Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Nnịm miin nte ufiikñkpọ idiọọñọ ke esịd mfo,
nte ufiikñkpọ idiọọñọ ke ubọk mfo;
sia ima asọñ adudu nte ñkpa,
ufịb amọ asọñ ubọk nte udi.
Anye asak nte ekamba ikañ,
nte ataa ekamba edemeikañ.
Uwak mmọọñ ikanna inịme ima;
Mme inyañ ikanna ikwọọk anye iduọọk.
Adieke awo akpenọọhọ
afịd inie ke ufọk amọ ke ntak ima,
ekpeneenekke esịn anye ke ata ndek.
Mme Ufan
Afo ameyịp esịd mmi, ayịneka mmi, anwaanndọ mmi;
afo ameyịp esịd mmi
ke akañ keed anyen ndise mfo,
ye ñkpọitọñ keed ake afo akọñọke.
Yak anye antʌm miin inua ye ntʌminua ake inua amọ,
sia ima mfo annem miin esịd akan ukọd.
Ufịk nti pefium mfo anneenem;
anyịñ mfo atie nte pefium e-eduọkkọ.
Idooho ñkpọ ñkpaidem ke ñkparawa ibaan uma fiin!
Afo ayaiya die ntom, edima mmi!
Sai, ameyaiya tutu!
Anyen mfo ado mme ibiom.
Awonwaan
Afo ayaiya die ntom, awoima mmi!
Sai, se naña anduọhọ!
Ikʌk ñnyịn anyʌñ aseseghe.
Awodeen
Akema Abọọñ Abasi amaabo ate, "Ifọnnọ awodeen adiba ikpọọñ. Ami ñyaabot awo unwam a-adotto ye anye."
Abọọñ Abasi amaakama akpọñkañ a-anye akesioho ke idem Adam abot awonwaan, anyʌñ aben anye asọk Adam.
Adam amaabo,
"Anye ami ndin ado akpọ a-atooho akpọ mmi
ye abʌk a-atooho abʌk mmi;
anye adiikere ‘awonwaan,’
sia ekesio anye eto awodeen."
Ntak ado anam awodeen akpọñ ete ye eka amọ akediana ye anwaan amọ, ndin ammọ ekappa edo abʌk keed.
Awo a-akịtte anwaan a-akịt eti ñkpọ
anyʌñ abọ mfọn ato Abọọñ.
Yak ediọñ ñkpọdiọhọ mmọọñ mfo,
ñko afo ayaakop inem ke anwaan uyịn mfo.
Edima akoyo, uyaiya edob,
yak eba amọ uyʌkkọ fiin afịd ini,
yak ima amọ unaam fiin nte ukọd.
Ayịn awodeen mmi, nsoo inam yak anwaan awo mfen unaam fiin nte ukọd?
Nsoo ido nọ afat ikpanesịd awonwaan akpara?
Ndin ammọ idooho awo iba aba, ado edido abʌk keed. Ke ntoro, se Abasi amaakedian, yak awo ndomokeed akuudiañña."
Ima ado ime, ima afọfọn ido. Inieghe udu, inyʌññọ iduaak inua, ikokkoke idem. Inanake ukpono inọ mbon mfen, iyemme ufọn idem amọ, isọppọ iyadesịd, ibatta nnamndue. Ima ikoppo inem ke idiọọk, ado adaara ke akpanikọ. Ima akpekpeme afịd ini, anịm ke akpanikọ, anie idodanyen, anie nsọọñọnda.
Ke ukem usʌñ ami, ana mme ebe ema ibaan ammọ. Awo a-amaaha anwaan amọ ama idem amọ. Ke adinekke nse, kpaanam awo ndomokeed isuaha idem amọ, ado anọ anye ndidia anyʌñ akama anye afọn, kpa naña Krais ama ufọkabasi.
Kpayeado, awo keedekeed ana ama anwaan amọ naña anye ama idem amọ, ndin ana anwaan akpono ebe amọ.
Ndin ke akanna afịd mme nti ido ami, isịne ima, a-abọppọ afịd ammọ adian keed ke usʌñ a-afọnnọ ama.
Awo iba e-efọn ekan awo keed,
sia ammọ enie eti udod eto utom ammọ:
Adieke keed ke atu ammọ aduọhọ,
keed akeme adinwam anye ako nọ adakka ada.
Ado mbọm awo a-aduọhọ
ndin inieghe awo se inwam anye nọ adakka ada.
Ñko, adieke awo iba enaaha itie keed, ammọ eyaekop ufiob.
Ado awo keed akeme die adikop ufiob ikpọọñ?
Akpesʌkado ekeme edikan awo keed ke anwan,
awo iba ekeme edida ñnwana ñnyaaña idem ammọ.
Udʌk a-awañake ita ikemeke adisọp ñkịppe.
Nte idooho Abasi keed akibot ndufo? Abasi inie ndufo ke abʌkidem ye ke sịbidịd. Ndin nsoo ke Abasi keed ami ayem? Enọ asañake ye mbaak Abasi. Ke ntoro kpeme idem, kuunyʌñ utre adinam akpanikọ nnọọ anwaan uyịn mfo.
Awodeen akpedọ anwaan ufa-ufa, inaaha enọ anye aka ekọñ me edọñ anye utom mfen. Ana esaana anye eyaak nọ anye atie ke ufọk ke isua keed anyʌñ anọ anwaan a-anye adọọhọ inemesịd.