Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
ጋፑዋ ናሹሞና ኔ ዒኖ ጋራ ታና ኮንኮጉዲ ጫርጊ ሃሼ፤
ኔኤኮ ኩጮይዳኣ ዒማይዲ ታና ሌሊ ዓርቄ።
ናሹሞ ሃይቢጉዲ ዎልቄና ዓኣያኬ፤
ዒናፓ ናሽኮ ናሹሞዋ ዱኡፒጉዲ ፑርታኬ፤
ናሹሞ ሼኤላሢ ፆኦሲ ታሞ ሼኤሎጉዲኬ።
ሚርጌ ዋኣሢ ናሹሞ ታሚ ዎዻኒ ዳንዳዑዋሴ፤
ዬይ ዺቦ ዋኣፃ ዔኤዻኒያ ዳንዳዑዋሴ፤
ዓሲ ፔኤኮ ዓኣ ቆሎና ቢያ ናሹሞ ሻንቃኒ ማሌቴ
ናሹሞ ሚኢሼና ሻንቂንቱዋኣሢሮ ዬይ ሚሚኢቻ ባኣዚ ማዓኔ።
ዑኡቴሎኮ ጌርሲንሢ ዓይኑሞ
ታኣኮ ናሽኪንታያ ሜዔ ዑኡቴሌ
ፔቴና ኔኤኒ ታና ዛጌ ዛጎና
ኔኤኮ ቆርጮይዳ ዓኣ ሚዛጶ ፓልማሢና
ዒኖ ታኣኮ ኔኤኒ ዲዔኔ።
ናሹማ ኔኤሲ ዎይኖ ዑዣፓ ባሼ ታና ዎዛሳያ ማዔሢሮ
ኔ ሙሱራ ታና ሄርቆንጎ።
ኔኤኒ ቲሽቴ ቲዣ ቃራ ሳውቃያኬ፤
ሱንፆ ኔኤኮ ዔኤሊፃ ሳውቃ ቲዦ ፑኡኪሢጉዲኬ፤
ዉዱራሢ ኔና ናሽካሢ ዬያሮኬ።
ታ ሚሼ! ዎዚ ኔኤኒ ሚዛጳይ!
ዓውካራ ኔኤኮ ዎዚ ኮሽካይ!
ዓኣፓ ኔኤኮ ዶኦሌ ዓኣፒጉዲ ሚዛጳኔ።
ዑኡቴሎ ዓይኑሞ
ታ ዒሼ! ኔኤኒያ ሚዛጲታንቴሞ፤
ኮሺ ኔ ታና ዎዛሳኔ፤
ሻኣላ ኑኡኮ ዋርቂ ዓኣ ማኣቲጉዲ ዎዛሳያኬ።
ዑኡታሢ ዓይኑሞ
ሄሊሳዖ ናንጊና ናንጋ ጎዳ ማዔ ፆኦሲ፦ «ዓሢ ፔኤሮ ናንጋሢ ኮሺቱዋሴ፤ ዬያሮ ዒዛና ጊኢጋያ፥ ሃሣ ዒዛ ማኣዳንዳያ ላጌ ታኣኒ ማዣንዳኔ» ጌዔኔ።
ናንጊና ናንጋ ጎዳ ማዔ ፆኦሲ ዓሢኮ ጎኦባፓ ዔኬ ባራንፆ ሜጌፄሎ ላኣሊ ማሂ ማዢ፥ ዓሢ ኮራ ዔኪ ሙኬኔ። ዓሢ ዒማና፦
«ሃይሾ ጋፒንፆይዳ ታኣኒ ታና ማላያ ዴንቄኔ፤
ዒዛ ታኣኮ ሜጌፃፓ ጴዼ ሜጌሢኬ፤
ታኣኮ ዓሽኮይዳፓ ጴዼ ዓሽኪኬ፤
ዓቲንቄፓ ጴዼያ ዒዛ ማዔሢሮ ‹ላኣሊ› ጌይንቶንጎ» ጌዔኔ።
ዓቲንቄ ዓዶና ዒንዶና ሃሺ ማቾና ዎላ ማዓሢ ዬያሮኬ፤ ላምዖንሢያ ፔቴ ማዓኔ።
ማቻ ናንጊና ናንጋ ጎዳይዳፓ ዒንጊንታ ዓንጆ ማዔሢሮ
ማቾ ኔኤኒ ዔኬቴ ኮሺ ባኣዚ ኔ ዴንቄኔ ጌይሢኬ።
ዬያሮ ዼጋቶና ዓኣዖ ኔ ዔኬ ማቻ ቃራ ዓልቃ ዋኣሢ ማዔሢሮ ኔኤም ዓንጂንቶንጎ፤ ዒዞና ዎላ ዎዛዼ። ዒዛ ናሻ ሞይሌ፤ ሃሣ ጊንሣ ሚዛጲ ጌንዖ ኔኤም ማዖንጎ። ዒዞኮ ሚዛጱማ ቢያ ዎዴ ኔና ዎዛሳያ ማዖንጎ፤ ሃሣ ዒዞኮ ናሹሞና ቢያ ዎዴ ዎዛዼ። ታ ናዓሢዮ! ዞኦዛ ኮኦማ ላኣሎና ኔ ዓይጋ ዲዒንቲ ዔውታይ? ሜሌ ዓሲ ላኣሊና ዎላ ኔ ዓይጋ ላሃይ?
