Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
'A guna ga’a 'o sanga were’a, unanga 'o bara’utungu,
re unanga ro sanga 'utungu ra Ma JOU.
Sababu gena-ge, ngana no masa-sanangi tani were’a masiretene; no disa 'ani 'akala re sinyingara ma sanangi pa’i tani were’a ma dutu ḇato: munanga lai mo rousu, ma tero manjanga were’a ma mosolese. Sieanga i’a, 'Ami lese ma duhu ma rousu 'i si’a’a ngana no pona, sieanga i’a, 'ami dadalara 'i si’a’a ngana no waro gogare riwara. Hai, 'ari ngowa’a nau’u, i’a sa’olo no nyafusu we-were’a su-sudala, di’a 'oru no otu reo were’a nakala?
Dadi ananga 'aḏi dadi nga muḏiḏi riwara, mada’a raḏi dadi rimoi. Sababu gena-ge, 'oru ga’a Ma Jou’ongu Madutu ra sirimoi, manusia wa sito-tola’a yoḏu’u."
Matengo ga’a 'o dadalara ngowa’a lelegu, unanga gena-ge 'ai 'akala ḇanyo, 'ai 'akala lai rousu, ham-ham ua, matoro ua re momole ua. 'Ai de’oso re ḏegoro lai rousu toma ngowa-ngowa’a lelegu, disa pa’i 'ai paralu ḇato ua, capati ruta ua, gogono 'akala re sinyingara ua. Matengo ga’a 'o dadalara ngowa’a lelegu, 'o sanangi ua na’o ngowa’a lelegu 'aḏi 'a’a 'ori i’a ma jira. Mada’a 'o maroanga pa’i na’o ngowa’a lelegu 'aḏi 'a’a 'ori i’a ma la-la. Unanga 'o tahana talaḏi 'oru ḇato toma ngowa’a lelegu ino, 'o ngaku 'oru ḇato ga’a la-la mangale ngowa’a lelegu. Unanga 'o masinganono tau-taunu ngowa’a lelegu manga de’oso re ḏegoro 'i dadi la-la. Re 'o pake 'akala ḇanyo tau-taunu toma ngowa’a lelegu.
So’o gena ḏi’i, nau’u balasu ni dadalara ninga were’a ma tero sa’olo ni dadalara ninga lese masiretene. Unanga ga’a 'a dadalara 'ai were’a, ma duhu gena-ge unanga 'a dadalara 'ai lese masiretene ḏi’i, sababu matengo i’a mai ua 'a emono 'ai diri masiretene! Siḏibo ḏi’i unanga 'a kalesanga re 'a jaga, ma tero sa’olo Kristus 'a palihara re 'A jaga 'Ai jama’ata,
Kalaha so’o gena, bu-bula’a gena-ge di’a ngini ḏi’i: Nau’u balasu 'o dadalara 'ai were’a ma tero sa’olo unanga 'o dadalara 'ai lese re were’a balasu mo silamo’o 'ami nau’u.
Mo-moini gena-ge ma la-lamo’o ma re’u i’a: Ngini balasu ni ma’u dadalara. Sababu dadalara gena-ge 'i si’a’a ngini ni 'ahu marimoi ti-tiai.
Na’o ngowa’a nau’u matengo unanga aro 'oro 'ai were’a, awa unanga 'o tagi parangi mamete’e reo sordado, bolo sipula’a munara rimoi di’a rayata. Ma di’ara musungu rimoi unanga balasu bebasa di’a urusu 'ai ngitu re ngale, la 'o sisanangi were’a ga’a unanga aro 'oro sa’olo 'ai were’a.>>