Amor fraternal

34 "ऐबै दैणीं मुंह तम्हां लै एक नऊंअ हुकम कि एकी-दुजै संघै डाहा झ़ूरी, ज़ेही मंऐं तम्हां लै झ़ूरी किई तेही झ़ूरी करा तम्हैं एकी-दुजै लै। 35 ज़ै तम्हैं आप्पू मांझ़ै झ़ूरी डाहे, तेता करै बछ़ैणनै तम्हैं होरी लोगा बी कि तम्हैं आसा मेरै च़ेल्‍लै।"

12 "मेरअ हुकम आसा अह कि ज़ेही झ़ूरी मंऐं तम्हां लै किई, तेही झ़ूरी करा तम्हैं आप्पू मांझ़ै एकी-दुजै संघै।

13 एता का खास्सी झ़ूरी निं कोहिए आथी कि कोई आपणैं साथी लै ज़ान दैए।

एकी-दुजै संघै करनी झ़ूरी

11 ज़ुंण समाद तम्हैं पैहलै ई का आसा शूणअ द, सह आसा इहअ कि हाम्हैं एकी-दुजै संघै झ़ूरी डाहे।

14 हाम्हैं हेरा जाणीं कि हाम्हां आसा मौता का पार तरी करै ज़िन्दगी दी पुजै दै। किल्हैकि हाम्हैं करा आपणैं भाई लै झ़ूरी। ज़ुंण आपणैं भाई लै झ़ूरी नांईं करदअ, सह हआ मूंऐं दै ज़िहअ।

16 हाम्हैं समझ़ी झ़ूरी इहअ करै कि तेऊ प्रभू दैनै म्हारी तैणीं आपणैं प्राण बी। इहअ ई लागा हाम्हां बी आपणैं भाई-बंधा लै हर गल्‍ला लै तैर रहणअ च़ाऐ हाम्हां मरनअ बी किल्है निं पल़े। 17 पर ज़ै कहा का संसारे ज़ैदात होए अर आपणैं भाई नांगअ भुखअ भाल़ी तेऊ लै झींण नांईं करे, तेऊ दी किहअ करै सका परमेशरे झ़ूरी बस्सी।✝

18 ए लान्हैंओ, म्हारी झ़ूरी निं लोल़ी सिधी गल्‍ला करनै दी रही, पर हाम्हैं लोल़ी भलै काम अर सत्ता दी रही झ़ूरी किई।

एकी-दुजै लै करनी झ़ूरी

7 मेरै पैरै भाईओ, हाम्हां लागा आप्पू मांझ़ै झ़ूरी करनी। किल्हैकि झ़ूरी आसा परमेशरा का अर ज़ुंण होरी लै झ़ूरी करा सह आसा परमेशरे लुआद, अर सह बछ़ैणा परमेशरा।

10 झ़ूरी निं एता दी आथी कि हाम्हैं किई परमेशरा संघै झ़ूरी, पर सह आसा एता दी कि परमेशरै किई हाम्हां लै झ़ूरी अर म्हारै पापे प्राश्ते तैणीं दैनअ आपणअ पूत एऊ संसारा लै।

11 मेरै पैरै भाईओ, ज़ै परमेशरै हाम्हां संघै एही झ़ूरी किई, तै लोल़ी हाम्हैं बी आप्पू मांझ़ै झ़ूरी किई। 12 परमेशर निं कधू कोही भाल़अ, पर ज़ै हाम्हैं आप्पू मांझ़ै झ़ूरी डाहे, परमेशर बस्सा हाम्हां दी अर तै हआ तेऊए झ़ूरी हाम्हां दी पाक्‍की।

