amor de Deus
O amor de Deus é a maior realidade do universo. Ele nos amou com amor eterno, incondicional e sacrificial — e nada no mundo pode nos separar desse amor.
Amor eterno
Deus amou o mundo de tal maneira que deu o seu Filho. Seu amor é de eternidade a eternidade — nunca falha.
"Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.
Thuasalama aening tuh misei hae ah thua cciamang lya oh khe, Khri nynh aening hanlan oun chipyapaw tuh Pachia nynh aening kha pawcih nynh oun sungsah cipaw a langsakunawpaw nynh thua.
Pawccecize chinaw thuasah, hiinnaw thuasah, vaaw hae thuasah, uktu hae thuasah, atu a umpaw uccaw hae thuasah, oun um cih paw uccaw hae thuasah, thungnaw huhan thuasah, ahangnaw thuasah, akhunaw thuasah, raepaw uccaw hae balyn kya-e pawpaw uccaw nynh mah thuasah, ah Bawipaw Jesu Khri kya umpaw Pachia sungsakunaw kyate aening kha oun phia kho lan khyh cipaw ccaerarih lan ka ny.
Bawipaw tuh asawnaw kyate
amaw kalan yn langkuh.
Nang kha zungzae tynpaw
sungsahnaw te kae sungsah;
tukeiccuze na tungvaw
ka lungzi zungzae.
Pachia Ryalawnaw
Bawipaw tuh hoy zah
a sungsahnaw tuh zungzae atyn keiccuze
amaw kalan lungtuabya ho oh.
Bawipaw tuh thawccih thyapaw,
ngaethyaumsah thyapaw,
lungsaepaw te atynpaw sungsahnaw te
phe abeihpaw nynh thua.
Pou Bawipaw , nang tuh
thawccih thyapaw te
ngaethyaumsah thyapaw,
a lungsaepaw, atynpaw sungsahnaw te
phe abeihpaw te a lungzipaw
Pachia nynh na thua.
Atynpaw na sungsahnaw tuh
hiinnaw laeze ahoyhua keiccuze
ka munglae nynh nang kha
ae thehoysah cih.
Natureza do amor divino
Deus é amor. O amor é paciente, benigno. O amor do Pai nos adota como filhos e nos transforma à sua imagem.
Pachia tuh Sungsakunaw
Ka sungsah hae, lu kheit te lu kheit sungsakuh oh sih, pawccecize sungsakunaw tuh Pachia kyate yn thuapaw nynh thua. Ccungccaw a sungsahpaw miakaw tuh Pachia kyate yn puipaw thua zah Pachia kha a ny. Ccungccaw a sungsah leipaw tuh Pachia kha nyh khyh; pawccecize Pachia tuh sungsakunaw nynh thua.
Pachia nynh aening oun sungsahnaw alangkunawpaw tuh: Ccapaw liate aening nynh hiinnaw ah mue nawlan oh, Pachia nynh a hoi thypaw Ccapaw kha laephi vawlan yn saw. Sungsakunaw cipaw tuh: Aening nynh Pachia kha ah sungsah oh cipaw thua leite, Pachia nynh aening kha oun sungsah zah a Ccapaw kha aening seinaw ngaethyanaw elang yn saw. Ka sungsah hae, Pachia nynh aening hynh myarya oun sungsah lanze, aening mah lu kheit te lu kheit sungsaku lan accan.
Pachia nynh aening hanlan a hoipaw sungsahnaw kha aening nynh ah nyh oh zah ah zyn oh.
Pachia tuh sungsakunaw nynh thua; sungsakunaw kya a tynpaw ccungccaw tuh Pachia kya tyn zah, Pachia mah tuh-e paw kya atyn.
Pachia nynh aening kha oun sungsah ty keiccuze aening nynh amaw kha ah sungsah oh.
Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.
Kawbya Thawpaw
Ka sungsah hae, nae kalan kawbya thawpaw kha ka zei khyh; atakaw te na hoi vae oh paw kawbya rynpaw kha nynh ka zei. Kawbya rynpaw tuh atakaw te na thae vae oh paw bya kha nynh thua. Amaw kya te nanning kya ahmepaw kawbya thawpaw kha nae kalan ka zei, pawccecize mohnaw tuh zo zah ahmepaw awnaw tuh atu a aw vae.
Pawccecize Pachia sungsah cipaw tuh aening nynh a kawbya hae kha ah zui oh paw hynh nynh thua. A kawbya hae tuh phuripaw thua khyh.
Sungsakunaw tuh a lungsae zah thawccinaw a hoi; sungsakunaw tuh eiungnaw hoi khyh; sungsakunaw tuh pookuh khyh, lysakuh khyh,
Expressões do amor de Deus
O Senhor nos ama com alegria e canta sobre nós. Queni a mim vem, amará; e quem me ama, o Pai o amará.
Bawipaw na Pachia tuh
na ngaelung kya a um,
taenaw ae pyapaw
athungpaw nynh thua;
na tungvaw a lungtua cih zah
a lungpaw cih,
a sungsahnaw kyakhe
nang kha ae thawsah thui cih;
poi nin lya hawte phe ccae lan
hlawsah te na tungvaw
a lungtua cih,
Yn sungsah hae paw kha
ka sungsah hae zah,
zuakute yn ccung hae paw tuh
yn muih hae.
Nang tuh ka muihnaw kya
aphutepaw na thua keiccuze
sawtuanaw kae pya zah kae sungsah,
tukeiccuze nang kha khum khylan
ccungccaw hae kha ka vua hae zah,
nang na hiinnaw hanlan
minphuin hae kha ka vua hae.
Pou Pachia, atynpaw na sungsahnaw kha
na beikinn lungkhu khe kae tua.
Nang ae nyh hae paw kya
atynpaw na sungsahnaw tuh
zungzae tynsah tua lah,
thinlung ading hae paw kya
na khumnaw tuh zungzae tynsah tua!
tukeiccuze a hiinpaw tuh kamaw thua leite ka lungkhu kya a hiinpaw Khri nynh thua. Atu pynsaw kya ka hiinpaw hiinnaw tuh kae yn sungsah zah ka hanlan amaw te amaw a pyakuhpaw Pachia Ccapaw zynnaw liate nynh ka hiin.
Thuasalama ngaethyaumsahnaw te phe beihpaw Pachia nynh aening kha myarya alepaw a sungsahnaw te oun sungsah keiccuze, ah seinaw kya ah chi lya oh khe, Khri ryte pynkheihlan oun hiinsah vae—thawccinaw liate nanning tuh khum na thua vae oh—
Bawipaw Jesu Khri thawccinaw, Pachia sungsahnaw te Thyaa Muisaw vaeccawkunaw tuh nae balyn tungvaw kya la um sah. Amen.
Bawipaw nynh nae thinlung kha Pachia sungsahnaw te Khri kya-e lungsaenaw kalan ae la cciakhae vae oh sah.