Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
तें मोला मुहर के सहीं अपन हिरदय म लगा ले,
अऊ मुहर के सहीं अपन बाहां म लगा ले;
काबरकि मया ह मिरतू के सहीं बलवान ए,
येकर जलन ह कबर के सहीं निरदयी अय।
येह धधकत आगी सहीं बरथे,
येह एक बड़े जुवाला सहीं बरथे।
पानी के बाढ़ ह घलो मया ला नइं बुता सकय;
नदीमन येला बहाके नइं ले जा सकंय।
यदि कोनो अपन घर के जम्मो संपत्ति ला
मया के बदला म दे देवय,
तभो ले ओ संपत्ति ला बहुंत तुछ समझे जाही।
हे मोर बहिनी, मोर दुलहिन, तेंह तो मोर मन ला मोही डारे;
अपन आंखी के एक नजर ले,
अपन माला के एक ही हीरा ले,
मोर मन ला मोही डारे।
ओह अपन मुहूं ले मोर चूमा लेवय—
काबरकि तोर मया ह अंगूर के मंद ले जादा खुसी देथे।
तोर इतर के खुसबू ह बने लगथे;
तोर नांव ह ढारे गय इतर के सहीं अय।
एकरसेति जवान माईलोगनमन तोर ले मया करथें!
हे मोर मयारू, तें कतेक सुघर हस!
सिरतों म, कतेक सुघर हस!
तोर आंखीमन पंड़की के सहीं हवंय।
हे मोर मयारू, तें कतेक सुघर हस!
सिरतों म, कतेक मोह लेनेवाला हस!
अऊ हमर दसना ह ताजा हवय।
फेर यहोवा परमेसर ह कहिस, "मनखे के अकेला रहई बने नो हय। में ओकर बर एक अइसन मददगार बनाहूं, जऊन ह ओकर ले मेल खावय।"
तब यहोवा परमेसर ह आदम ले निकाले ओ पसली म ले एक माईलोगन बनाईस, अऊ ओला आदम करा ले आईस।
तब आदम ह कहिस,
"अब येह मोर हाड़ा म के हाड़ा
अऊ मोर मांस म के मांस अय;
एकरसेति येला ‘नारी’ कहे जाही,
काबरकि येह नर म ले निकाले गे हवय।"
एकरे कारन आदमी ह अपन दाई-ददा ला छोंड़के अपन घरवाली संग मिले रहिही, अऊ ओ दूनों एक तन होहीं।
जऊन ह माईलोगन ले बिहाव करथे, ओह बने चीज पाथे
अऊ यहोवा के अनुग्रह ओकर ऊपर होथे।
तोर पानी के सोता आसीसित रहय,
अऊ तें अपन जवानी के घरवाली संग आनंद मना।
ओह तोर बर एक मयारू हिरनी, एक सुघर सांबरनी सहीं होवय—
ओकर छाती ह तोला हमेसा खुस रखय,
अऊ तेंह ओकर मया म हमेसा बंधे रह।
हे मोर बेटा, आने मनखे के घरवाली के मया म तेंह काबर मोहित होबे?
अऊ एक छिनार ला अपन छाती ले काबर लगाबे?
ओमन अब दू नइं, पर एक अंय। एकरसेति, जऊन ला परमेसर ह जोड़े हवय, ओला कोनो मनखे अलग झन करय।"
मया ह धीरज धरथे अऊ येह दयालु ए। मया ह जलन नइं रखय, येह डींग नइं मारय, अऊ येह घमंड नइं करय। मया ह खराप बरताव नइं करय; येह अपन खुद के भलई नइं देखय, येह जल्दी गुस्सा नइं होवय; येह काकरो बात के बुरा नइं मानय। मया ह कुकरम ले खुस नइं होवय, पर सच बात ले खुस होथे। मया ह जम्मो बात ला सह लेथे, जम्मो बात ऊपर बिसवास करथे, जम्मो बात के आसा रखथे अऊ जम्मो बात म धीरज धरे रहिथे।
एही किसम ले घरवालामन बर उचित ए कि अपन-अपन घरवालीमन ले अपन खुद के देहें सहीं मया करंय। जऊन ह अपन घरवाली ले मया करथे, ओह अपनआप ले मया करथे। कोनो मनखे अपन खुद के देहें ले घिन नइं करय, पर ओह ओकर पालन-पोसन करथे अऊ देखरेख करथे, जइसने कि मसीह ह कलीसिया के संग करथे;
पर जइसने घलो होवय, तुमन ले हर एक झन अपन घरवाली ला अपन सहीं मया करय, अऊ घरवाली ह अपन घरवाला के आदरमान करय।
अऊ ये जम्मो बात के ऊपर मया ला बनाय रखव, जऊन ह तुमन ला सही एकता म एक संग बांधके रखथे।
एक ले दू झन बेहतर होथें,
काबरकि ओमन ला ओमन के मेहनत के बेहतर परतिफल मिलथे।
कहूं ओमन ले एक झन ह गिर जावय,
त दूसर ह ओला उठे म मदद करथे।
पर ओकर ऊपर तरस आथे, जऊन ह गिरथे
अऊ ओला उठे म मदद करे बर कोनो नइं रहंय।
कहूं दू झन संग म सुतथें, त ओमन एक-दूसर ला गरम रखथें।
पर एक झन अकेला अपनआप ला कइसे गरम रख सकथे?
अकेला मनखे ला हराय जा सकथे,
पर दू झन अपन बचाव कर सकथें।
तीन ठन डोरी ले बने रस्सी ह आसानी से नइं टूटय।
का एके परमेसर ह तुमन ला नइं बनाईस? तोर देहें अऊ आतमा ओकर अय? अऊ परमेसर ह का चाहथे? परमेसर के भक्ति करइया संतान। एकरसेति सावधान रह, अऊ अपन जवानी के घरवाली के संग बिसवासघात झन कर।
यदि कोनो मनखे ह नवां-नवां बिहाव करे हवय, त ओला लड़ई म झन भेजे जावय या ओला कोनो आने जिम्मेदारी झन दिये जावय। ओला एक साल तक अपन घर म रहे के छूट मिलय अऊ ओह अपन बिहाता घरवाली ला खुस रखय।