20 ज़ै कुंण इहअ बोले कि हुंह करा परमेशरा संघै झ़ूरी अर आपणैं साथी-भाई संघै करे सह ज़ीद, तै आसा सह झ़ुठअ। किल्हैकि ज़ुंण आपणैं साथी-भाई संघै ज़ुंण तेऊ भाल़अ द आसा तेऊ संघै झ़ूरी नांईं करदअ, तै निं सह तेऊ परमेशरा संघै बी झ़ूरी करी सकदअ ज़ुंण तेऊ कधू भाल़अ बी निं आथी। 21 प्रभू ईशू का आसा हाम्हां अह हुकम भेटअ द कि ज़ुंण बी परमेशरा संघै झ़ूरी डाहा, तेऊ लागा आपणैं साथी-भाई संघै बी झ़ूरी करनी।

10 एकी-दुजै संघै डाहा एही झ़ूरी कि तम्हैं आसा आप्पू मांझ़ै एक टबर, आप्पू मांझ़ै अदर करना लै रहा एकी-दुजै लै आजू।

एकी दुजे बारै ज़िम्मैंबारी

8 आप्पू मांझ़ै निं झ़ूरी छ़ाडी होरी किछ़ी च़िज़े ऋणी हई, किल्हैकि ज़ुंण दुजै लै झ़ूरी करा सह करा परमेशरे बधाने हर गल्‍ला पूरी।

भलाई करनै पिछ़ू कष्ट

8 खिरी बोला हुंह तम्हां सोभी लै इहअ कि तम्हैं सोभै रहा आप्पू मांझ़ै एक मन्‍न हई। एकी-दुजैओ डाहणअ धैन-खैल। एकी-दुजै संघै करा भाई अर बैहणी समझ़ी झ़ूरी, होरी लै हणअ झणैल़ू अर घमंड निं कधि करनअ।

8 सोभी लै आसा सोभी का ज़रूरी गल्‍ल एही कि एकी-दुजै लै करा दिला का झ़ूरी। किल्हैकि, ज़ै तम्हैं मणछा लै झ़ूरी करे तै हणैं तम्हैं तिन्‍नें हर गलती माफ करना लै हर बगत तैर।✝

9 आपणैं साथी-भाई संघै झ़ूरी डाहणें बारै लिखणे निं मुंह ज़रुरत आथी। किल्हैकि आप्पू मांझ़ै झ़ूरी डाहणीं आसा तम्हैं आप्पै परमेशरा का शिखल़ी दी।✝

मसीही ज़िन्दगी ज़िऊंणें सलाह

1 आप्पू मांझ़ै डाहणीं भाई-बैहणी ज़ेही झ़ूरी। 2 ज़हा विश्वासी भाई संघै तम्हां पैहली बारी भेत-बछ़ैण हआ तिंयां निंणै ज़रूर आपणैं घअरा लै प्राहुंणैं। किल्हैकि इहअ करै आसा कई लोगै स्वर्ग दूत बी प्राहुंणैं निंयैं दै।✝

3 कैद हुऐ दै विश्वासीए हेर-सभाल़ बी करा एही समझ़ी कि तिन्‍नां संघै आसा तम्हैं बी कैद, अर ज़हा संघै लोग विश्वासी हणैं पिछ़ू बूरअ बर्ताअ करा, तिन्‍नें करा इहअ समझ़ी हेर-सभाल़ ज़िहअ कि अह आसा म्हारी आपणीं देही।

14 सोभी का ज़रूरी गल्‍ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़।

37 ईशू बोलअ तेऊ लै, "तूह करै आपणैं परमेशर बिधाता लै आपणअ सारअ मन्‍न, प्राण अर आपणीं सारी अक्ल लाई झ़ूरी। 38 बडअ अर पैहलअ हुकम आसा अह ई। 39 एता ई बराबर दुजअ हुकम बी आसा इहअ कि तूह कर आपणैं साथी-संघी संघै आप्पू बराबर झ़ूरी।

8 तैबी ज़ै तूह पबित्र शास्त्रे साबै तेऊ राज़ बधाना पूरअ करे, "तूह कर आपणैं साथी-संघी संघै एही झ़ूरी ज़िहअ तूह आप्पू लै झ़ूरा।" ज़ै तूह बधाने एऊ बैणा इहअ मना तै करा तूह ठीक।✝