Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
<<Nyya dala ono pepe. Ala yimu kiyi kala. Byoni nyyimu kala ni, mamani owotiri shini ala yimu kiyi kala. Bwebe ko mani ase bagye mala wayole hin, owoni ala yimu kiyikala.>>
Ono hin yoma: Ala yimu kiyikala byoni nyyimu kala ni.
Imu yoya oyoye shomani kelo, ni ase zo olayi nu ikweyi kawoya nu.
Omani pini wo oleho ni ala pwo bwikyikyo; ni ka mo ala yimu kiyi kala.
Aha gye mo aha bose bwikwu wo Olayi, ikweyi koni aha ba yimu ka ayene ka aha ni. Ase ni ya yimu ko oyinanu lo, oyipu kikwu.
Oza ni yaha gyoza ni imu yoya we ni yoma, Okristi gekwu ikweyi ka, mamani ashu ko gekwu ikweyi ka ayene ka. Owoni ashe ka gboza kabo, kweyi omo oyinanu ni gboza lo ni kweyi tabo lo, imu ko Owuso yipu nu ona? Ayi hin moshi, ahan ka yimu kiyi ka kpela ko okwunu kin lo, ahan ke yoza neshi kpo okwokwoshi.
Ayene hin moshi, ahan yimu ki iyikaha, ikweyi koni imu bwebe ko Owuso la. Ase ni ya yimu kase wo Oyi ko Owuso la kweyi ogyo Owuso.
Ozani imu we ni oma: wako ni aha yimu ko Owuso lalo, anu ke yimu ka kweyi to Oyi nu oleho ko wa kore ko ozalabi ka. Ayene hin moshi, owoni Owuso yimu kaha mani, aha shu ko yimu ki iyikaha. Ashishe mo Owuso igbo oye kponu walo, owoni aha yimu ki iyikaha, Owuso yayo kpaha dudu, kweyi imu nu gyogya ipu kaha.
Owoni akamo, aba yimu ko Owuso, kweyi aba tela kase ashishini, awawo kokame. Koni owoni aha ba yimu kase shishini ni aha ba muwa ni lo, aba ya moji ba gege ko yimu ko Owuso ni aba mo lo ni? Ono ni Okristi daha ni yoma: ase ni ya yimu ko Owuso owotiri shini ona yimu ko oyinanu mamani.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Ala yimu kiyikala neshi byoni ala wayine ni, ananoho na moyinanu gyiyi shiyinu.
Ka shore kojije bita ikweyi wo lo, na wore ko yimu kiyikala fufunu. Ase ya yimu ko oyinanu oya geyagye dono pi yoma.
Ko gwejeji: owotiri shini oza yoya kotu kpi imu yoya kala na woye kponu; ala yimu kiyi kala, kweyi ala gbi iyinynyi kweyi ki wiyi kala shu.
Oni she kpiri yoma, ala yimu kiyi kala ko kwokwoshi, ikweyi koni imu ya byo ozalabi otu lo.
Ela kimu ka ayene ashu ko ta dala kelo ikweyi koni Owuso abiyinu fala owe ko yimu kiyikala.
Ala gohobu ko yimu kiyikala koni ala wa ayine ipu ko Okristi ni. Ala ka nwanyi ko nyo ogboga ole kala lo. Bwebe ko ya mani ase ashini nya ayoleho ko Owuso agyogye lo. Ala rela kawase ni bo oruduru ni byala bo oruduru dudu kpa awa ni. Ala rela kawase ni ba mowe ni byala ba mowe dudu kpawa ni.
Kweyi oni sharinya neshi mani kpiri ni, ala ki yimu yoya manu, imu ni kpuwa gbayi kpiri ipu ko dudu neshi ni.
Oyesu kyogwu mo, <<<Yimu ka Adole Owuso wo kpo otu wo oye, ipu ko oza yoya wo kpo oshu wo kpiri.> Oni wa kikyikyo, oki wo onyakwu ipu ko ono. Kome epa ki lema, <Yimu kase byoni oya yimu kiyo ni.>
Ala yoza neshi, owoni ala gboso ono ko Obula byoni okpa ko Owuso ka ni mo, <<Yimu kase ni ala bagye dudu ni byoni oya yimu kiyo ni.>>