amor de Deus

16 «Mazɔlɔɔ GALA ge eteai nɛa ʋɛ, eyɛsu é ná-Doun Zunu ɠila kpegi vea, naa ɠa a kɛ nu nɔpɛ a la da, naa undaa mina ʋili, kɛlɛ é ɠɔoɠɔ zɛnvui zɔlɔɔ.

8 Kɛlɛ GALA ge ná-nɛɛbɛi lɛɛʋɛ ga adeye ga nii, naa ɠa ga Kilista zaani ade ʋɛ, siɛgi zu ade ɠɛni la dɛ ga kotoba nuiti.

38 Mazɔlɔɔ dàaʋɛ da ga faa nɔpɛ ge la zooga é ʋa de ɓeteʋe ná-nɛɛbɛi ʋa: anɛɛ saai, ɓaa zɛnvui, ɓaa geezuɠeelaiti, ɓaa kundiɠilaiti, ɓaa niizu vaiti, ɓaa fai niiti ti ʋaazu, ɓaa zobodaiti, 39 ɓaa geezu aniiti, ɓaa buu ʋele aniiti, ɓaa anɛɛ kpɛtɛanii tanɔpɛ, faa nɔpɛ ge la zooga é ʋa de ɓeteʋe GALA ná-nɛɛbɛi ʋa, kulaai kɛlɛma ga de-Maliɠii Yesu Kilista maaʋele.

3 É ɠɛni ɠɛɛzu ma:

‹Kaite Ɠɔoɠɔ GALAGI ʋaani, é ɓɔɠɔ lɛ ga zè.›

Gè ɠɛni ma nà ɓalaa:

‹Gè è nɛɛʋɛ ʋɛ kaite wɔlɔwɔlɔ,

naa ɠa é ba, nà yɛsu ɠilizu è ʋa gola.

Ná-nuɓɔɠɔlai ɠwɛ ge la ba

1 À Ɠɔoɠɔ GALAGI maamusɛ, mazɔlɔɔ pagɛ,

mazɔlɔɔ ná-wooɠɛɠiladai ɠa yɛsu ná ɠɔ.

8 Ɠɔoɠɔ GALAGI ɠa é zaalai veezu, é ɠɛ ga maawɔinɠaa ƓALAGI,

zii la ɠula fala, kpɛtɛai wooɠɛɠiladai zu.

15 Kɛlɛ, ɗɔun Màliɠii, ɗa ga maawɔinɠa ƓALAGI, nii é zaalai veezu,

zii la ɠula fala, kpɛtɛai nuɓɔɠɔlai ta wooɠɛɠiladai zu.

3 Zekana gè è ɠaazu la è-zeizu ɲadegai,

gè ɗa wɛlɛ è-zɛbɛi ta ɗa-lɛbiyai ʋa.

GALA ka ga nɛɛbɛi

7 Nɛ̀ɛɲɔɠɔiti, ade ɓɔɠɔ nɛɛ ʋɛ de ɠilagilagi pɛ, mazɔlɔɔ nɛɛbɛi zeɠeʋɛ GALA pɔ. Nu-o-nu a nɛɛbɛi ziɛ, naa ɠa ga GALA doun, é GALA kwɛɛ. 8 Zɔi é la ziɛzu ga nɛɛbɛi, naa la GALA kwɛɛ, mazɔlɔɔ GALA ka ga nɛɛbɛi.

9 Wɛlɛ ʋelei GALA ná-nɛɛbɛi ɠulani la kɛlɛma ade ʋɛ: GALA ge ná-Doun Zunu ɠila kpegi leʋeni eteai zu, nii a kɛ de zɛnvui wo ga tɔun maaʋele. 10 Nɛɛbɛi ɠa ga nii: É la ga dɔun ka de GALA nɛai ʋɛ, kɛlɛ tɔun ka é ade nɛɛni ʋɛ, é ná-Doun Zunui leʋe, é ɠɛ ga da-ɠotoiti gba zalaɠai.

11 Nɛ̀ɛɲɔɠɔiti, tɛi GALA ge ade nɛa ʋɛ ɠana, de maanɛɛʋɛ, da ɓalaa, de ɓɔɠɔ nɛɛ ʋɛ de ɠilagilagi pɛ.

16 Adɔun de GALA ná-nɛɛbɛi ɠwɛɛgɛ, é zea de ma vaa ma, tama, de ɠidaaleʋe naama nɛɛbɛi ma. GALA ka ga nɛɛbɛi, zɔi é ziɛzu ga nɛɛbɛi, naa ɠiliʋɛ GALA ba, GALA ka zeini ziimaʋɛ.

