Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Awun bagu na suguꞌ na un ku atag kamayu: Paggaginawa͡ay kamu. Kasiling saba na pagginawa ku kamayu, maynan uman maggaginawa͡ay ya kadég mayu. Kay kun maggaginawa͡ay kamu, ka-ede-an na kadég na manga utaw na kamu ya kanaken manga umagakan."
Ini ya kanak suguꞌ: Paggaginawa͡ay kamu kasiling na pagginawa ku kamayu.
Kun awun utaw na mag-atag sa kanan pagka-utawun pangkay pa adti pagkamatay pada sa manga ubaybay nan, yan ya pagginawa na walaꞌ ya maka-unawa.
Ya paggaginawa͡ay na mangayseꞌ na Tyumanem
Ini saba ya palna-u na dyengeg mayu lekat pa na bagu kamu nyangintu-u kan Kristu: Ka-ilangan na maggaginawa͡ay kitadun.
Ya pagginawa tadun sa kanaten manga eped na nyangintu-u la, yeiy ya puliba na diliꞌ da kitadun kasiling na nyatay adti mata na Tyumanem manang nyatagtun da tadun ya ginawa na walaꞌ ya katigkasan. Manang ya utaw na walaꞌ ya pagginawa sa eped nan, yeiy uman ya puliba na kasiling pa sakanan na nyatay adti mata na Tyumanem.
Maynini ya pagka-edeꞌ tadun sa tengteng na pagginawa: Migpakamatay si Jisu-Kristu asuntu sa manga salaꞌ tadun. Aw yeiy ya du-an na tumabang kitadun sa kanaten manga inulug pangkay pa adti pagkamatay. Pangkay singalan kanaten ya madyaw na pagpakabetang manang walaꞌ nan kallati ya kanan inulug na to-o migkapelek, na, kun maynan, diliꞌ sakanan makapaglong na pigginawa͡an nan ya Tyumanem.
Kamu na pigsiling ku na kanak mangayseꞌ, pakitaꞌ tadun na tengteng kitadun miggaginawa͡ay magi sa imo-unun tadun na madyaw, aw bekeꞌ oloꞌ na taman dun ni egeng tadun.
Ya Tyumanem yan ya lyekatan sa paggaginawa͡ay
Kay manga inulug ku na pigginawa͡an, maggaginawa͡ay kitadun, kay ya paggaginawa͡ay lekat saba adti Tyumanem. Pangkay singalan ya gyuminawa sa eped nan, yeiy ya magmatinaw na iseꞌ da sakanan na Tyumanem aw tengteng nan kya-ede-an ya Tyumanem.
Aw yeiy ya pagginawa na walaꞌ ya maka-unawa. Walaꞌ tadun una ginawayi ya Tyumanem manang yan ya nyuna gyuminawa kanaten. Aw pigpadala nan ya kanan Iseꞌ na un ma-imoꞌ dugsuꞌ kalyu kanaten, pada makamang ya pagpa-emel-emel kanaten na Tyumanem aw malanas ya manga salaꞌ tadun.
Yanagaw, kay manga inulug na kanak pigginawa͡an, kun maynan ya pagginawa na Tyumanem kanaten, ka-ilangan uman na maggaginawa͡ay kitadun. Walaꞌ ya utaw na kyumitaꞌ sa Tyumanem. Manang magi sa paggaginawa͡ay tadun, dun kita-a na awun sakanan ni seled tadun, aw nyalingeb asini kanaten ya kadakulaꞌ na pagginawa na Tyumanem.
Kun awun utaw na maglong, "Pigginawa͡an ku ya Tyumanem," manang kun kenneꞌ pa nan pigkalatan na ginawa ya kanan eped, galu-un saba ya utaw yan. Kay kun walaꞌ nan ginawayi ya eped nan na pigkitaꞌ nan, na, unun nan ya pagginawa sa Tyumanem na walaꞌ nan kita-a? Aw ini ya suguꞌ ni Kristu kanaten na manga mangintu-uway: Pangkay singalan ya maglong na pigginawa͡an nan ya Tyumanem, ka-ilangan na ginawa͡an nan uman ya eped nan.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Maggaginawa͡ay ya kadég mayu kay mangkaylug kamu saba dun ni kan Kristu. Diliꞌ mayu pag-olo-un ya kamayu pagka-utawun, manang pagbabasa͡ay kamu baling.
Ya pagginawa tadun sa kanaten eped
Kun awun utang aw beles tadun, maksay naten bayadan. Manang ya sambuk na utang na diliꞌ kabayadan, yan ya paggaginawa͡ay tadun. Kay ya gyuminawa sa eped nan nyakatuman sa kadég na suguꞌ na awun ni Uldin.
Ya pagti-is asuntu sa pag-imoꞌ sa madyaw
Na, awun pa uman palna-u ku adti kadég mayu: Pagsambuka ya kamayu ginawa. Aw agad kamu uman sa pagti-is na kamayu manga eped. Maggaginawa͡ay ya kadég mayu na nyangintu-u kan Kristu. Pagkakallatay aw pagpadalem kamu.
Aw yan ya to-o mayu tibagsegi ya paggaginawa͡ay. Kay kun to-o tadun pigginawa͡an ya kanaten manga eped, pasinsiya͡an tadun sa pig-imoꞌ nilan kanaten na malatay.
Na, diliꞌ nami salutun ya pagpalna-u na maggaginawa͡ay ya kadég mayu na mangintu-uway, kay pigpalna-uwan da kamu na Tyumanem kun unun mayu ya pagginawa sa kamayu manga eped na mangintu-uway,
Ya imo-unun na makatutuk sa Tyumanem
Kay manga inulug na nyangintu-u kan Kristu, padelega ya paggaginawa͡ay mayu.
Diliꞌ mayu pagkalingawan ya pagpamasa sa manga utaw na maka-ibwang dun ni kamayu. Kay awun utaw na nyamasa sa manga nyaka-ibwang kanilan aw walaꞌ nilan ka-ede-i na ya nyibwang kanilan manga anghil kadiꞌ na Tyumanem.
Aw diliꞌ mayu pagkalingawan ya manga eped mayu na mangintu-uway na kenneꞌ nyakalabusu. Tabangi mayu silan kasiling na kamu uman ya nyakalabusu. Aw tabangi uman ya manga eped mayu na pigpamulayaman kasiling na kamu uman ya pigpamulayaman. Bati-en mayu galu ya kasiling na pigbatiꞌ nilan.
Aw ya to-o ka-ilangan, yan ya kamayu paggaginawa͡ay, kay yan ya magpa-iganget sa kadég yeiy pada gayed magkasambuk ya kamayu anenganeng.
Aw tyumubag si Jisus kanan, "Ginawa͡an mu ya kanmu Tyumanem sa kadakulaꞌ na pagka-utawun mu, aw sa kadakulaꞌ na ginawa mu, aw sa kadakulaꞌ na anenganeng mu. Sa kadég na manga suguꞌ, yeiy ya to-o matas. Aw ya kadwa na suguꞌ na to-o matas: Ginawayi ya eped mu na utaw kasiling na pagginawa mu sa kanmu pagka-utawun.
Kun pigdalug mayu ya matas na suguꞌ dun ni Uldin na pigpasulat na Tyumanem asini muna na maglong: "Ginawayi ya eped mu kasiling na pagginawa mu sa kanmu pagka-utawun," madyaw ya pig-imoꞌ mayu.