Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
<<In tsin ki nɔɔk yin agbat ifɛ̀ ifas: Shim yin bafidiin. Kyɔn ti imi ki shim yin, anɔng wu i da shim yin bafidiin bá. Nɛ anɔng wu ngma banet da rēn, fok iyin yet yin bafi ikuus hom, ki i shim yin bafidiin.>>
Agbat ifɛ̀ hom yo: Shim yin bafidiin, kyɔn ti imi kin ki shim yin.
Vit anet fɛ́ a bɛ̀ ishim fi iwat iyeng: anet na mees kutset wu nek bafidang wu.
Shim yin bafidang
Itees e yeng ye fi in kin fok yit ni imɛsɛng e: i se gbing-gbing ni in shim yit bafidang yit.
Iyit rēn yit fok in mi shorop yit iku sak i sɛ kutset nek in shim yit baruneng yit. Ngma ayɔng fɛ́ a tonoso ishim awo, a resek mo nawop iku.
Ne ane fi in di rēn yit ikyɛng fi ishim yet: aYeso Kristi mees kutset wu nek iyit. Nek anɔng, i se yɛɛt ni in mees yit kutset yit nek baruneng yit. Ke akak bi ikyɛng azatse, na yɛrɛ arunyining ayɛt kudaam, na rawu dang fok angmishish wu, i se wɛshɛk fok ishim Adakunom se ni iwu awo. Naban nnon in, won da ishim yit bi se ni ncɛɛt anu nɛ ni ilem kyɛk awo, tit ishim fɛ́ ba tonoso ni ntomong nɛ atsak.
Ishim Adakunom ni ifiit
Bafidang in, won ni in shim bafidang yit, nek ishim nes na Adakunom. Ngma ayɔng fɛ́ a tonoso ishim, a yet kutes Adakunom, a rēn Adakunom.
Ishim e se ane: da iyit ba fi in kin shim yit Adakunom awo, tit Adakunom iwu fɛ́ a ki shim yit, a tom na Ari wu ti kunang itarang anɛn yit. Bafidang in, nek ishim fɛ́ Adakunom ki tonong yit, i se gyat iyit ni in tonong yit bafidang yit ishim bà. Vit anet fɛ́ a kin man di Adakunom; awɛt ki in tonoso yit bafidang yit ishim, Adakunom se ayɛt yit, ishim wu mi shining ayɛt yit.
Ngma ayɔng fɛ́ a fɛ̀, <<Imi shim Adakunom,>> awɛt na rawu arunyining, a yet anet mbɔɔs. Nek ngma ayɔng fɛ́ a rawu dang shim arunyining, ayɔng fi iwu tsin yɛrɛ, a da kyem a shim Adakunom fi iwu kin man di awo. Ni igang e, iwu mi ki nɔɔk yit agbat ifɛ̀ deng: ngma ayɔng fɛ́ a shim Adakunom, i se gbing-gbing na a shim arunyining bà.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Di te yin ice ni ishim barunyining, nesek yin bafidang iratek aza ice yin.
Tonoso yin ishim sak na bayɔng fɛ́ ba ki mɔɔt yin
Ba bi ki kuus yin kuta ikikak awo, tit kufi iya kashon itonoso ishim sak na bafidang, nek ngma ayɔng fɛ́ a tonong ishim sak na afidang, a mi shining ntsi.
Isɔ izot nek ira ikyɛng itek
Ni igang e, won ngma yin ni moon yin ace na bafidang; foos yin angmishish bafidang, shim yin bafidang, sot yin ne angmishish nɛ imen ice.
Iratek e ngma yet shim yin bafidang ni iyɛ izining. Nek ishim famasa ihwyanang anɛn dot.
Naton ishim bafidiin, da ma in ti in jɛk yin ne awo, nek iyin ice yin mi sɛ yin itees Adakunom.
Itabak igang e
Ya yin kashon ni itonoso ishim sak na bafidang tɛ baruneng. I bi te burum yin dang shashang yin batsen awo, nek ishashang batsen, bakak mi ya na batomaza dang rēn. Yiring yin ne bayɔng fɛ́ ba se na nasa-inyang, ti iyin se yin gung ni iba azɔng, nɛ bayɔng fɛ́ ba ka ba nesek iyɔm, ti i tsin sɔ yin mgbang gung ni iba.
Ayɛt nkyɔrɔk nang ngma, sok yin ishim aza akaakyɛ, iye fi itoos ishɛrɛp e gyat ngma.
AYeso fɛ̀ ni iwu, << <Shim Adakunom ni iyɛ ngɔn ngma, ni kutset ngɔn, ni kuyiring ngɔn ngma kusum.> Ntsi nang na fi in yet nfɛ́ ashon e, ni in yɔng fi in wat ni iratek. Nfɛ́ afaa fi in se ti iyɔng e yet: <Shim afidang isot ngɔn ti ice ngɔn.>
I da se gyat ki in nye yit ikyɛng fi i se ni ijɛk ni Ntsi Adakunom yɛ, <<Shim afidang isot ngɔn ti ice ngɔn.>>