19 Adɔun ada nɛɛbɛi wosu, tɔɔzei GALA ka é ade nɛɛni ʋɛ mɔunpa.

GALA dointi

1 À wɛlɛ ʋelei Ɠɛɛɠɛ ade nɛai la ʋɛ! Ná-nɛɛbɛi ɠa é kɛa ade lolisu ga GALA dointi. Tama da ga naati gaamazu. Wɛlɛ nii ɠa é kɛa eteai la de ɠwɛɛ: É la GALA kwɛɛni.

Deve niinɛi

7 Nɛ̀ɛɲɔɠɔiti, deve niinɛ laade, gè ʋa ɠɛ ma vaa zɛʋɛzu wo ma. Toɠa ga deve wɔlɔmai, nii wo sɔlɔɔni tɔɔzeizu mɔunpa. Deve wɔlɔmai tɔna ɠa ga wooi wo mɛnini. 8 Anɛɛ naa ʋe, toɠa ga deve niinɛ, nii gè ma vai zɛʋɛzu wo ma, ma ɠaamai ɠulazu kɛlɛma ga Kilista maaʋele, ta wa ɓalaa wo maaʋele, tɔɔzei kpidii ɠana leʋe, wozakala kitei ɠana volozu niizu.

3 Mazɔlɔɔ ni da GALA nɛɛna ʋɛ, naa ɠa é ga, kɛni de ná-deveiti so. Ná-deveiti ti la ɓaani,

4 Nɛɛbɛi yiilɔɔʋɛ, nɛɛbɛi ʋagɛ. É la toloi ɠɛa, é la ɓɔɠɔ vaa lɛa su, é la wasoga.

17 Mazɔlɔɔ Ɠɔoɠɔ GALAGI wa-ƓALAGI ɠa wo zaama,

ga kɔɔɠɔ ɠuluɓai é wo ɠizosu.

Toɠa wo ɠaanɛɛnɛzu ga ná-nɛɛbɛi,

toɠa koozunɛ wuyei loo wa-vaa zu.»

17 Nɔ̀un nà, naati kpein nɛɛʋɛ bɛ̀, niiti ti nɛ̀ɛzu ʋɛ,

niiti ti gàiziɛzu, naati ta pɛ̀tɛ.

4 Tɔɔzei è-zɔngɔi wɔɔlɔʋɛ gàazu,

tɔɔzei unfe ka è ma, ta gè è nɛa ʋɛ,

nà nuiti fe è-ʋotogi zu,

gè nuɓusɛiti fe è-yɛnvui vai zu.

9 Nii gi mɛnini, gi naa ɠa gá ɓɔɠɔi

Ɠɔoɠɔ GALAGI ná-taazuʋɛ, Fai-Pɛ-Maliɠii, gá-ƓALAGI ná-taazuʋɛ,

GALA ka sasulɔ eyɛsu ɠɔ.

10 Mazɔlɔɔ zɛnvu ɗɛungi ɠa è ɠobaʋɛ nɔ,

ɗa-wozakalagi ʋɔ, gá wozakalagi ɠaazu.

20 Gá Kilista gi ɓadɔni saa wului ma. Nà la mɔ de gè ʋa ɠɛ zɛnvui wosu, Kilista ɠa é yɛnvuzu sù. Zɛnvui gè bosu niina, nà bosu ga kidaaleʋei maaʋele GALA Doun Zunui ma, nii é nɛ̀a ʋɛ, é yee zeɠe ɓɔɠɔ maazu nà-faa zu.

4 Kɛlɛ GALA nii ná-gaazumaawɔinɠai zuwɔɔlɔai gola, tɔɔzei ná-nɛɛbɛ wolai ʋa, é de nɛai la ʋɛ, 5 siɛgi zu de zaa ɠɛni de la zɛnvu zu vaiti tetemazu, da-vaaɠaazagiti maaʋele ma, é zɛnvui vea ade ya Kilista ʋɔ. Zaalai ɠa wo ɠizogai la.

5 Maliɠii lo wo-yiimaʋɛti tuɠɔ, ti laazeeli GALA ná-nɛɛbɛi zu faan, ta é ziilɔɔi ma zobogi ve wo ʋɛ ga Kilista ɠɛʋele faan.