Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
ଅନନ୍ତର ସଦାପ୍ରବୁ ପରମେଶ୍ୱର କେତ୍ତଣ୍ଡ୍, ନାରୁଣ୍ଡ୍ ୱେରଣ୍ଡ୍ ମାନ୍ଦାନାଦ୍ ସାୟ୍ ଇଲେ, ମାମ୍ମେ ଅନ୍ ସେଙ୍ଗେ ଅନ୍ ତଡ଼୍ ମାନ୍ଦାନାଦିଙ୍କ୍ ତିଆର୍ ମାଡ଼ିତମ୍।
ମେଣ୍ଡେ ସଦାପ୍ରବୁ ପରମେଶ୍ୱର ଆଦମ୍ ତାଗାଙ୍କ୍ ବେନ୍ ମାର୍ଙ୍ଗ୍ ବୁଲା ଅତ୍ତଣ୍ଡ୍, ଆୱିନ୍ ତଡ଼୍ ଅଣ୍ଡୟ ମୁତ୍ତେ ତିଆର୍ ମାଡ଼ି ଆଦମ୍ତେ ଗାରେ ତାତ୍ତଣ୍ଡ୍। ଆସୁଟ୍ ଆଦମ୍ କେତ୍ତଣ୍ଡ୍, ଇଞ୍ଜ୍ ଆତ୍ତେ; ଇଦ୍ ନା ବୁଲେତ୍ ବୁଲା ନୁ ଆୱ୍ଙ୍ଗିନ୍ ଆୱ୍ଙ୍ଗ୍; ଇଦିନ୍ ପେଦେର୍ ନାଟାଡ଼୍, ବାତେଙ୍କ୍ ଇତ୍କେ ଇଦ୍ଦେ ନାରୁନାଗାଙ୍କ୍ ତିଆର୍ ଆତ୍ତେ । ଆଦିନ୍ ମାଇଦିଙ୍କ୍ ନାରୁଣ୍ଡ୍ ନିଜର୍ ୟାୟ୍ବାବାଙ୍କ୍ ୱିଡ଼୍ସି ନିଜର୍ ମୁତେନ୍ତଡ଼୍ ମାନ୍ତ୍ତଡ଼୍, ମେଣ୍ଡେ ଅଡ଼୍ ଅଣ୍ଡୟ ଆଦ୍ତଡ଼୍ ।
ବେନ୍ ନାରୁଙ୍କ୍ ମୁତେ ଦର୍କିତ୍, ଅଣ୍ଡ୍ ଲେକେତ୍ ସାମାନ୍ ପାହେମ୍ ଆଦ୍ତଣ୍ଡ୍ ନୁ ସଦାପ୍ରବୁନାଗାଙ୍କ୍ ଆଶିର୍ବାଦ୍ ପାହେମ୍ ଆଦ୍ତଣ୍ଡ୍ ।
ମିଇ ପେୟିତାନ୍ ଇଡ଼୍ପାମ୍ଏର୍ ଦନ୍ୟ ଆୟି; ମେଣ୍ଡେ, ମି ନିଜେତ୍ ଲେୟ୍ ଲେକାମ୍ତେ ନାଟାଡ଼୍କନ୍ ୱେଡ଼୍କେ ମାଡ଼ାଟ୍ । ଆଦ୍ ପ୍ରେମତେ କଡ୍ମାୱୁ ନୁ ସୁନ୍ଦର୍ ମେଟେତ୍ ମେକେ ଇନା, ତାନାଦ୍ ବମାନାଗ୍ ସାରେଦାମ୍ ନିକିଙ୍କ୍ ସାର୍ଦେ ମାଡ଼ିତ୍; ମେଣ୍ଡେ, ତାନ୍ ପ୍ରେମତେ ମିଡ଼୍ ସାରେଦାମ୍ ମାୟି ମାନୁଟ୍ । ହୋ ନା ମାର୍, ୱେରେ ନାଟାଡ଼୍ତେ ପରୁ ମିଡ଼୍ ବାତିଙ୍କ୍ ମାୟି ମାନ୍ତତିଡ଼୍ ? ନୁ ୱେରେତଡ଼୍ ବର୍ତାଗ୍ ବାତ୍ତିଙ୍କ୍ ଉର୍ଙ୍ଗିତିଡ଼୍ ?
