Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Kawbya thawpaw kae pya oh: lu kheit te lu kheit sungsakuh oh. Kae nynh kae sungsah oh hawte nanning mah lu kheit te lu kheit sungsakuh oh. Lu kheit te lu kheit sungsakunaw na hoi oh ze, tuh-e sungsakunaw liate ccungccaw hae balyn nynh nanning tuh ka zuitu hae cipaw ae nyh cih oh," a cipya hae.
"Ka kawbya tuh e hynh nynh thua: Kae nynh kae sungsah oh hawte nanning mah lu kheit te lu kheit sungsakuh oh.
Ccungccaw lu kheit nynh a ban hae hanlan a hiinnaw pyakupaw sungsakunaw laeze ale huapaw sungsakunaw tuh hum nynh sanmah hoi khyh.
Sungsakuh Oh
Pawccecize atakaw te na thae vae oh paw phungbya tuh hynhte nynh thua: Aening lu kheit te lu kheit sungsaku lanpaw nynh thua.
Aening nynh ah uno hae kha ah sungsah oh keiccuze chinaw kyate hiinnaw kalan ah thua vae oh cipaw ah ny oh. A uno a sungsah leipaw ccungccaw tuh chinaw kya nynh atyn.
Khri nynh a hiinnaw kha aening hanlan a pyaku; tuhcite aening nynh Pachia sungsahnaw kha ah nythya oh; aening mah ah uno hae hanlan ah hiinnaw kha pyaku lan accan. Thuasalama ccungccaw lu kheit nynh e laephi uccaw hae hynh mang a hoi pite a ryachipaw a uno kha muih zah ngaethyaumsahnaw a hoi khyh lanze, pawtemou Pachia sungsahnaw tuh tuh-e paw kya a um kho cih?
Ka ccaaw hae, aening nynh ah bya te kyalya, khalang te kyalya sungsaku leite cyisahnaw te thanccingte sungsakuh oh sih.
Pachia tuh Sungsakunaw
Ka sungsah hae, lu kheit te lu kheit sungsakuh oh sih, pawccecize sungsakunaw tuh Pachia kyate yn thuapaw nynh thua. Ccungccaw a sungsahpaw miakaw tuh Pachia kyate yn puipaw thua zah Pachia kha a ny.
Sungsakunaw cipaw tuh: Aening nynh Pachia kha ah sungsah oh cipaw thua leite, Pachia nynh aening kha oun sungsah zah a Ccapaw kha aening seinaw ngaethyanaw elang yn saw. Ka sungsah hae, Pachia nynh aening hynh myarya oun sungsah lanze, aening mah lu kheit te lu kheit sungsaku lan accan. Hum nynh sanmah Pachia kha muih boi khyh. Aening nynh lu kheit te lu kheit ah sungsaku oh ze, Pachia tuh aening kya um zah, a sungsahnaw tuh aening kya accing.
Ccungccaw lu kheit nynh, "Pachia ka sungsah," ci zah, a uno kha a hua lanze, aning tuh mihynpaw nynh thua. Pawccecize phang a muihpaw a uno kha a sungsah leipaw ccungccaw nynh a muih leipaw Pachia kha pawtemou a sungsah kho cih? Pachia a sungsahpaw nynh tuh a uno kha mah a sungsah hahe cih, acikuhpaw kawbya hynh Khri kyate ah mue oh.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
u te neitaw ccaccing hawte lu kheit te lu kheit sungsakuh oh; sawtuakunaw kya lu kheit te lu kheit sawtuakuh kalang oh.
Lu Kheit te Lu Kheit Sungsakunaw
Lu kheit te lu kheit sungsaku lanpaw laelan hum kya sanmah laebah um nan oh; pawccecize mingccangpaw a sungsahpaw ccungccaw tuh kawbya kha phe a ccingsah vae.
Ahmepaw hanlan Teingnaw
Nyathyakou ka ho rypaw tuh: nanning balyn nynh alokuhpaw tuanaw hoi oh, thawccikunaw, uteno hawte sungsakunaw, ngaethyaumsakunaw te lungnenaw hoi oh.
Pawpaw balyn laeze lu kheit te lu kheit sungsakunaw kha tynkaring lan kyngkuh oh; pawccecize sungsakunaw nynh seinaw pataepi kha a bongpya.
Thuasalama uteno sungsakunaw konglang te lukhakheit nynh nae kalan zei ho vae khyh, pawccecize Pachia nynh naemaw ccaccei kha lu kheit te lu kheit sungsaku lan ae ccangpya vae oh.
Pachia Lungtungpaw Rya
Uteno sungsakunaw kha po tynsah oh. Mikhia hae do-oihnaw kha la ning nan oh. Pawccecize tuhte mikhia do-oihnaw kya abang nynh vaaw hae kha tualeipite innccong a la thuasah hae. Thongccah hae paw kha ning nan oh; minmin ryte thongccahkheih hae paw hawte tuakuh oh; vawsawnaw a teing hae paw kha la ning nan oh, naemaw nae pyn kya tuhcite a teingpaw hawte tuakuh oh.
Hynh-e hae balyn laelan, accingpaw lunglokunaw liate pawpaw balyn a sueluapaw sungsakunaw khate ccaankuh oh.
Jesu nynh, " ‘Bawipaw na Pachia kha na thinlung balyn te, na hiinnaw balyn te, na tuanaw balyn te na sungsah cih,’ acikuh. E hynh ale huapaw te abyapi huapaw kawbya nynh thua. Ccangningnaw tuh tuh-e te alokuh. ‘Na innpaw kha namaw toulou hawte na sungsah cih,’ acikuh.
"Na innpaw kha namaw hawkhate na sungsah cih," acikuhpaw Ccathyaa thyhte alesaepaw kawbya kha na ccingsah ccaccing oh ze, kou hoy lan na cyi vae oh.