amor de Deus
O amor de Deus é a maior realidade do universo. Ele nos amou com amor eterno, incondicional e sacrificial — e nada no mundo pode nos separar desse amor.
Amor eterno
Deus amou o mundo de tal maneira que deu o seu Filho. Seu amor é de eternidade a eternidade — nunca falha.
Pigginawa͡an to-o na Tyumanem ya kadég na manga utaw, aw yan ya du-an na pig-atag nan ya kanan Iseꞌ na tamisa pada pangkay singalan ya mangintu-u kanan diliꞌ sakanan pa-emel-emelen, manang makatagtun baling sa ginawa na walaꞌ ya katigkasan.
Manang ya Tyumanem, pangkay makasasalaꞌ kitadun, pigpakitaꞌ nan ya kadakulaꞌ na pagginawa nan magi dun ni pagkamatay ni Kristu adti krus kalyu kanaten.
Kay kya-ede-an da ku na walaꞌ ya maka-elet kanaten lekat adti pagginawa na Tyumanem. Pangkay pa ya pagkamatay aw ya pag-eyaꞌ tadun, aw manga anghil aw manga busaw. Aw bekeꞌ na kakaypengan tadun adun aw kakaypengan sa unu ya un pa dumateng. Aw bekeꞌ na katulus na diliꞌ tadun pagkita-en, dala ya awun ni dalem na langit, aw ya awun ni dalem na lupaꞌ, aw pangkay unu na pig-imoꞌ na Tyumanem. Diliꞌ yeiy maka-elet kanaten lekat adti dakulaꞌ na pagginawa na pigpakitaꞌ nan kanaten magi kan Kristu Jisus na kanaten Matas na Pangulu.
Natureza do amor divino
Deus é amor. O amor é paciente, benigno. O amor do Pai nos adota como filhos e nos transforma à sua imagem.
Ya Tyumanem yan ya lyekatan sa paggaginawa͡ay
Kay manga inulug ku na pigginawa͡an, maggaginawa͡ay kitadun, kay ya paggaginawa͡ay lekat saba adti Tyumanem. Pangkay singalan ya gyuminawa sa eped nan, yeiy ya magmatinaw na iseꞌ da sakanan na Tyumanem aw tengteng nan kya-ede-an ya Tyumanem. Manang ya utaw na walaꞌ ya pagginawa sa eped nan, yan ya magmatinaw na walaꞌ nan ka-ede-i ya Tyumanem. Kay ya bet na Tyumanem gayed nan pagginawa͡an ya utaw.
Aw maynini ya pagpakitaꞌ na Tyumanem sa kadakulaꞌ na pagginawa nan kanaten: Pigpadala nan asini tas na lupaꞌ ya kanan Iseꞌ na tamisa pada magi kanan makatagtun kitadun sa ginawa na walaꞌ ya katigkasan. Aw yeiy ya pagginawa na walaꞌ ya maka-unawa. Walaꞌ tadun una ginawayi ya Tyumanem manang yan ya nyuna gyuminawa kanaten. Aw pigpadala nan ya kanan Iseꞌ na un ma-imoꞌ dugsuꞌ kalyu kanaten, pada makamang ya pagpa-emel-emel kanaten na Tyumanem aw malanas ya manga salaꞌ tadun.
Yanagaw, kay manga inulug na kanak pigginawa͡an, kun maynan ya pagginawa na Tyumanem kanaten, ka-ilangan uman na maggaginawa͡ay kitadun.
Aw kya-ede-an da tadun aw pyangintu-uwan tadun na to-o kitadun nan pigginawa͡an.
Ya bet saba na Tyumanem gayed nan pagginawa͡an ya utaw. Yanagaw pangkay singalan utawa ya gayed gyuminawa sa manga eped nan, dun da ka-ede-i na nyakasambuk da sakanan adti Tyumanem aw awun uman ya Tyumanem ni kanan.
Pigginawa͡an tadun ya Tyumanem kay sakanan ya nyuna gyuminawa kanaten.
Ya mangayseꞌ na Tyumanem
Anenganenga mayu na to-o dakulaꞌ ya pagginawa kanaten na Ama na yan ya Tyumanem, kay pigtawag kitadun nan na kanan mangayseꞌ. Aw matinaw saba yeiy! Manang ya manga utaw na walaꞌ pangintu-u sa Tyumanem, walaꞌ nilan ka-ede-i na mangayseꞌ kitadun nan asuntu na walaꞌ nilan ka-ede-i sakanan.
Ya bagu na suguꞌ
Kay manga inulug ku na kanak pigginawa͡an, pigsulat ku kamayu ya suguꞌ ini: Maggaginawa͡ay kitadun. Bekeꞌ yeiy na bagu na suguꞌ kay madugay da mayu dyengeg aw kya-ede-an da mayu lekat pa idtu na bagu pa kamu nyangintu-u. Manang ya suguꞌ yeiy na pigpa-edeꞌ ku asini sulat ini, yan saba ya bagu na suguꞌ. Kay nyatuman da ya suguꞌ ini dun ni pigpan-imoꞌ ni Jisu-Kristu, aw ya paggaginawa͡ay pagkita-en uman dun ni kamayu. Kay ya mangitngit maya-mayaꞌ kyasayuwan na tengteng kalalamdag na to-o syumiga.
Kay ya pagginawa tadun sa Tyumanem, yan ya pagdalug tadun sa manga suguꞌ nan. Aw diliꞌ to-o malug dalugun ya kanan manga suguꞌ.
Maynini ya bet na utaw na awun pagginawa nan sa kanan eped: Matadeng magtagen sa kadaman nan aw magpakatagad sakanan. Magkallat sa eped magi sa kanimbet nan. Diliꞌ mati-ingaꞌ sa eped nan. Diliꞌ sakanan magpalibantug aw diliꞌ uman magpatastas.
Expressões do amor de Deus
O Senhor nos ama com alegria e canta sobre nós. Queni a mim vem, amará; e quem me ama, o Pai o amará.
Aw asuntu na nyaka-agad da aku sa pagkamatay ni Kristu adti krus, yanagaw diliꞌ da ku tumanen ya pagkaliman na pagka-utawun ku, manang yan da baling ya tumanen ku ya pagkaliman ni Kristu na nyeyaꞌ asini kanak. Aw yan da ya pigsaligan ku adun si Jisus na Iseꞌ na Tyumanem, kay pigginawa͡an aku nan aw pig-atag nan ya kanan pagka-utawun kalyu kanaken.
Manang ya Tyumanem, dakulaꞌ ya kanan kallat aw to-o kitadun nan pigginawa͡an. Pangkay piglakadan tadun ya manga suguꞌ na Tyumanem aw kasiling kitadun idtu muna na nyatay da, manang adun, pigmataw kitadun nan eped ni Kristu. Yanagaw magi sa kallat na Tyumanem nyakaluwaꞌ kitadun.
Ayin pa aku galu na awun gayed ni kamayu ya grasya ni Jisu-Kristu na kanaten Matas na Pangulu, aw ya pagginawa na Tyumanem, aw ya pagpakasambuk na kadég mayu magi sa Ispiritu Santo.
Gagaden galu na Tyumanem ya kamayu anenganeng pada kalabetan mayu ya kadakulaꞌ na pagginawa nan aw tabangan kamu nan na mati-is mayu ya manga kalugan kasiling na kan Kristu.