Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Tegani o GOSPOD o Devel phenđa: "Nane šukar zako manuš te ovel korkoro. Ka ćerav lese pomoćnica koja ka priličini lese."
Oto rebro savo ikalđa e manušestar, o GOSPOD o Devel ćerđa e đuvlja hem anđa la anglo manuš.
A o manuš phenđa:
"Ače, napokon kokalo mle kokalendar
hem telo mle telostar!
Nek vičini pe ‘đuvli’,
adalese so lelja pe e manušestar."
Adalese o manuš ka ačhaj pe dade hem pe daja hem ka ovel jekh pe romnjaja, hem on duj ka oven jekh telo.
Ađahar, on nane više duj, nego jekh telo. Adalese, o manuš te na rastavini okolen so o Devel ćerđa te oven jekh!"
O mangipei strpljivo hem ljubazno. O mangipe nane ljubomorno hem na hvalini pe, na ćerela pe barikano, na ponašini pe nepristojno, na rodela plo, na holjani, na pamtini o bišukaripe, na radujini pe zaki nepravda, a radujini pe zako čačipe, sa podnosini, nikad na našali pli vera, uvek nadini pe, sa trpini.
Ađahar hem o roma dužnai te volinen pumare romnjen sar pumaro telo. Ko volini pla romnja, korkoro pes volini. Adalese so, niko nikad na mrzinđa plo telo, nego parvari le hem brinini pe olestar, sar so hem o Hrist e Khanđirjatar.
Ađahar svako tumendar te volini pla romnja sar korkore pes, a i romni te poštujini ple rome.
Upro sa adava urjen o mangipe, savo sa adava ićeri ano savršeno jedinstvo.