Amor incondicional
O amor incondicional de Deus não depende de mérito humano. Ele nos amou quando ainda éramos pecadores. Esse amor não tem limites, não cobra preço e não pode ser perdido.
Amor sem condições
Deus prova o seu amor em que Cristo morreu por nós sendo nós ainda pecadores. O amor de Deus é gratuito e irrevogável.
पर परमेशर करा हाम्हां संघै एतरी झ़ूरी कि ज़ेभै हाम्हैं पापी तै, ईशू मसीहा दैनी म्हारी तैणीं आपणीं ज़ान।
कोई धर्मीं मणछा लै, मरा हेरुं, केतरी कठण गल्ल आसा, पर हई सका कि कोई मणछ भलै मणछा लै ज़ान दैणें कोशिश करे बी।
पर परमेशर करा हाम्हां संघै एतरी झ़ूरी कि ज़ेभै हाम्हैं पापी तै, ईशू मसीहा दैनी म्हारी तैणीं आपणीं ज़ान।
किल्हैकि सोभी आसा पाप किअ द अर परमेशरे प्रतप्पा का आसा सोभै दूर। परमेशरै किई हाम्हां लै एही झींण कि म्हारै पाप करनैओ लिखअ-जोखअ पाअ मटाऊई बणाऐं हाम्हैं तेऊ धर्मीं। हाम्हैं निं एता लै किछ़ै किम्मत दैनी। मसीहा ईशू किअ अह काम हाम्हां लै छ़ुटकारै दैई पूरअ।
मसीहे झ़ूरी का निं हाम्हां कोहै ज़ुदै करी सकदअ। नां खरी, नां सांगट, नां उपद्रभ करनै आल़ै, च़ाऐ देशै नकाल़ होए, च़ाऐ हाम्हां का बान्हणां लै झिकल़ै निं होए, च़ाऐ हाम्हां लै खातरअ होए, च़ाऐ हाम्हां कुंण तलबारा करै काटे!
"किल्हैकि परमेशरै किई सारै संसारा संघै एही झ़ूरी कि तेऊ दैनअ आपणअ कल्ही पूत बल़ीदान हणां लै, ताकि ज़ुंण बी तेऊ दी विश्वास करे सह निं लोल़ी मूंअ, पर तेऊ लोल़ी सदा रहणैं आल़ी ज़िन्दगी भेटी।
एकी ज़मानैं तै हाम्हैं बी तिन्नां ज़िहै ज़ुंण परमेशरा का दूर रहा तै, हाम्हैं बी करा तै तिन्नां गल्ला ज़ेतो हाम्हां च़ाअ लागा त, ज़ेता करै म्हारी देही अर मन्न खुश हआ त। तेता करै त परमेशर हाम्हां लै नराज़ ज़िहअ एभै होरी लै आसा।
पर परमेशरा लागा म्हारी खास्सी झींण अर सह करा हाम्हां लै खास्सी झ़ूरी। मसीहा दी विश्वास करनै का आजी तै हाम्हैं पाप करनै पिछ़ू मूंऐं दै ज़िहै, परमेशरै दैनी हाम्हां लै ज़िन्दगी ज़ेभै तेऊ मसीहा मरी करै भिई ज़िऊंदअ किअ अर परमेशरे जशा करै ई आसा थारअ उद्धार हुअ द।
पर तज़ी बी रहैऊअ म्हारै उद्धार करनै आल़ै परमेशरै हाम्हां का इहअ कि सह हाम्हां लै किहअ झ़ूरा अर किहअ झणैल़ू आसा। तेऊ किअ म्हारअ उद्धार। अह निं म्हारै धर्में कामां करी हुअ, पर अह हुअ इहअ करै कि तेऊ किई हाम्हां लै झींण। परमेशरै दैनी हाम्हां लै नऊंईं ज़िन्दगी। तेऊ धोऐ हाम्हैं भितरा का अर म्हारै पाप किऐ दूर, अर हाम्हैं बणाऐं तेऊ नऊंऐं साबै बभार करनै आल़ै। इहअ किअ तेऊ हाम्हां दी पबित्र आत्मां पाई।
परमेशरै दैनी हाम्हां लै पबित्र आत्मां बाझ़ी मोलै कि सह हाम्हां दी बडी शगती संघै काम करे किल्हैकि ईशू मसीहा मूंअ म्हारै पापा लै म्हारअ उद्धार करनै आल़अ हणें तैणीं।
Amor eterno
Com amor eterno te amei. O amor de Deus é mais largo, mais alto e mais profundo do que podemos compreender.
