Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Nagra kasefa kasege tamagrira neramue, Nagrama navesi neramantoa kna huta rumokizmia zmesinezmanteta, anahu kna hutma ovesinte avesinte hiho. Tamagrama mago’mofo ovesinte avesinte nehnage’za, maka vahe’mo’za nege’za, tamagra Nagri namage nentaza disaipol naga mani’naze hu’za hugahaze.
Ama’i Nagri kasege, tamararunku ovesinte, avesinte hiho. Nagrama, tamagri’ma navesi tamante’noa kna hiho.
Mago’mo’ma rone’agu avesinteno, agra asimuma atreno frisimo’a, tusi’a ugota hu’nea avesiza huzmerigahie.
Avesi’zamofo agafa Anumza mani’negu, rumokizmigu ovesinte avesinte hanuna naneke
E’ina hu’negu rumokizmigu ovesinte avesinte hanunana ama’i knare musen (gutnius) kea ese agafare ko antahi’naze.
Tagra antahita keta hu’none, fri’zampintira atreta tasimu eri kaziga mani’none. Na’ankure amentintima nehia nerafuna avesinentonkure. Iza’o rumokizamigu’ma avesi nontesimo’a, fri vahekna huno mani’ne.
Menina tagrama vahe’ma avesinte’zanku’ma antahiama’ma hanunana, Jisasi Agra’a asimura tagriteku huno atre’ne. Ana hu’negu tagranena zamentinti tafuhe’ina tasimu atreta zamaza hugahune. Hianagi iza’o ama mopafi afu feno ante’nesimo, amentinti nehia nefu’ma atupama hu’nenigeno negeno asuragi anteno azama osanigeno’a, nankna huno Anumzamofo avesi’zamo’a, e’inahu vahepina megahie? Osi mofavre naganimote kereti’ene tagitetikera tavesi negantone huta osanune. Hianagi tavutvapi erinteta tamage huta zamesi zamantesune.
Ovesinte avesinte hanuna zamofo naneke
Ronenimote, rumokizmigura ovesinte avesinte hanune, na’ankure avesinte’zana Anumzamofompinti e’ne. Maka vahe’mo’za ovesinte avesintema nehaza vahera, Anumzamo’a nezmafa’za nehige’za, Anumzamofona ke’za antahi’za nehaze.
Ama ana avesi’zana, tamage tagra Anumzamofona avesi ontenonkeno, Agra’a tagrira avesi ranteno, magoke ante’nea Nemofona huntegeno, kumitimofona nona huno apaserante’ne. Ronenimote, Anumzamo’ma tagri’ma avesi rante’nenigeta, anazanke huta rumokizmia tagra ovesinte avesinte hugahune. Mago vahe’mo’e huno Anumzamofona onke’ne, tagrama rumokizmigu ovesinte avesintema hanunkeno’a, Anumzamo’a tagrane manina, Agri avesizamo’a fatgo huno tagrane megahie.
Hagi mago’mo huno, Anumzamofo navesinentoe nehuno, amentintima nehia nefuma avesi ontesuno’a, havige vahe mani’ne. Na’ankure mago’mo amentinti nehia nefuma negemofama avesi ontesuno’a, Anumzana nonkemofona avesi ontegahie. Jisasi’a amanage huno kasegea tami’ne, Anumzamofoma avesintesimo’a, amentinti nehia nefuna ana huno avesintegahie.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Tamagra tamage hutma ovesinte avesinte nehuta, tamagra tamavufga anteneramita arumokizmi husga huzamanteho.
Avesintezamofo naneke
Atrenkeno nofima hu’zamo’a tamagripina omaneno, hagi rumokizmi zamavesinte nofimoke tamagripina meno. Na’ankure tva’ontamirema nemanizamokizmigu avesintezamo’a, kasegemoma hu’nea ke amage ante fatgo nehie.
Haviza hurantesaza vahe’mokizmi knare tavutava huzmantesuna naneke
Hagi maka’motma magopi fru hutma nemanitma, vahe’mokizmia tamasunku hunezmantetma, kogna hutma nemanitma, tamagu’areti so’e tamavutma nehuta, tamagu’a anteramita maniho.
Maka’zama agatere’neazama hanazana, vaheku’ma ovesinte avesinte hu avu’ava zana otretfa hiho, na’ankure avesinte avu’avazamo’a, rama’a kumi refinete.
Hagi nenfugta mono vahe’ma avesinte’zamofona mago’ene avona kreta, ovesinte avesinte hiho huta osugahunanki, Anumzamo ovesinte avesinte hu’zana ko rempi huramine.
Mono naga’mo’za ovesinte avesinte hanaza zamofo naneke
Hagi mono nagamota ovesinte avesitema hu avu’ava’zantamimo’a meno vino. Ketma antahitama osu’nesaza vahe’ma ne-esagetama nontamifi zamavarente zankura tamagera okanino. Na’ankure mago’amo’za korapara ontahine’za nozamifina zmavrente’nazana, ankero vahe anara huzamante’naze. (Jen-Agf 18:1-19:1) Hagi kina nompima mani’nesamokizmia kagerakani ozmantenka, kagranema kina nompima mani’nenoma hiaza hunka, kagesa antahizamio. Vahe’mo’za zamazeri haviza hanage’za zamatazampima mani’nesaza vahe’mokizmia, tamagera akani ozmanteta, tagranema tata zampima mani’nenoma hiaza huta knazmia eriho.
Avesimantezamo ana miko avu’avara agaterenegu, rumokizmi zamavesizamanteho. Avesi’ante avu’vazamo ana miko knare avu’ava zana azeri manumanu hu’ne.
Jisasi’a kenona’a asmino, Rana, kagrika’a Anumzana, mika tumokareti ene, mika kagu kamenteti ene, mika antahintahi ka’areti avesinto. (Diu-Kas 6:5) Ama e’i pusama huno, vugagote’nea kasege. Anante’ma hu’neana, kagragu’ma kavesi’nentanaza hunka, tva’onkarema nemanisimofona avesinto hu’ne. (Lev-Pris 19:18)
Fatgo hutma avontafepima me’nea kasegema amage’antesnutma, Tavaontamire’ma nemanisaza vahe’mokizmia tamagraguma tamavesi nentesazaza hutma rumokizmia tamavesi zamanteho, anama hanutma tamage avu’avaza hugahaze.