Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Barübana bürüñu tidan banigi,
barübana bürüñu luagu barüna!
Héreti ínsiñeni kei óunweni;
dereti emeidini kei umúahaü.
Ítara liña lisü ínsiñeni kei watu gemeti!
Ni lidunari sun barana,
lásiñarubei ínsiñeni éñegucha;
ni duna éibaaguati lásiñarubei giñe éñegucha.
Anhein hamuga abusenra aban gürigia
lasansiruni sun lirisin luagu ínsiñeni,
adügǘwarügübei bula lau.
Koru:
Íweruhaba nanigi, nitu, nadari;
íweruhaba nanigi láurügü barihin nuagun,
lau aban lídangiñe lifilun biñari.
Chubei niyuma lau biyumaaru!
Bímetimati basupahan sügǘ tau diwéin.
Buiti líhemen bibiñe, ibiñein áwiyuruti bíribei.
Ligía bínsiñebei houn hiñaruñu!
Magadiñetibu númari,
úatu magadiñetu kei buguya!
Ámirihati bagu lau ínsiñeni!
Tuguya:
Magadiñetibu númari!
Úati magadiñeti kei buguya!
Ligía:
Sagadi hilumati wabararibei!
Lárigiñe, lariñaga Wabureme Bungiu:
—Mabuidunti lun lábuguarügü lan wügüri. Nadüga aban ídemuei lun lidan sun katei.
Aba ladügünu Wabureme Bungiu würi lídangiñe uruhurei ligía, aba larufudunu lun wügüri. Dan le larihinbarun wügüri, aba lariñagun:
«Anati to, lídangiñetu nǘgürügü luma nabu!
"Würi" ligíaba tiri,
ladüga lídangiñe wügüri lasagaroun Bungiu».
Ligía lígirubei lubéi wügüri lúguchi tuma lúguchu, lun laganóun tuma lúmari, ábame hayabin lun ítara haba lan kei ábanrügü gürigia.
Hagamaridun gürigia,
kéigubeirügü hadariruni lubuidun-agei katei;
arufuda lumuti lira luagu buidu lan Bungiu hama gürigia.
Gundaabá lubeiti tuma búmari,
gundaabá tuma to úmaboun bamarieida danbei nibureingidibu;
magadiñetu ani wende tugía kei aban usari.
Hóuburatabu lau tínsiñehabu.
Gundaaguagüdatabu lau tuenden.
Ka san uagu bádaragua bungua tumoun
würi gagabarahatu, niráü?
Ka uagu báguragua bungua tarünarugun?
Mámaaña lubeiti biama, ábanrügaaña. Ligía moun lubéi lafanreinraguni wügüri le ladunraguagüdübei Bungiu.
Le hínsiñehabubei gaguraasunti, areidati, ani magimuganti; mapantanti, manaagun ligía lungua. Manarimeguti, mámarügüñein luougua laritagua; magañidunti, máguyugüdünti wuribani luagu wuribani. Magundaarunti lau marichaü, lagundaarun lau inarüni. Súfuri lumuti le hínsiñehabubei sun katei; afiñe lumuti sun katei; aguraba lumuti sun katei; ani awanda lumuti giñe sun katei.
Ítara liña lunti lan tínsiñedun lúmari wügüri lun kei línsiñe lúgubu guánarügü lun. Le hínsiñehabuti tun lúmari hínsiñeguati lungua. Úati gürigia meberesenti lau lúgubu guánarügü; hóugüdarügü lumuti, góunigilei. Ítara liña giñe ladüga Kristu tun liligilisin,
Lariñaguña giñe dimurei ligía luagu kada lan aban hídangiñe lunti lan hínsiñe tan lúmari lun kei línsiñegua lungua, lun giñe inebe lan túmari würi tun.
Lóugiñe sun katei, hínsiñehabu humá; ligía katei le íchugubalin sun katei lidan aban.
Úarani adügübalin erei
Buítimatiña biama luéi aban, lugundun wéiritimati hafayeiruaha luagu hawadigimari. Ani anhein éiguada aban hádangiñe, liñuragubei le aban. Gama lumoun fugiabu le éiguaduti ani lábuguarügüñein, ladüga úabei kaba lan iñuraguei! Ani ánhaña giñe arounra biámagua lidan aban habacharaguba hawougua, ánheinti ábanrügü, ida lubagia labacharagun? Ábanrügü lábugua ménrengubei láfarahoun, gama lumoun biámagua hénrengubei háfarahoun. Gúrudu le ǘrüwaguati, hénrenguti látumuragun.
Ma funagia ábanmeme Bungiu adügübalin úgubu luma sífiri? Kati lagurabubei Bungiu, ma isaanigu ha deregeguatiña houngua lun? Góunigigua humá lubeiti hungua luéi hani sífiri, gúnfuli huméi dimurei le híchugubei tun húmari!
Lúrudu burí
—Anhein málügili lubéi lúmagiñe lamarieidun aban wügüri, moun lumuti lidin wuriburugu, mafosurúnbei giñe lun ladügün ni amu luwuyeri eseriwiduni luagu aban irumu; ítara luba gayara lan lúbiñe lan sun dan ligía tugundanme lúmari.