खास्सी साला पैहलै बोलअ त बिधाता इज़राईला लै, "हुंह झ़ूरा तम्हां लै सदा। मेरअ तम्हां लै झ़ूरनअ आसा अटल़ अर मुंह लागा कबल्ली थारी झींण।
तेऊ परमेशरो करा शूकर ज़ुंण स्वर्गै आसा बेठअ द,
सह झ़ूरा हाम्हां लै सदा।
परमेशरे भलाई
हे बिधाता, तेरी झ़ूरी आसा पृथूई उझै स्वर्गै तैणीं,
तेरअ सत्त आसा सरगा का बी उझै तैणीं।
साथी रहअ सदा साथी,
ज़ेभै आफ़त पल़ी, तेभै च़ोरा रिश्तैदार बी मुंह।
ज़ुंण झ़ूरी परमेशर हाम्हां संघै करा, सह हुई इहअ करे प्रगट कि परमेशरै छ़ाडअ आपणअ कल्हअ पूत संसारै ताकि हाम्हां तेऊ करै सदा रहणैं आल़ी ज़िन्दगी भेटे।
झ़ूरी निं एता दी आथी कि हाम्हैं किई परमेशरा संघै झ़ूरी, पर सह आसा एता दी कि परमेशरै किई हाम्हां लै झ़ूरी अर म्हारै पापे प्राश्ते तैणीं दैनअ आपणअ पूत एऊ संसारा लै।
हाम्हैं करा तै एकी-दुजै संघै झ़ूरी कि पैहलै किई परमेशरै हाम्हां संघै झ़ूरी।
हाम्हैं समझ़ी झ़ूरी इहअ करै कि तेऊ प्रभू दैनै म्हारी तैणीं आपणैं प्राण बी। इहअ ई लागा हाम्हां बी आपणैं भाई-बंधा लै हर गल्ला लै तैर रहणअ च़ाऐ हाम्हां मरनअ बी किल्है निं पल़े।
Amar como Deus ama
O amor é paciente e bondoso. Amai os vossos inimigos. O amor incondicional se expressa no perdão e na compaixão.
ज़ुंण होरी लै झ़ूरी करा, सह डाहा सबर अर दुजै लै झींण अर ज़ुंण झ़ूरी करा सह निं कोहिए निंदा करदअ आथी, झ़ूरी निं आपणीं बड़ैई करदअ आथी, अर नां आप्पू सराहंदअ आथी, सह निं दुजे बेइज़ती करदअ, नां सह मतलबी हंदअ, सह निं धखी का रोश्श करदअ, ज़ै तेऊ लै कुंणी बूरअ बभार किअ तेता बी निं सह आद डाहंदअ, ज़ै कुंण तेऊ लै पाप बी करे, तेता बी करा सह माफ।
ज़ुंण झ़ूरी करा सह निं लोगे कदुष्ट कामां लै खुश हंदअ, सह हआ भलै अर शुचै कामां लै खुश। सह ज़िरा झ़ूरी दी सोभी गल्ला, सह निं विश्वास करनअ छ़ाडदअ, सह डाहा सोभी गल्ला दी आशा अर सह धरा हर गल्ला लै धीर।
दुशमणा संघै झ़ूरी
"तम्हैं आसा इहअ बी शूणअ द कि इहअ बी बोला तै कि आपणैं लोगा संघै डाहै झ़ूरी अर आपणैं दुशमणा संघै डाहै ज़ीद।
"पर हुंह बोला तम्हां लै इहअ कि आपणैं दुशमणा संघै डाहै झ़ूरी। ज़ुंण ताल्है ज़ुल्म करा, तेऊ लै करै प्राथणां।
"इहअ करै हणैं तम्हैं आपणैं स्वर्गे बाब परमेशरे लुआद। किल्हैकि सह दैआ भलै अर बूरै दुही लै सुरज़ो धुप्पअ, अर धर्मीं अर पापी दुही लै बरशाऊआ पाणीं। किल्हैकि, ज़ै तम्हैं आप्पू लै झ़ूरनै आल़ै संघै ई झ़ूरी डाहा, तै तम्हां लै किज़ै फाईदअ हणअ? होर लोग बी कै इहअ निं करदै?
"ज़ै तम्हैं आपणैं ई भाई-बंधा लै अदर करा, सह कै तम्हैं बेघै बडअ काम करा? इहअ कै होर लोग बी करदै निं आथी? तैही बोला हुंह कि तम्हैं हआ सिध्द, ज़िहअ थारअ स्वर्गो बाब परमेशर सिध्द आसा।"लेब. 19:2
दुशमणा संघै झ़ूरी
"पर हुंह बोला तम्हां शुणनै आल़ै लै कि आपणैं दुशमणा संघै बी करा झ़ूरी अर ज़ुंण तम्हां संघै ज़ीद करा, तिन्नां लै बी करा भलअ। ज़ुंण तम्हां लै फिटक दैआ, तिन्नां लै दैआ बर्गत अर ज़ुंण थारी बेइज़ती करा, तिन्नां लै करा प्राथणां।
सोभी लै आसा सोभी का ज़रूरी गल्ल एही कि एकी-दुजै लै करा दिला का झ़ूरी। किल्हैकि, ज़ै तम्हैं मणछा लै झ़ूरी करे तै हणैं तम्हैं तिन्नें हर गलती माफ करना लै हर बगत तैर।