ዬያሮ ዔያታ ፔቴኬ፤ ላምዖቱዋሴ፤ ፆኦሲ ዎላ ዋኣፄዞንሢ ዓሲ ቡሎፓ» ጌዔኔ።
ናሹሞ ጊቢ ዳንዳዒሳያኬ፤ ሃሣ ኮሺ ባኣዚ ማዺሻኔ፥ ቂኢሪሱዋሴ፥ ሄርሺንቲሱዋሴ፥ ዖቶርሱዋሴ፤ ኮይሱዋያ ባኣዚ ማዺሹዋሴ፥ ፔ ባኣዚ ሌሊ ኮይሲሱዋሴ፥ ዻጋሱዋሴ፥ ዻቦናቴያ ዻቢንቶ ዓርቂሱዋሴ። ናሹሞ ዓኣ ዓሲ ጎኔ ማዔ ባኣዚና ዎዛዻኣፓዓቴም ፑርታ ባኣዚና ዎዛዹዋሴ፤ ቢያ ባኣዚ ጊቢ ዳንዳዒሳኔ፤ ቢያ ባኣዚና ፆኦሲ ጉሙርቂሳኔ፤ ቢያ ባኣዚዳ ሃጊ ማዓንዳ ዎዛ ጌሢሳኔ፤ ቢያ ባኣዚያ ዶዲ ዓኣሢሳኔ።
ዓኒንሢ ፔና ናሽካሢጉዴያ ፔ ማቾንሢ ናሽካኒ ኮይሳኔ፤ ፔ ማቾ ናሽካሢ ፔና ናሽካኔ። ዎይቲ ጌዔቴ ፔና ዒፃ ዓሲ ዖኦኒያ ባኣሴ፤ ጋዓንቴ ኪሪስቶሴ ሺኢጲፆ ማኣሮ ዓሶ ሙኡዚ ሙኡዚ ካፓ ጎይፆ ዒዚ ሙኡዚ ሙዒ ሙዒ ፔናኣ ካፓኔ።
ጋዓንቴ ሃይ ባካ ዒንሢማ ማዓያኬ፤ ዬያሮ ዓኒ ፔ ማቾ ፔናጉዲ ማሂ ናሽኮንጎ፤ ማቻኣ ዓኒ ቦንቾንጎ።
ዬያ ቢያሢኮ ዑሣ ቢያሢ ፔቴይዳ ማሃ፥ ናሹሞ ዓኣያ ማዑዋቴ።
ዔያቶ ማዾኮ ዓኣፓ ኮሺ ማዓኒ ዳንዳዓሢሮ ፔቴ ሌሊ ማዒሢፓ ላምዖ ማዒሢ ባሼኬ። ላምዖ ዓሲፓ ፔቴማ ሎኦሜቴ ባጋሢ ዔቂሳንዳኔ፤ ፔኤሮ ሌሊ ማዔ ዓሲ ሎኦሜቴ ዬያ ዔቂሳንዳ ዓሲ ባኣሢሮ ዒዛ ባዴዔ። ላምዖ ዓሲ ዎላ ላሄቴ ዖዖይዻኔ፥ ፔኤሮ ላሄ ዓሲም ዎዲ ዖይዻንዳይ? ፔቴ ዓሲ ፔኤሮ ሌሊ ማዒ ቃዛኒ ዳንዳዑዋ ባኣዚ ላምዖ ማዒ ቃዛኒ ዳንዳዓኔ፤ ሃይሦ ማሂ ቢኢሪ ሱኪንቴ ሻላታዖ ዑኬና ዱጱዋሴ።
ፆኦሲ ዒንሢንታ ዒንሢኮ ማቾንሢንታ ፔቴ ዑሢና ፔቴ ዓያናና ዓኣያ ማዓንዳጉዲ ማሂባኣዓዳ? ዬይ ዒዛኮ ማሊፃ ዓይጌንዴዳይ? ዒዛኮ ዼኤፖ ማሊፃ ፆኦሲኮ ዴሬ ማዓ ናይ ዒንሢ ሾዓንዳጉዲ ኮይሢናኬ፤ ዬያሮ ዒንሢ ፔቴ ፔቴሢ ፔኤኮ ማቾንሢም ጫኣቄ ጫኣቁሞ ሻሁዋጉዲ።
ዱማ ዱማ ዎጌ
«ዑኬ ላኣሊ ዔኬ ዓሲ ዖልዚ ዖላንዳጉዲ ዎልቄና ዳካንዳያ ኮይሱዋሴ፤ ሃሣ ሜሌ ማዾዋ ዎልቄና ማዻንዳያ ኮይሱዋሴ፤ ዒዚ ፔቴ ሌዔ ዓይጎ ባኣዚያ ዎልቃዺ ዓይሢንቱዋዖ ሜታ ባኣያ ማዒ ፔ ማኣራ ማቾ ዎዛሶንጎ» ጌዔኔ።