Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
मोला आपरो दिल मा एक मूहर को जसो राखो
अना आपरो बाही मा एक ताबीज को जसो,
काहेका पिरेम मवत को जेतरो मजबूत से,
एको ईरसा समाधी को जसो निरदयी से
यो धड़कतो स्तो को जसो जरासेत,
एक ताकतवर धगाड़ी की जसी।
पानी की पूरा लक भी, अखिन ना
महानदीगिन लक पिरेम नही बुड़ सका से
बायको को भाऊ
अदि कोनी आपरी सप्फा सम्पति भी
पिरेम को बदला मा दे-दे
तबा भी फिकी पड़ जाहे।
अवो, मोरी लगत चहेती,
तूना मोरो मन मोह लियो से,
तूना अपरी निघा अना अपरो गरो
एकच माला लक मोरो मन ला चोराय लियो से।
उ आपरो टोन्ड को चुम्मा गिन लक मोला चुमे!
काहेका तोरो पिरेम अंगुर को रस लक साजरो से,
तोरो बेगरो-बेगरो को इतर को महेक भी साजरो से,
तोरो नाव उबड़ाय हुयो इतर को जसो से;
एकोलाय कुवारीगिन तोरो लक पिरेम राखासेत।
नवरदेव
अवो, मोरी पिरेमी तू खोपसुरत सेस;
तोरा डोरा परेवा जसी सेत।
नवरी
अगो! मोरो पिरेमी तू खोपसुरत अना मन ला लुभान वारो से।
अना आमरो हतरोना हिवरो गवथ होहे ।
मंग यहोवा परमेस्वर ना सांगीस "आदम को एकलो रव्हनो बेस नही से; मि ओको साठी एक असो सहायक बनाऊ जो ओको लक मेल खाय सकेह।"
अना यहोवा परमेस्वर ना ओनो पसरी ला जोन ओना आदम मा लक हेड़ी होतीस, आईमाई बनाय देइस;अना ओला आदम को कठा आनीस। तबा आदम ना कह्यो, "अबा यो मोरी हडडी गीन मा की हडडी अना मोरो मांस को मांस से। एकोलाय एको नाव आईमाई होहे, काहेकि यो मरद मा लक हेड़ी गयी से।" एकोलाय मानूस आपरो माय बाबूजी ला सोड़हेत अना आपरी बायको लक मिलयो रव्हे, अना वय एकच तन बनो रहेत।
असो परकार अबा परमेस्वर वय दूई ला एकच तन कह्यो सेत ता "उनला कोनी बेगरो नोको कर सका सेत?"
माया सहन करनवारा सेत अना दयालू सेत। माया न तो जलन करासेत ना डीग हाका सेत ना गरब करा सेत। माया सोभा नही देवनवारा बेवहार नही करा सेत। उ आपरो सुवारत नही ढूढा सेत। माया न तो हिजड़ा सेत अना बुराई को गिनती नही राखा सेत। उ अन्याय लक नही, पर सच्चो चाल लक खूस होवासेत। उ सबा काही ला ढाँक देसे, सबा काही पर भरोसा ठेवा सेत। सबा काही को आस राखासेत, अना सबा सह लेवा सेत।
ऐना तरीका लक जरुरी से की नौरा भी आपरो बायको लक आपरो बदन को जसो माया करेत, जोन आपरो बायको लक माया करासे। उ खुदच आपरो आप लक माया राखासे। कोनी आपरो बदन लक ता कबच गुस्सा नही राखा पर उ ओला पाला पोससे, अना ओको धियान राखासे वसोच जसो मसीह आपरी कलीसिया को
एकोलाई काही भी होय, तुममा ला हरेक ला आपरी बायको लक वसोच माया करनो चाहिसे जसो तुमी खुदच अपरो आपला करोसो। अना एक बायको ला भी आपरो मरद को डर मानत हुयो ओको मान करनो चाहिसे।
ऐन सब सुभाव मा माया जुड़से जोन सबला एक संगा बाँध लेव।
एक लक साजरा दुई से, काहेकि उनको मेहनत को साजरो फर मिलासे। अदी एक मानूस पड़ जाहेत ता दूसरो वोको मदत करहेत। पर कोनी मानूस को एखलो रव्हनो साजरो नहात काहेका जबा उ पड़हे ता वोको कोनी मदत करनवारो नही रव्हेत। मंग दुही झन संग मा झोपेत ता वोय गरम रहेत, पर कोनी एखलो कसो गरम होय सकासे? एखलो मानूस ला बैरी हरा देहेत, पर वोच बैरी दोन मानूस गिनला नही हरा सकेत। अना तीन बैरी पर लगत भारी भयी जाहेत जसो का तीन आट को दोरी ला तोड़नो लगत कठीन सेत।