइथाँ। पर जब मनै सच्चा या बफादार काम करथाँ, तब ओइने खुशी हुइथाँ। 7 यदि उ बात सम्भव नै हो कलेसे, "धैर्यतासे सक्कु बात स्वीकार करलेऊ।" प्रेम करुइया मनै हर परस्थितिमे परमेश्वरकेमे भरोसा कर्ले पलिरथाँ। ओइने हरदम आशावादी रथाँ, और सक्कु मेरिक समस्या और दुःखमे धिरजतामे पलिरथाँ।

28 अस्तेहेँके थारु मनै फेन अपन-अपन जन्नीनहे अपन शरीर हस प्रेम करिँत। जे अपन जन्नीहे माया करत ऊ अपनहे प्रेम करत। 29 काकरेकी कौनो मनैया कबु फेन अपन शरीरहे घृणा नै करत। बेन ओकर कदर करके पालपोष करत जसिके ख्रीष्ट मण्डलीक रेखदेख करथाँ।

33 पर यी शिक्षा तुहुरिन्केमे फेन लागू हुइत; तुहुरे सक्कु जाने अपन-अपन जन्नीनहे अपन हस प्रेम करो, और जन्नी मनै फेन अपन-अपन थरवक आदर करिँत्।

14 सक्कुहुनसे खास काम जोन तुहुरिन्हे करे परना हो, उ यी हो कि तुहुरे एकदोसुर जहनहे प्रेम करो। असिक करके तुहुरे पूरा रुपसे एकजुट होजिबो।