ଅଡ଼୍ ମେଣ୍ଡେ ଇର୍ୱୁଡ଼୍ ଆୟ୍ୟଡ଼୍, ଅଡ଼୍ ମେଣ୍ଡେ ୱେରନ୍ ଇନା ମାନ୍ତଡ଼୍ । ବେନଡ଼୍କ୍ ଇଶ୍ୱର୍ କାଲ୍ପି ମିନ୍ଦେଣ୍ଡ୍, ନାରୁଡ଼୍ ଅଡ଼୍କିଂଙ୍କ୍ ୱେରେ ୱେରେ ମାଡ଼ାନାଦ୍ ଟିକ୍ ଆୟ୍ୟ ।"
ପ୍ରେମ ଗାଡ଼୍ସ୍ ନୁ ସାୟେ । ପ୍ରେମ୍ କପାମ୍ ବା ଅବିମାନ୍ ବା ଅହଙ୍କାରୀ ଆୟ୍ୟ । ପ୍ରେମ୍ ରୁକ୍ଷ ବା ସ୍ୱାର୍ତପର୍ ଆୟ୍ୟ, ଆଙ୍ଗ୍ଡ଼ାମ୍ କପାମ୍ ଆୟ୍ୟ । ପ୍ରେମ ତାନ୍ ସେଙ୍ଗେ ମାଡ଼୍ତେ ଅନ୍ୟାୟ୍ତାଦ୍ ଇସାପ୍ ନେଃଏୱ । ପ୍ରେମ ଅଦର୍ମତଡ଼୍ ୱେଡ଼୍କ୍ ମାଡ଼, ସତ୍ ତଡ଼୍ ଆଦିନାଦ୍ ୱେଡ଼୍କ୍ । ପ୍ରେମ ସାର୍ରେ ସାରେ ମାଡ଼ିତ୍ । ଆଦିନାଦ୍ ସାର୍ରେ ବିଶ୍ୱାସ୍ ମାଡ଼ିତ୍, ସାର୍ରେ ଆଶେ ମାଡ଼ିତ୍; ବାତ୍ଆଇ ତିପାଲ୍ୱେଲେ ଗାଡ଼୍ସ୍ ଆରେମ୍ ଆୟ୍ୟ ।
ମାନେୟ୍ନଡ଼ି ନିଜେତ୍ ମେନ୍ଦୁଲ୍ ଇଞ୍ଜ ଆଲ୍ସି ନିଜେତ୍ ନାଟାକିଙ୍କ୍ ପ୍ରେମ ମାଡ଼ାନାଦ୍ ସାୟେ । ବେନ ନିଜେତ୍ ନାଟାକିଙ୍କ୍ ପ୍ରେମ ମାଡ଼ିତନ୍, ଅଣ୍ଡ୍ ନିଜେତିଙ୍କ୍ ପ୍ରେମ ମାଡ଼ୁତଣ୍ଡ୍ । ବେନ ବେସୁଟ୍ ନିଜେତ୍ ମେନ୍ଦୁଲ୍ତିଙ୍କ୍ ପାସ୍କଣ୍ଡ୍ । ମେଣ୍ଡେ ମେନ୍ଦୁଲ୍ତିଙ୍କ୍ ତିନ୍ଦାନ୍ ଉନ୍ଦାନ୍ ମାଡ଼ିତନ୍ ନୁ ଜତନ୍ ଆଦ୍ତନ୍ ଆଲେନେ କ୍ରିଷ୍ଟ ମଣ୍ଡଲିତେ ଜତନ୍ ଆଦ୍ତନ୍,
ଇତ୍କେ ଇଦ୍ ମିଇ ସେଙ୍ଗେବା ସାୟେ । ସାର୍ରେ ମୁଦ୍ପାଲଡ଼୍ ମୁତେଙ୍କ୍ ଜିୱେଇସ୍ ପ୍ରେମ ମାଡ଼ାଟ୍ ନୁ ସାର୍ରେ ମୁତ୍ତେ ନିଜେତ୍ ମୁଦ୍ପାଲଡ଼୍କିଙ୍କ୍ ସମ୍ମାନ୍ ଇୱି ।
ମେଣ୍ଡେ ଇୱୁ ସାରେ ଗୁଣାମ୍ ତଡ଼୍ ପ୍ରେମତିଙ୍କ୍ କାଲ୍ପାଟ୍ । ପ୍ରେମ ସାରେ ବିଷୟତିଙ୍କ୍ ପୁରା ମାଡ଼ି ଅଣ୍ଡୟ୍ତାଗ୍ ମାଡ଼ିତ୍ ।
ୱେରଙ୍କ୍ ୱିଡ଼୍ସି ଇର୍ୱୁଡ଼୍ ସାୟେ, ବାତେଙ୍କ୍ଇତ୍କେ ଅଡ଼୍ ନିଜର୍ ନିଜର୍ ତିପାଲ୍ତେ ସାୟେତ୍ କାୟା ପାହେମ୍ ଆଦ୍ତଡ଼୍ । ଅଡ଼୍ ରାଲ୍କେ, ୱେରଣ୍ଡ୍ ନିଜର୍ ତଡ଼୍ଦାଦିଙ୍କ୍ ତେତିତଣ୍ଡ୍; ମାତର୍ ବେନ ରାଲାନ୍ ୱେଲେ ୱେରଣ୍ଡ୍ ମାନ୍ତ୍ତଣ୍ଡ୍ ନୁ ବେନଙ୍କ୍ ତେତାନ୍ ମାଇଦିଙ୍କ୍ ୱେର୍ଅର୍ତୁଣ୍ଡ୍ ଇଲକଟ ମାନ୍ତଣ୍ଡ୍, ଅଣ୍ଡ୍ ଅବିସାପ୍ ପାହେମ୍ ଆତ୍ତେ ନାରୁଣ୍ଡ୍ । ମେଣ୍ଡେ, ଇର୍ୱୁଡ଼୍ ଅଣ୍ଡୟାଗେ ଉଞ୍ଜ୍କେ କାମ୍କେଆଦ୍ତଡ଼୍; ମାତର୍ ୱେରଣ୍ଡ୍ ବେଦ୍ପୁଟୁଙ୍କ୍ କାମ୍କେ ଆଦ୍ ପାର୍ଦ୍ତଣ୍ଡ୍ ? ବେସୁଙ୍କ୍ ବେନ ୱେରଣ୍ଡ୍ ମାନ୍ଦାନ୍ ନାରୁଙ୍କ୍ ଆରା ମାଡ଼ିତଣ୍ଡ୍, ଆଲାଇତ୍କେ ଇର୍ୱୁଡ଼୍ ଅଂକିଙ୍କ୍ ଦମ୍କା ମାଡ଼ିତଡ଼୍; ମେଣ୍ଡେ, ମୁଣ୍ଡ୍ ମାଡ଼୍ତେ ମାନ୍ଦାନ୍ ନଡ଼େ ସିଟ୍ପାଟ୍ ତେଗ ।